Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵙⵏⵓⴱⴳ ⴳ ⵓⴷⴷⵓⵔ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵙⵏⵓⴱⴳ ⴳ ⵓⴷⴷⵓⵔ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ

24 ⴷⵓⵊⴰⵏⴱⵉⵔ 2013 Version Imprimable
ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵢⴰⵏ ⵓⵙⵏⵓⴱⴳ ⴳ ⵓⴷⴷⵓⵔ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵉⵎⴰⴷⴰⵢⵉⵏ ⵏ ⵍⵡⵉⵙⴰⵎ ⴰⴳⵍⴷⴰⵏ ⵉ ⵡⵏⵙⵙⵉⵅⴼ ⴷ ⵓⵎⵙⵙⴰⵏⵓⵏ ⴷ ⵉⵎⵓⵔⴰⵔⵏ ⴷ ⵓⴳⴰⵍⵓⴼ ⴰⵜⵉⵇⵏⵉ ⵏ ⵓⵙⴳⵔⴰⵡ ⵏ ⵕⵕⴰⵊⴰ, ⴷⴼⴼⵉⵔ ⵏ ⵉⴽⵔⵣⴰⵡ ⴰⵎⴰⵏⵓⵏ ⴰⵎⵣⵔⴰⵢ ⵍⵍⵉ ⵜⵙⴽⵔ ⵜⵔⴰⴱⴱⵓⵜ ⵜⴰⵎⵇⵔⴰⵏⵜ ⴰⴷ ⴰⵎⵎⴰⵙ ⵏ ⵜⵡⴰⵍⴰ ⵜⵉⵙⵙ 10 ⵏ ⵜⴽⵓⵙⵜ ⵏ ⵓⵎⴰⴹⴰⵍ ⵏ ⵉⵙⴳⵔⴰⵡⵏ ⵍⵍⵉ ⵢⵙⵏⵎⴰⵍⴰ ⵍⵎⵖⵔⵉⴱ, ⵜⵓⵎⵥ ⴼ ⵖⵉⴽⴰⵏⵏ ⴰⴷⵖⴰⵔ ⵡⵉⵙⵙ ⵙⵉⵏ, ⵎⴰⵢⴰⴷ ⴰⴷ ⵉⵏⵏⴰ ⵢⴰⵏ ⵓⵎⵙⵡⵉⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵉⴼⴽⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵍⵡⵉⵙⴰⵎ ⵢⴰⴹⵏⵉⵏ ⵉ ⵡⵎⵙⵙⴰⵏⵓⵏ ⴰⵣⴰⵢⴽⵓ ⵏ ⵜⵔⴰⴱⴱⵓⵜ, ⵎⵃⵎⵎⴷ ⴼⴰⵅⵉⵔ, ⵙ ⵜⵓⴽⵣⴰ ⵏ ⵜⵓⴳⴳⴰⵣ ⵍⵍⵉ ⵢⵙⴽⵔ ⴰⴼⴰⴷ ⴰⴷ ⵉⵙⵎⵓⵏ ⴷ ⵉⵙⵙⵓⵊⴷ ⵜⵔⴰⴱⴱⵓⵜ ⵜⴰⵎⵃⵉⵣⵡⵔⵜ.

ⴳ ⵓⵣⵎⵣⵣⵓ ⵢⴰⴷ, ⵣⵣⵓⵍⵏ ⵉⴳⵎⴰⵎⵏ ⵏ ⵓⵙⵉⵔⴰ ⵍⵍⵉ ⵢⵏⵔⵏ ⴰⵙⴳⵔⴰⵡ, ⵍⵍⴰⵏ ⴳ ⵉⵜⵙⵏ ⵉⵎⵓⵔⴰⵔⵏ ⵉⵇⴱⵓⵔⵏ ⵚⴰⵍⴰⵃⴷⴷⵉⵏ ⴱⴰⵚⵉⵕ ⴷ ⵄⴱⴷⵍⵎⵊⵉⴷ ⴹⴹⵓⵍⵎⵉ. 

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵕⵕⴰⵊⴰ ⵏ ⴹⴹⴰⵕⵍⴱⵉⴹⴰ ⵢⴰⵏ ⵓⴳⵣⵣⵓⵎ ⵏ ⵡⴰⴽⴰⵍ, ⵎⴰⵢⴰⴷ ⵉⴳⴰⵏ ⵢⴰⵜ ⵜⵉⴽⴽⵉ ⵜⴰⵏⵉⵎⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ, ⴰⴼⴰⴷ ⴰⴷ ⵜⵟⴼ ⵕⵕⴰⵊⴰ ⵉⴱⴰⵔⴰⵣⵏ ⵏ ⵓⵙⵙⵉⵔⵎ ⴷ ⴰⵙⴰⵢⵔⴰⵔ ⵏ ⵓⵙⵎⵓⵜⴳ ⵉⴳⴰⵏ ⵙⵍⴰⵡⴰⵏ ⴰⴽⴽⵯ ⵉ ⵡⵙⵎⵉⵍ ⵏ ⵉⵄⵔⵔⵉⵎⵏ.

ⵉⴼⴽⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵜⴰⵀⴰⵏⵉ ⵏⵏⵙ ⵉⵅⴰⵜⴰⵔⵏ ⵉ ⴽⵓⵍⵍⵓ ⵉⴼⵔⴷⵉⵙⵏ ⵏ ⵓⵙⴳⵔⴰⵡ, ⴰⵎⵙⵙⴰⵏⵓⵏ ⴷ ⵉⵎⵓⵔⴰⵔⵏ ⴷ ⴰⴳⴰⵍⵓⴼ ⴰⵜⵉⵇⵏⵉ ⴷ ⴰⵎⵙⴳⵏⴰⴼ ⴷ ⴰⵎⵙⵙⵓⴳⵓⵔ ⴷ ⴰⵙⵉⵔⴰ ⵏ ⵓⵏⵔ, ⵅⴼ ⵜⴰⴼⵍⵖⴰ ⵜⴰⵎⴰⵏⵓⵏⵜ ⴰⴷ ⵉⴼⵓⵍⴽⵉⵏ.
Dernière modification : 24 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B5%93%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%8F-%E2%B5%9C%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%8F#comment-0