ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⵙⴳⵏⴰⴼ ⵍⴰⵎⴰⵍ ⵏ ⵜⵏⴽⵓⵍⵓⵊⵉⵜ ⴳ ⴷⴷⵓⵃⴰ

11 ⴷⵓⵊⴰⵏⴱⵉⵔ 2013 Version Imprimable

ⴷⴷⵓⵃⴰ - ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⴰⵙⵙ ⵏ ⵓⴽⵕⴰⵙ, ⴰⵙⴳⵏⴰⴼ ⵍⴰⵎⴰⵍ ⵏ ⵜⵏⴽⵓⵍⵓⵊⵉⵜ ⴳ ⴷⴷⵓⵃⴰ, ⴳ ⵓⵣⵎⵣⵣⵓ ⵏ ⵜⴷⵔⴰⵡⵜ ⵏⵏⵙ ⴳ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ.

ⵍⵍⵉⵖ ⵜⵍⴽⵎ ⴰⵙⴳⵏⴰⴼ ⵍⴰⵎⴰⵍ, ⵜⵣⵓⵍ ⵎⴰⵙⵙⴰ ⵃⴰⵏⴰⵏ ⵍⴽⵡⴰⵔⵉ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵉⵎⵔⵙⵍⵜ ⵃⴰⵎⴰⴷ ⵏ ⵜⴷⵓⵙⵉ.

ⴳ ⵓⵙⵙⵏⵜⵉ ⵏ ⵓⵔⵣⴰⴼ ⴰⴷ, ⵜⵙⵙⴼⵍⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵉⵙⵙⴼⵔⵉⵏ ⵍⵍⵉ ⵢⴰⵜ ⵜⴼⴽⴰ ⵜⴰⵏⵎⵀⴰⵍⵜ ⵏ ⵜⵏⴰⴼⵓⵜ ⵏ ⵓⵙⵎⴽⵍ ⵙ ⵓⵥⵏⵥⵕ ⴳ ⵜⵉⵎⵔⵙⵍⵜ ⵃⴰⵎⴰⴷ ⵏ ⵜⴷⵓⵙⵉ, ⵎⴰⵙⵙⴰ ⵏⵓⵔⴰ ⵎⵓⵃⵎⵎⴷ ⵍⵃⴰⵎⴰⴷⵉ, ⴰⵎⵎⴰⵙ ⵏ ⵜⵉⴳⴰⵡⵉⵏ ⴷ ⵉⵎⵓⵙⵙⵓⵏ ⵏ ⵓⵎⵎⴰⵙ, ⵓⵍⴰ ⵅⴼ ⵓⵙⴰⵜⵉ ⵓⵍⴳⵉⵏ ⴷ ⵓⵣⵣⵓⵍⴰⵏ ⴷ ⵉⵡⵜⵜⴰⵙⵏ ⵏⵏⵙ ⴳ ⵓⵙⴰⵜⵉ ⵏ « ⵜⵣⵕⵉⵜ ⵏ ⵇⴰⵟⴰⵕ 2030 » ⵏ ⵜⵉⴳⵎⵉ.

ⵉⴼⴽⴰ ⵓⵙⴳⵏⴰⴼ ⵍⴰⵎⴰⵍ ⵏ ⵜⵏⴽⵓⵍⵓⵊⵉⵜ ⵜⵉⵏⴰⴼⵓⵜⵉⵏ ⵏ ⵓⴽⴰⵣ ⴰⵎⵏⵣⵓ, ⴷ ⵏ ⵓⵙⵎⴽⵍ, ⴷ ⵏ ⵓⵎⵛⴰⵡⴰⵕ, ⴷ ⵉⵙⴼⵔⴽⵏ ⵏ ⵉⵎⴰⴹⵓⵏⵏ ⴷ ⵜⵉⵡⴰⵛⵓⵏⵉⵏ ⵏⵏⵙⵏ. ⵉⵟⵟⴰⴼ ⵉⵎⴰⵙⵙⵏ ⴷ ⵉⵙⴰⵜⵉⵏ ⵉⵙⴰⴼⴰⵔⵏ ⵍⵍⵉ ⵢⴼⴽⴰⵏ ⵉⵊⵉⵊⵊⵉ ⵉ ⴳⵔ 3000 ⴷ 4500 ⵉⵎⴰⴹⵓⵏⵏ ⴳ ⵓⵙⴳⴳⵯⴰⵙ.

ⴳ ⵜⵎⴳⴳⴰⵔⵓⵜ ⵏ ⵓⵔⵣⴰⴼ, ⵜⴼⴽⴰ ⵎⴰⵙⵙⴰ ⵃⴰⵏⴰⵏ ⵍⴽⵡⴰⵔⵉ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴷⴷⵔⵄ ⵏ ⵜⵉⵎⵔⵙⵍⵜ ⵃⴰⵎⴰⴷ ⵏ ⵜⴷⵓⵙⵉ ⵅⴼ ⵓⵙⵓⵖⵏ ⴰⵙⵓⵍⴰⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵉⴳⵔ ⵏ ⵜⴷⵓⵙⵉ.

Dernière modification : 11 ⴷⵓⵊⴰⵏⴱⵉⵔ 2013

Source URL: https://www.mapnews.ma/am/activites-princieres/%E2%B5%9C%E2%B5%94%E2%B5%A3%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B0%E2%B5%99%E2%B4%B3%E2%B5%8F%E2%B4%B0%E2%B4%BC-%E2%B5%8D%E2%B4%B0%E2%B5%8E%E2%B4%B0%E2%B5%8D-%E2%B5%8F-%E2%B5%9C%E2%B5%8F%E2%B4%BD%E2%B5%93%E2%B5%8D%E2%B5%93%E2%B5%8A%E2%B5%89%E2%B5%9C-%E2%B4%B3#comment-0