Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴷⵔⴼⵉ ⵏ ⴰⵣⴰⵡⴰⴷ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴷⵔⴼⵉ ⵏ ⴰⵣⴰⵡⴰⴷ

31 ⵉⵏⵏⴰⵢⵔ 2014 Version Imprimable
ⵎⵕⵕⴰⴽⵛ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙⵙ ⴱⵉⵍⴰⵍ ⴰⵖ ⵛⵛⵔⵉⴼ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴷⵔⴼⵉ ⵏ ⴰⵥⴰⵡⴰⴷ ⵍⵍⵉ ⵉⵎⴰⵏ ⴷ ⵎⴰⵙⵙ ⵎⵓⵙⴰ ⴰⵖ ⵟⵟⴰⵀⵕ ⴰⵎⵙⵙⵉⵡⵍ ⵙ ⵉⵙⵎ ⵏ ⵓⵎⵓⵙⵙⵓ ⴰⴷ.

ⵜⵉⴳⵉⵡⵔⵜ ⴰⴷ ⵜⴽⵛⵎ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵉⵎⵖⵍⴰⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴼⴰⴷ ⴰⴷ ⵉⵙⵔⵙ ⵜⴰⵏⴰⴳⵔⵉⵜ ⴷ ⵓⵔⴳⴳⵉⴳ ⴰⵙⵓⵍⴰⵏ ⴳ ⵜⵎⴰⵣⵉⵔⵜ ⵜⵓⵍⵎⵙⴰⵜ ⴰⴷ ⴷ ⴰⴷ ⵉⴷⵔⵓ ⴳ ⵢⴰⵏ ⵙⵙⵍⴳⵏ ⵏ ⵜⵙⵙⴰⵙⵜ ⵜⴰⵎⴰⵍⵉⵜ, ⵙⴳ ⵓⵙⵙⵏⵜⵉ ⵏⵏⵙ, ⴳ ⵉⵏⵏⴰⵢⵔ 2012, ⵎⴰⵢⴰⴷ ⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⴰⵎⵎⴰⵙ ⵏ ⵜⵉⴳⵉⵡⵔⵜ ⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⵙⵓⴼ ⴰⵏⴱⴷⴷⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⵃⵟⵟⵓ ⴰⴳⵣⵣⵓⵎ ⴰⵎⵓⵔⴰⵏ ⴷ ⵓⵔⴳⴳⵉⴳ ⵏ ⵜⴳⴷⵓⴷⴰⵏⵜ ⵏ ⵎⴰⵍⵉ, ⵓⵍⴰ ⵜⴰⵎⵙⴷⴷⵓⵔⵜ ⵏ ⵓⴷⵔⵓ ⵅⴼ ⵢⴰⵏ ⵓⴼⵙⵙⴰⵢ ⴷ ⵢⴰⵏ ⵓⵎⵙⴰⵙⴰ ⵍⵍⵉ ⵔⴰⴷ ⵢⴰⵊ ⵓⵙⴱⴷⴷⵉ ⵏ ⵉⵎⵓⵙⵙⵓⵏ ⵉⴱⵔⵙⴳⴳⵯⴰⴷⵏ ⵍⵍⵉ ⵢⵙⴷⵉⴷⴷⵉⵏ ⵜⵎⵉⵣⴰⵔ ⵏ ⵍⵎⵖⵔⵉⴱ ⴰⵎⵇⵔⴰⵏ ⴷ ⴽⵓⵍⵍⵓ ⵜⵎⵏⴰⴹⵜ ⵏ ⵙⵙⴰⵃⵉⵍ ⴷ ⵜⴰⵏⵣⵔⵓⴼⵜ, ⴷ ⴰⴷ ⵙⵏⴰⵔⴼⵏ ⵜⵉⴳⵎⵉ ⴷ ⵜⵉⴳⵎⵉ ⵏ ⵓⴳⴷⵓⴷ ⴰⵎⴰⵍⵉ, ⵉⵔⵏⵓ ⵢⵏⵏⴰ ⵡⵙⴰⴳⵎ ⴰⴷ.

ⴰⵎⵎⴰⵙ ⵎⴰⵙⵙ ⴱⵍⴰⵍ ⴰⴳ ⵛⵔⵉⴼ, ⵉⵎⵍⴰ ⵢ ⴱⴰⴱ ⵏ ⵡⴰⴷⴷⵓⵔ ⵜⵉⵎⵔⵏⵉⵡⵉⵏ ⵏ ⵓⵙⵓⵔⵙ ⴰⵎⵎⴰⵙ ⵏ ⵉⵥⵥⵍⵎⴹ ⵏ ⵎⴰⵍⵉ ⴷ ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵓⵙⵓⵖⵏ ⵏⵏⵙ ⴳ ⵓⵙⴱⴷⴷⵉ ⵏ ⵜⵉⴽⵕⴹⵉ ⴷ ⴰⴱⵔⵙⵉⵡⴷ ⵍⵍⵉ ⵢⵙⴷⵉⴷⴷⵉⵏ ⵜⴰⵎⵏⴰⴹⵜ ⵏ ⵙⵙⴰⵃⵉⵍ ⴷ ⵜⴰⵏⵣⵔⵓⴼⵜ.

ⴳ ⵓⵣⵎⵣⵣⵓ ⵢⴰⴷ, ⵉⵙⵙⵔⵇⴱ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴷⵔⴼⵉ ⵏ ⴰⵥⴰⵡⴰⴷ ⴰⴷ ⵉⴹⴼⴰⵕ ⴰⴽⵛⵛⵓⵎ ⵏⵏⵙ ⴼ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵜⵉⵎⵜⵜⴰ ⵉⵎⵓⵏⵏ ⴷ ⵏ ⵜⴳⵔⴰⵡⵜ ⵜⴰⴷⴰⵎⵙⴰⵜ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⵏ ⵜⴳⵓⵜ (ⵙⵉⴷⵉⵢⴰⵡ), ⴷⴼⴼⵉⵔ ⵏ ⵢⴰⵜ ⵜⵎⵢⴰⴷⴰⵙⵜ ⵜⴰⵏⵉⵍⴰⵡⵜ ⴷ ⵉⵕⵡⴰⵏ.

ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⵜⵉⵔⴰⵜ ⵜⴰⵏⴱⴷⴷⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵙⵓⵍ ⵉⴳⵉ ⴰⴼⴰⴷ ⴰⴷ ⵜⵍⴽⵎ ⵜⵙⵙⴰⵙⵜ ⵍⵍⵉ ⵢⵍⵍⴰⵏ ⴳ ⵎⴰⵍⵉ ⵙ ⵢⴰⵏ ⵓⴼⵙⵙⴰⵢ.

ⵜⵊⵕⴰ ⵜⵉⴳⵉⵡⵔⵜ ⴰⴷ ⴳ ⵜⵉⵍⵉⵜ ⵏ ⵓⵎⴰⵡⵙⴰⵙ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴷ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵉⵖⵓⵔⵉⵏ ⴷ ⵏ ⵓⵏⵜⴰⵎ, ⵎⴰⵙⵙ ⵢⴰⵙⵉⵏ ⵍⵎⵏⵚⵓⵔⵉ.

Dernière modification : 31 ⵉⵏⵏⴰⵢⵔ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B0%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%93%E2%B5%8E%E2%B5%93%E2%B5%99%E2%B5%99%E2%B5%93-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-0#comment-0