Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵎⵕⵕⴰⴽⵛ ⵎⴰⵙⵙ ⵊⴰⴽ ⵍⴰⵏⴳ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵎⵕⵕⴰⴽⵛ ⵎⴰⵙⵙ ⵊⴰⴽ ⵍⴰⵏⴳ

02 ⵉⵏⵏⴰⵢⵔ 2014 Version Imprimable
ⵎⵕⵕⴰⴽⵯⵛ - ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵎⵕⵕⴰⴽⵛ, ⵎⴰⵙⵙ ⵊⴰⴽ ⵍⴰⵏⴳ, ⴰⵏⵙⵙⵉⵅⴼ ⵏ ⵓⵙⵉⵏⴰⴳ ⵏ ⵓⵎⴰⴹⴰⵍ ⴰⵄⵕⴰⴱ ⴳ ⴱⴰⵔⵉⵥ.

ⴳ ⵓⵣⵎⵣⵣⵓ ⵢⴰⴷ,  ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵍⴰⵍⵜ ⵜⴰⵏⴰⵎⴽⴰⵏⵜ ⵏ  ⵓⵙⵉⵏⴰⴳ ⵏ ⵓⵎⴰⴹⴰⵍ ⴰⵄⵕⴰⴱ, ⵎⴰⵢⴰⴷ ⵉⴳⴰⵏ ⵢⴰⵏ ⴰⵙⵎⴷⴰⵢ ⵉⵎⵙⴷⴷⵓⵔⵏ ⵉⵏⴰⴼⵓⵏ ⴰⴷⴰⵙ ⴰⴷⵍⵙⴰⵏ ⴷ ⵜⵓⵙⵙⵏⴰ ⵜⴰⵎⵢⴰⵖⵜ ⴳⵔ ⴼⵕⴰⵏⵚⴰ ⴷ ⵓⵎⴰⴹⴰⵍ ⴰⵄⵕⴰⴱ, ⵎⴰⵢⴰⴷ ⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⴰⴱⵔⵙⵉⵔⴰ ⴰⴳⵍⴷⴰⵏ.

ⴰⵎⵎⴰⵙ ⵏ ⵜⵉⴳⵉⵡⵔⵜ ⴰⴷ, ⵉⵎⵍⴰ ⵎⴰⵙⵙ ⵊⴰⴽ ⵍⴰⵏⴳ ⴱⴰⴱ ⵏ ⵡⴰⴷⴷⵓⵔ ⵉⵙⵓⵊⴷⵏ ⵍⵍⵉ ⴰⵔ ⵉⵙⴽⴰⵔ ⵓⵙⵓⴷⵙ ⴰⵎⵎⴰⵙ ⵏ ⵜⴰⵎⴰⵥⵓⵏⵜ ⵜⴰⴼⵕⴰⵏⵚⵉⵚⵜ ⵏ ⵢⴰⵜ ⵜⴰⵎⵙⴰⵔⵜ ⵜⴰⵎⵇⵕⴰⵏⵜ, « ⵍⵎⵖⵔⵉⴱ ⵏ ⵉⴼⴹ ⵉⴽⵍⵓⵏ », ⵍⵍⵉ ⵢⵙⵙⴰⵡⵍⵏ ⵙⵍⴰⵡⴰⵏ ⴰⴽⴽⵯ ⵅⴼ ⵜⵉⵣⵓⵔⵉⵏ ⵜⵉⵎⵖⵔⴰⴱⵉⵏ ⵜⵉⵜⵔⴰⵔⵉⵏ ». ⵜⴰⵎⵙⴰⵔⵜ ⵜⴰⵎⵙⴷⴷⵓⵔⵜ ⴰⴷ, ⵍⵍⵉ ⵔⴰⴷ ⵢⵉⵍⵉ ⴷ ⵓⵏⵏⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵏ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵜⴰⴼⵕⴰⵏⵚⵉⵚⵜ, ⵔⴰⴷ ⵉⵙⴼⵓⴳⵍⵓ ⵍⵖⵉⵏⴰ ⴰⵎⵇⵔⴰⵏ ⴷ ⴰⵎⴰⴳⵓⵜ ⵏ ⵜⵓⵙⵙⵏⴰ ⵜⴰⵎⵖⵔⴰⴱⵉⵜ.

ⵉⵏⵏⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴱⵖⵓⵔ ⴰⵎⵇⵔⴰⵏ ⵍⵍⵉ ⵢⴼⴽⴰ ⵉ ⵡⵎⵓⵔⵙ ⵏ ⵜⵎⵙⴰⵔⵜ ⴰⴷ, ⵓⵍⴰ ⵡⵙⵔⵇⴱ ⵏⵏⵙ ⵉ ⴽⵓⵍⵍⵓ ⵜⵉⵙⵏⵜⴰⵢⵉⵏ ⵍⵍⵉ ⵢⵙⴰⵡⵍⵏ ⵅⴼ ⵜⵓⴳⵉ ⵜⴰⵏⴰⵥⵓⵕⵜ ⵎⴰⵢⴰⴷ ⵉⴳⴰⵏ ⴰⵏⵙⵎⴰⵙⵙⵓ ⵏ ⵜⵉⴳⵎⵉ ⴰⵏⴼⴳⴰⵏ ⴷ ⵓⵙⴼⵉⴽⴽⵜ ⵏ ⵜⴳⵍⴷⵉⵜ.
 
ⵜⵣⵔⵉ ⵜⵉⴳⵉⵡⵔⵜ ⴰⴷ ⴳ ⵜⵉⵍⵉⵜ ⵏ ⵓⵎⵙⵇⴰⴷ ⵏ ⴼⵕⴰⵏⵚⴰ ⴳ ⵍⵎⵖⵔⵉⴱ, ⵎⴰⵙⵙ ⵛⴰⵕⵍ ⴼⵔⵉⵣ, ⴷ ⵏ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵟⵟⵢⴱ ⵍⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⴼⵓⴰⴷ ⵄⵍⵉ ⵍⵀⵉⵎⵎⴰ.
Dernière modification : 02 ⵉⵏⵏⴰⵢⵔ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B5%8E%E2%B4%B0%E2%B5%99%E2%B5%99-%E2%B5%8A%E2%B4%B0%E2%B4%BD-%E2%B5%8D%E2%B4%B0%E2%B5%8F%E2%B4%B3#comment-0