ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵎⵕⵕⴰⴽⵯⵛ ⵢⴰⵏ ⵓⵎⴰⵣⴰⵏ ⵉⵎⵥⵍⵉ ⵏ ⵓⵏⵙⵙⵉⵅⴼ ⵏ ⵙⵔⵉⵍⴰⵏⴽⴰ

01 ⴱⵕⴰⵢⵕ 2014 Version Imprimable

ⵎⵕⵕⴰⴽⵯⵛ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵎⵕⵕⴰⴽⵯⵛ, ⵎⴰⵙⵙ ⵡⴰⵍⵜⴰⵏⵜⵔⵉⵊ ⴷⵓⵏ ⵊⵓⵏ ⵙⵉⵏⴼⵔⴰⵜⵏ, ⴰⵎⴰⵡⵙⴰⵙ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵏ ⵜⵉⵎⵙⴰⵔⵉⵏ ⴰⴳⵯⵏⵙⴰⵏ ⵏ ⵙⵔⵉⵍⴰⵏⴽⴰ, ⴰⵎⴰⵣⴰⵏ ⵉⵎⵥⵍⵉ ⵏ ⵓⵏⵙⵙⵉⵅⴼ ⴰⵙⵔⵉⵍⴰⵏⴽⵉ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⵡⵎⴰⵣⴰⵏ ⵉⵎⵥⵍⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵏ ⵓⵏⵙⵙⵉⵅⴼ ⵏ ⵙⵔⵉⵍⴰⵏⴽⴰ, ⵎⴰⵙⵙ ⵎⴰⵀⵉⵏⴷⴰ ⵔⴰⵊⴰⴱⴰⴽⵙ, ⵉⵙⴰⵡⵍⵏ ⵅⴼ ⵜⵎⵔⵏⵉⵡⵉⵏ ⵏ ⵓⵙⵓⵔⵙ ⴰⴳⴳⵯⵏⵙⴰⵏ ⵏ ⵜⵎⴰⵣⵉⵔⵜ, ⵎⴰⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⴰⵎⵎⴰⵙ ⵏ ⵜⵉⴳⵉⵡⵔⵜ ⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷⴷⴰⴷ ⴰⵏⴱⴷⴷⴰⵏ ⵏ ⵜⴳⵍⴷⵉⵜ ⵅⴼ ⵓⵣⵔⴰⴽ ⵏ ⴰⴳⵣⵣⵓⵎ ⴰⵎⵓⵔⴰⵏ ⵏ ⵜⵎⵉⵣⴰⵔ, ⵉⵔⵏⵓ ⵢⵏⵏⴰ ⵓⵙⵉⵡⴹ. ⵉⵎⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵜⵉⵔⴰⵜ ⵏ ⵜⴳⵍⴷⵉⵜ ⴰⴷ ⴱⴷⴷⴰ ⵢⵙⴷⵓⵙ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⴽⵍⴰ ⴷ ⵏ ⵓⵎⵢⴰⵡⴰⵙ ⵍⵍⵉ ⵢⵙⵎⴰⵏⵏ ⵙⵉⵏ ⵏ ⵜⵉⵎⵣⴰⵔ ⵉⵎⴷⴷⵓⴽⴽⴰⵍ ⴰⴷ.

ⵜⵣⵔⵉ ⵜⵉⴳⵉⵡⵔⵜ ⵜⴰⴳⵍⴷⴰⵏⵜ ⴳ ⵜⵉⵍⵉⵜ ⵏ ⵓⵎⴰⵡⵙⴰⵙ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴷ ⵏ ⵓⵎⴰⵡⵙⴰⵙ ⵏ ⵜⵏⴱⴰⴹⵜ ⵜⴰⴷⵖⵔⴰⵏⵜ ⴷ ⵏ ⵉⵙⵇⵇⵉⵎⵏ ⵉⵏⵎⵏⴰⴹⵏ ⴰⵙⵔⵉⵍⴰⵏⴽⵉ, ⵎⴰⵙⵙ ⵃⵎⴷ ⵍⵉⴱ ⵎⴰⵕⵉⴽⴰⵕ ⴰⵜⵓⵍⵍⴰⵀ, ⴷ ⵏ ⵓⵎⵙⵇⴰⴷ ⴰⵙⵔⵉⵍⴰⵏⴽⵉ ⴳ ⵍⵇⴰⵀⵉⵕⴰ ⴷ ⴳ ⵕⵕⴱⴰⵟ, ⵎⴰⵙⵙ ⵙⴰⵏⴷⵉⵔⴰ ⵙⵓⴷⴰⵏⵟⴰ.

Dernière modification : 01 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B5%89%E2%B5%8E%E2%B5%A5%E2%B5%8D%E2%B5%89-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%99%E2%B5%94%E2%B5%89%E2%B5%8D%E2%B4%B0%E2%B5%8F%E2%B4%BD%E2%B4%B0#comment-0