ⵜⵉⵏⴰⵡⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵓⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 20 ⵏ ⵓⴳⵔⴰⵡ ⵏ ⵍⵇⵓⴷⵙ ⵖ ⵎⵕⵕⴰⴽⵯⵛ

17 ⵉⵏⵏⴰⵢⵔ 2014 Version Imprimable

ⵎⵕⵕⴰⴽⵯⵛ - ⵉⴼⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⵢⴰⵜ ⵜⵉⵏⴰⵡⵜ ⴰⵙⵙ ⵏ ⵓⵙⵉⵎⵡⴰⵙ ⵖ ⵎⵕⵕⴰⴽⵯⵛ, ⵖ ⵓⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 20 ⵏ ⵓⴳⵔⴰⵡ ⵏ ⵍⵇⵓⴷⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵜⵓⵙⴽⴰⵔ ⵜⵙⵙⵓⵜⵍⵜ ⴰⴷ ⵖ ⵓⵙⴰⵜⵉ ⵍⵍⵉⵖ ⵜⴷⵔⵓⵙ ⵜⵡⵉⵙⵉ ⵖ ⵜⵎⵙⴰⵔⵜ ⵜⴰⴼⵉⵍⵙⵟⵉⵏⵉⵜ ⵖ ⵜⵙⴳⴰ ⵏ ⵉⵎⴰⵜⵜⵉⵡⵏ ⵓⵏⴰ ⴰⵙⵏⵖⵎⵙ.

ⵉⵏⵏⴰ ⵓⵍⴰ ⵎⴰⵙ ⵉⵎⵎⴰⵍ ⵓⵍⵎⵓⵇⵇⴰⵔ ⴰⴷ ⵜⵉⵔⴰⵜ ⵏⵏⵖ ⴰⴷ ⵢⵉⵍⵉ ⵓⵎⵣⴰⵢ ⵏ ⵉⵣⵔⴼⴰⵏ ⵏ ⵓⴳⴷⵓⴷ ⴰⴼⵉⵍⵉⵙⵟⵉⵏⵉ, ⵓⵍⴰ ⵙⵓⵍ ⵜⴰⵎⴰⴳⵉⵜ ⵜⴰⵜⴰⵄⵕⴰⴱⵜ ⵜⴰⵎⵓⵙⵍⵎⵜ ⵏ ⵍⵇⵓⴷⵙ ⵛⵛⴰⵔⵉⴼ.

ⵉⵔⵏⵓ ⵉⵏⵏⴰ ⵎⴰⵙ ⵜⴳⴰ ⵜⵙⵎⵓⵏⵉ ⵢⴰⴷ ⵢⴰⵏ ⵓⵣⵎⵓⵣⵣⵓ ⵍⵍⵉⵖ ⵔⴰⴷ ⵏⵙⴽⵔ ⵉⵣⴷⴷⵓⵢⵏ ⵉⵎⵙⵜⴳⴳⴰⵔ ⴰⴼⴰⴷ ⴰⴷ ⵏⴰⴼ ⵜⴰⵎⴰⵎⴽⵜ ⵍⵍⵉ ⵙ ⵔⴰⴷ ⵏⵙⴱⵉⴷⴷ ⵜⴰⵙⵜⵔⵜⵉⵜ ⵜⴰⵎⴰⴷⵓⵏⵜ ⴰⵏⵉⵍ ⵏ ⵓⴳⴷⵓⴷ ⴰⴼⵉⵍⵉⵙⵟⵉⵏⵉ, ⵃⵎⴰ ⴰⴷ ⵏⵙⴱⵉⴷ ⵉⵖⴰⵡⴰⵙⵏ ⵏ ⵜⵣⴷⴰⵖⵜ ⴷ ⵜⵕⵥⵉ ⵏ ⵍⵃⵓⵕⵎⴰ ⵏ ⵍⵇⵓⴷⵙ ⵛⵛⴰⵔⵉⴼ ⴷ ⵜⵎⵣⴳⵉⴷⴰ ⵜⴰⵎⵇⵕⴰⵏⵜ ⵏ ⵍⴰⵇⵚⴰ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵓⵔ ⵜⴳⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵍⵇⵓⴷⵙ ⵢⴰⵜ ⵜⵉⴽⴽⵉ ⵏⵖ ⴰⴳⵍⴰⵎ, ⵜⴳⴰ ⵢⴰⵏ ⵡⴰⴳⴳⵓⵜ ⵉⵥⴹⴰⵢⵏ ⵍⵍⵉ ⵢⵟⵟⴰⴼⵏ ⵢⴰⵜ ⵜⵎⵙⵜⴳⴳⴰⵔⵜ ⵉⴳⴳⵓⵜⵏ.

Dernière modification : 17 ⵉⵏⵏⴰⵢⵔ 2014

Source URL: https://www.mapnews.ma/am/activites-royales/%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%96-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-20-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%96-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B#comment-0