Published on MAPNews (https://www.mapnews.ma/am)

Accueil > ⴰⵇⵇⵏ ⴳ ⴷⴷⵓⵃⴰ ⵏ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ ⴳ ⵜⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴰⵇⵇⵏ ⴳ ⴷⴷⵓⵃⴰ ⵏ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ ⴳ ⵜⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ

11 ⴷⵓⵊⴰⵏⴱⵉⵔ 2013 Version Imprimable
ⴷⴷⵓⵃⴰ - ⵜⵎⵎⴰⵏ ⵜⵉⵡⵓⵔⵉⵡⵉⵏ ⵏ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ ⴰⵙⵙ ⵏ ⵓⴽⵕⴰⵙ ⴳ ⴷⴷⵓⵃⴰ, ⴳ ⵜⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ.

ⴳ ⵜⵉⵖⵉⵎⵉⵜ ⵏ ⵓⵇⵇⵏ ⴰⴷ, ⵍⵍⵉ ⵎⵓ ⵃⴰⴹⵕⵏ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵉⵏⴱⵉⴹⵏ ⴷ ⵉⵎⵥⵍⴰⵢⵏ, ⵎⵙⴰⵙⴰⵏ ⴽⵓⵍⵍⵓ ⵉⵎⴷⵔⴰⵡⵏ ⵅⴼ ⵜⵎⵙⴷⴷⵓⵔⵜ ⵏ ⵉⴳ ⴰⴼⵔⴷⵉⵙ ⴰⵏⴼⴳⴰⵏ ⴰⵎⵎⴰⵙ ⵏ ⴽⵔⴰ ⵢⴳⴰⵜ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ, ⵜⴰⵏⵎⵏⴰⴹⵜ ⵏⵖⴷ ⵜⴰⵎⴰⴹⵍⴰⵏⵜ ⴳ ⵓⵣⵎⵣⵣⵓ ⵏ ⵓⵎⴳⵍ ⵙ ⵜⴷⵓⵙⵉ, ⵓⵍⴰ ⵓⵙⵙⵏⵜⵉ ⴷ ⵓⵡⵜⵜⴰⵙ ⵏ ⴽⵔⴰ ⵢⴳⴰⵜ ⵜⵉⴳⴰⵡⵜ ⵉⵜⵜⴰⵡⵙⴽⴰⵔⵏ ⴳ ⵉⴳⵔ ⴰⴷ.

ⴼ ⵖⵉⴽⴰⵏⵏ, ⵜⵏⵏⴰ ⵛⵛⵉⵅⴰ ⵖⴰⵍⵢⴰ ⴱⵏⵜ ⵎⵓⵃⵎⵎⴷ ⴰⵍⵜⴰⵏⵉ, ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⴷⵓⵙⵉ ⵜⴰⵇⴰⵟⴰⵕⵉⵜ ⴷ ⵜⴳⵎⴰⵎⵜ ⵏ ⴰⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵓⵎⵎⴰⵙ « ⵙⵉⴷⵔⴰ » ⵏ ⵜⵙⵏⵉⵊⵊⵉⵜ ⴷ ⵓⵙⵉⴳⴳⵍ ⵏ ⴷⴷⵓⵃⴰ, ⵜⵙⴷⴷⵉⴷ ⵜⴰⵎⵙⴷⴷⵓⵔⵜ ⵏ ⵓⵛⵔⴰⴽ ⵏ ⵉⵎⴰⴹⵓⵏⵏ ⴳ ⵓⵎⵎⴰⵥ ⵏ ⵜⵖⵜⴰⵙⵜ ⴳ ⵓⵣⵎⵣⵣⵓ ⵏ ⵜⴷⵓⵙⵉ.

ⴰⵎⵎⴰ ⵎⴰⵙⵙ ⵍⵓⵕⴹ ⴹⴰⵕⵣⵉ ⵏ ⴷⵉⵏⵀⴰⵎ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⴰⵎⵙⴽⴰⵔ ⵏ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵓⵙⵉⵏⴰⴳ ⵏ ⵓⵙⵎⴰⵢⵏⵓ ⵅⴼ ⵜⴷⵓⵙⵉ ⵜⴰⵎⴰⴹⵍⴰⵏⵜ ⴳ « ⵍⵉⵎⴱⵉⵕⵢⴰⵍ ⴽⵓⵍⵉⵊ » ⵏ ⵍⵓⵏⴹⵓⵏ, ⵉⵏⵏⴰ ⵉⵙ ⵎⵙⴰⵙⴰⵏ ⴽⵓⵍⵍⵓ ⵢⴳⵎⴰⵎⵏ ⵅⴼ ⵜⵎⵙⴷⴷⵓⵔⵜ ⵏ ⵜⴷⵔⴰⵡⵜ ⵏ ⵉⵎⴰⴹⵓⵏⵏ ⴷ ⵜⴰⵎⵢⴰⵖⵜ ⴷ ⵉⴷⵜⵏ.

ⵜⵙⵙⵏⴰ ⵢⴰⴷⵍⵍⵉ ⵜⵉⵔⵎⵜ ⵏ ⵓⵕⵥⵥⵓⵎ ⵏ ⵓⴳⵉⵔ ⴰⴷ ⵉⵏⴰⵡ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵍⵍⵉ ⵢⵙⴰⵡⵍⵏ ⵅⴼ ⵉⵔⵉⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵓⴽⵯⵕⵥⵎⵉⵡ.
Fichier attaché :
Icône paquet doha-lalla_salma-cloture_sommet.zip
Dernière modification : 11 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B4%B0%E2%B5%87%E2%B5%87%E2%B5%8F-%E2%B4%B3-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B5%8F-%E2%B5%93%E2%B4%B3%E2%B5%89%E2%B5%94-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B3-%E2%B5%9C%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C#comment-0