ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵢⵉⴳⵯⵎⴰⵎⵏ ⵏ ⵉⵎⵙⵏⴰⵍⴽⴰⵎⵏ ⵏ ⴼⴰⵕ ⵍⵍⵉ ⵔⴰⴷ ⵢⵉⵍⵉ ⵖ ⵜⴳⴷⵓⴷⴰⵏⵜ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ

25 ⴷⵓⵊⴰⵏⴱⵉⵔ 2013 Version Imprimable

ⴰⴳⴰⴷⵉⵔ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵏⴰⴼⵍⵍⴰⵏ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ (ⴼⴰⵕ) ⵢⴰⵜ ⵜⵓⵣⵉⵏⵜ ⵉ ⵢⵉⴳⵯⵎⴰⵎⵏ ⵏ ⵢⵉⴳⵯⵎⴰⵎⵏ ⵏ ⴼⴰⵕ ⵍⵍⵉ ⵔⴰⴷ ⵉⴷⴷⵓ ⵖ ⵜⴳⴷⵓⴷⴰⵏⵜ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ, ⴷ ⵍⵍⵉ ⵢⵉⵜⵜⵓⵖⵔⴰⵏ ⴰⵙⵙ ⵏ ⵓⴽⵕⴰⵙ ⵖ ⵢⴰⵜ ⵜⴼⵓⴳⵍⴰ ⵖ ⵍⵉⵟⴰ ⵎⴰⵊⵓⵕ ⵏ ⵜⵙⴳⴰ ⵏ ⵉⴼⴼⵓⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵔⴰ ⴰⴷ ⵢⴰⵣⵏ ⵢⴰⵏ ⵓⵙⵎⵏⴰⵍⴽⴰⵎ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵖⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ. ⵎⴰⵢⴰⴷ ⵉⴳⴰ ⵢⴰⵜ ⵜⵎⵔⴰⵔⵓⵜ ⵉ ⵜⵖⵓⵔⵉ ⵏ ⵜⵡⵉⵣⵉ ⵍⵍⵉ ⵜⴼⴽⴰ ⵜⵎⴰⴷⴷⴰⵙⵜ ⵏ ⵉⵎⵜⵜⴰ ⵢⵉⵎⵓⵏⵏ, ⴰⴼⴰⴷ ⴰⴷ ⵢⵉⵍⵉ ⵓⵃⵟⵟⵓ ⵏ ⵜⵏⴼⵔⵓⵜ ⴷ ⵜⵏⴰⴳⵔⵉⵜ. ⵉⵔⴰ ⵍⵎⵖⵔⵉⴱ ⴰⴷ ⵉⴷⵔⵓ ⵖ ⵜⵓⴳⴳⴰⵣ ⵏ ⵜⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵍⵍⵉ ⵢⵉⵔⴰⵏ ⴰⴷ ⵜⴰⵡⵙ ⵖ ⵓⵎⵣⴰⵢ ⵏ ⵜⵡⵉⵣⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵓⴼⴳⴰⵏ.

ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵕⴱⴱⵉ ⴰⴷ ⵢⴰⵡⵙ ⵉⵜⵔⴰⴱⴱⵓⵜ ⴰⴷ ⵖ ⵓⴱⵔⵉⴷ ⵏⵏⵙ ⴷ ⴰⴷ ⵢⵉⵍⵉ ⵓⵎⴷⴰⵣ ⵖ ⵜⴳⴰⵔⴰ ⵏⵏⵙ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵜ ⵏ ⵉⵅⵚⵚⴰ ⴰⴷ ⵙⵙⵏ ⵜⴰⵎⵙⵜⴳⴳⴰⵔⵜ ⵍⵍⵉ ⵜⵏ ⵉⴷ ⵉⵇⵇⴰⵏⵏ, ⴷ ⴰⴷ ⵖⴰⵎⴰⵏ ⵉⴼⵍⵙⴰⵢⵏ ⵉ ⵢⵉⵢⵎⴰⵏ ⵏ ⵓⵙⴳⴷⵉⵍ ⵍⵍⵉ ⵙⵙⵏ, ⴷ ⵡⴰⵜⵉⴳ ⵏ ⵜⵙⴷⵔⴰⵙⵜ ⵏ ⵍⵎⵖⵔⵉⴱ ⴷ ⵡⵉⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵍⴰ ⵙⵓⵍ ⵡⵉⵏ ⵜⵡⵉⵣⵉ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵉⴳⵯⵎⴰⵎⵏ ⵏ ⴼⴰⵕ ⵉⵙ ⵉⵅⵚⵚⴰ ⴰⴷ ⵖⴰⵎⴰⵏ ⵢⴰⵏ ⵓⵎⴷⵢⴰ ⵏ ⵓⵖⵓⴷ ⴷ ⵉⵥⵍⵉ ⵖⵎⴽⵍⵍⵉ ⴱⴷⴷⴰ ⴳⴰⵏ, ⴰⴷ ⵎⵍⵉⵏ ⵎⴰⵙ ⵥⴹⴰⵕⵏ ⴰⴷ ⴷⴷⵔⵏ ⵖ ⵜⵣⴷⴰⵖⵜ ⵉⵛⵛⴰⵔⵏ ⴷ ⵓⵎⵙⴰⵙⴰ ⵖ ⵜⵎⵓⵔⵜ ⴰⴷ ⵓⵍⵜ ⵎⴰⵜ ⵏⵏⵖ ⵍⵍⵉ ⵔⴰⴷ ⵜⵣⵣⵔⵉⵎ ⴰⵙⵖⵍⴼ ⵏⵏⵓⵏ.

Dernière modification : 25 ⴷⵓⵊⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%A2%E2%B5%89%E2%B4%B3%E2%B5%AF%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%89%E2%B5%8E%E2%B5%99%E2%B5%8F%E2%B4%B0%E2%B5%8D%E2%B4%BD%E2%B4%B0%E2%B5%8E%E2%B5%8F-%E2%B5%8F-%E2%B4%BC%E2%B4%B0%E2%B5%95-%E2%B5%8D%E2%B5%8D%E2%B5%89-%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%96#comment-0