ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⴷⵔⵓ ⴳ ⵢⴰⵏ ⵉⵎⵏⵙⵉ ⴳ ⴷⴷⵓⵃⴰ ⵉⵜⵜⵓⴼⴽⴰⵏ ⴳ ⵓⴷⴷⵓⵔ ⵏ ⵉⵎⴷⵔⴰⵡⵏ ⴳ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ

10 ⴷⵓⵊⴰⵏⴱⵉⵔ 2013 Version Imprimable

ⴷⴷⵓⵃⴰ - ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵓⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⵜⴷⵔⵓ, ⴰⵙⵙ ⵏ ⵓⵙⵉⵏⴰⵙ ⴳ ⴷⴷⵓⵃⴰ, ⴳ ⵢⴰⵏ ⵉⵎⵏⵙⵉ ⵍⵍⵉ ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⵍⵎⵉⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⵉⵎⴰⵙⵙⴰⵏⵉⵏ ⴷ ⵜⵉⴳⵎⵉ ⵏ ⵜⴳⵔⴰⵡⵜ.

ⴳ ⵢⴰⵏ ⵉⵏⴰⵡ ⵏ ⵓⵣⵎⵣⵣⵓ ⵢⴰⴷ, ⵉⵏⵏⴰ ⵎⴰⵙⵙ ⵍⵓⵕⴹ ⴹⴰⵕⵥⵉ, ⴰⵏⵙⵙⵉⵅⴼ ⴰⵎⵙⴽⴰⵔ ⵏ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⵉⵎⴰⵙⵙⴰⵏⵉⵏ ⴷ ⵜⵉⴳⵎⵉ ⵏ ⵜⴳⵔⴰⵡⵜ, ⵉⵙ ⵉⵏⵏⴰⵍ ⵓⵔⴰⵢ ⴰⴷⵓⵙⴰⵏ ⵉ ⵜⵏⵥⵕⵉⵏ ⵉⵎⵇⵕⴰⵏⵏ ⵍⵍⵉ ⵓⵔ ⵊⵊⵓ ⵢⵙⵙⵉⵏ ⵓⵎⴰⴹⴰⵍ, ⵉⵔⵏⵓ ⵢⵏⵏⴰ ⵉⵙ ⵉⵅⵚⵚⴰ ⴰⴷ ⵜⵙⴽⵔ ⵜⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵓⴳⴳⵯⴰⵔ ⵏ ⵜⵉⴳⴳⴰⵣ ⴰⴼⴰⴷ ⴰⴷ ⵜⴰⴼ ⵉⴼⵙⵙⴰⵢⵏ ⵉⵙⵎⴰⵢⵏⵓⵏ ⴳ ⵓⵔⴰⵢ ⵜⵉⵎⵓⴹⵉⵏⵉⵏ ⴷ ⵓⵔⴰⵢ ⴰⴷⵓⵙⴰⵏ.

ⵉⵏⵏⴰ ⵡⵎⴰⴳⵔ ⵏ ⵍⵓⵏⴹⵓⵏ, ⵉⵏⵏⴰ ⴱⵓⵔⵉⵙ ⵊⵓⵏⵚⵓⵏ ⵉⵙ ⵙⵉⵙⵓⴼⵏ ⵎⵏⵏⴰⵡ ⵏ ⵜⵉⵎⵙⴰⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⴰⵎⴰⴹⴰⵍ ⴳ ⴰⵙⵙ ⴰⴷ, ⴷ ⴽⵔⴰ ⵢⴳⴰⵜ ⵜⵎⴰⵣⵉⵔⵜ ⵜⵏⵏⴰⵍ ⵜⴰⵏⵥⵕⵜ ⵉⵎⵥⵍⵉ.

Dernière modification : 10 ⴷⵓⵊⴰⵏⴱⵉⵔ 2013

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%9C%E2%B4%B7%E2%B5%94%E2%B5%93-%E2%B4%B3-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B4%B3-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B5%89%E2%B5%9C%E2%B5%9C%E2%B5%93%E2%B4%BC%E2%B4%BD%E2%B4%B0%E2%B5%8F-%E2%B4%B3#comment-0