Published on MAPNews (https://www.mapnews.ma/am)

Accueil > ⵜⵙⵎⵏⵉⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⴷⴷⵓⵃⴰ ⵉⵔⵉⵎ ⴰⵎⵖⵔⵉⴱⵉ ⵉⵙⵎⴰⵢⵏⵓⵏ ⴰⵎⵎⴰⵙ ⵏ ⵓⵖⴰⵎⵓⵙ ⴰⵙⴰⴼⴰⵔ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵎⵏⵉⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⴷⴷⵓⵃⴰ ⵉⵔⵉⵎ ⴰⵎⵖⵔⵉⴱⵉ ⵉⵙⵎⴰⵢⵏⵓⵏ ⴰⵎⵎⴰⵙ ⵏ ⵓⵖⴰⵎⵓⵙ ⴰⵙⴰⴼⴰⵔ

10 ⴷⵓⵊⴰⵏⴱⵉⵔ 2013 Version Imprimable
ⴷⴷⵓⵃⴰ - ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⵜⵙⵏⵎⵉⴷ, ⴰⵙⵙ ⵏ ⵓⵙⵉⵏⴰⵙ ⴳ ⴷⴷⵓⵃⴰ, ⵉⵔⵉⵎ ⴰⵎⵖⵔⵉⴱⵉ ⵉⵙⵎⴰⵢⵏⵓⵏ ⴰⵎⵎⴰⵙ ⵏ ⵓⵖⴰⵎⵓⵙ ⴰⵙⴰⴼⴰⵔ, ⵙⵍⴰⵡⴰⵏ ⴰⴽⴽⵯ ⵡⴰⵏⵏ ⵍⵍⵉ ⵎⵉ ⵢⴳⴰⵏ ⵉ ⵢⴼⴳⴰⵏⵏ ⵉⵎⴰⴹⵓⵏⵏ ⵙ ⵓⴽⵯⵕⵥⵎⵉⵡ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ ⴳ ⵓⵕⵥⵥⵓⵎ ⵏ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ, ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵉⵙ ⵜⵙⵓⵖⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ ⴰⴼⴰⴷ ⴰⴷ ⵜⵙⵔⵙ ⵢⴰⵜ ⵜⴰⵙⵔⵜⵉⵜ ⵜⴰⵙⵎⴰⵢⵏⵓⵜ ⵉⴹⴼⵕⵏ ⵢⴰⵜ ⵜⴰⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ ⴷ ⵉⵙⵉⴷⴼⵏ ⴷ ⵏ ⵜⴷⵔⴰⵡⵜ. ⴰⵔ ⵙⵓⵍ  ⵜⵙⵎⵓⵏ ⵜⵉⵎⵔⵙⵍⵜ ⴰⴷ ⵉⵙⴷⵓⵙⵏ ⵍⵍⵉ ⵢⵅⵚⵚⴰⵏ, ⴷ ⴰⵙⵎⵓⵜⵜⴳ ⵏ ⵉⵙⴰⵜⵉⵏ ⵉⵎⵖⵔⴰⵜⵏ ⴳ ⵉⴳⵔ ⴰⴷ, ⴷ ⵜⴰⵏⴽⵔⴰ ⵙ ⴰⵙⵉⴳⴳⵍ ⴰⵎⴰⵙⵙⴰⵏ ⴷ ⴰⵕⵥⵥⵓⵎ ⵅⴼ ⵓⵡⵏⴰⴹ ⴰⵏⵎⵏⴰⴹ ⵏ ⵜⴳⵍⴷⵉⵜ.

ⵜⴰⵎⵢⴰⴷⴰⵙⵜ ⴰⴷ ⵉⵅⵚⵚⴰ ⵉⴳⵔ ⵏ ⵓⵔⴰⵢ, ⴷ ⵓⵣⴷⴷⵓⵢ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵅⵜⴰⵏⵏ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴽⵔⴰ ⵢⴳⴰⵜ ⵜⵏⵖⵎⴰⵙⵜ, ⵜⵔⵏⵓ ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⵏⵏⴰ ⵙⵓⵍ ⵉⵙ ⴰⵔ ⵜⵅⴷⴰⵎ ⵜⵉⵎⵔⵙⵍⵜ ⵅⴼ ⵓⵙⴷⵓⵙ ⵏ ⵜⵉⵚⴽⵉⵡⵉⵏ ⵉⵎⵙⴳⵏⴰⴼⵏ ⵉⵎⵥⵍⴰⵢⵏ, ⵍⵍⵉ ⵢⵍⴽⵎⵏ 900 ⵉⵟⵟⴰⴼⵏ ⵉⵎⴰⵙⵙⵏ ⵉⵜⵔⴰⵔⵏ ⴱⴰⵀⵔⴰ, ⵍⵍⴰⵏ ⴳ ⵉⵜⵙⵏ ⵙⴰ ⵏ ⵉⵎⵎⴰⵙⵏ ⵍⵍⵉ ⵢⵡⵡⵓⵔⵉⵏ ⵖⵉⵍ ⴰⴷ. ⴱⵍⴰ ⵏ ⵖⵉⴽ ⴰⵏⵏ, 24 ⵏ ⵓⵙⴷⴷⵔⴼ ⵏ ⵓⵙⵎⴽⵍ ⵙ ⵓⵥⵏⵥⵕ ⵎⵄⵏⵏ ⴳ ⵍⴰⵃⵡⴰⵍ ⵏ 5 ⵏ ⵉⵙⴳⴳⵯⴰⵙⵏ ⴳ ⵓⵙⴰⵜⵉ ⵏ ⵢⴰⵜ ⵜⵎⴷⵔⴰⵡⵜ.
 
ⴰⵎⵎⴰ ⵉⵎⴰⵙⵙⵏ ⵏ ⵉⵙⴰⴼⴰⵔⵏ ⵏ ⵉⴼⴳⴰⵏⵏ ⵉⵎⴰⴹⵓⵏⵏ ⵙ ⵓⴽⵯⵕⵥⵎⵉⵡ, ⵙⵍⴰⵡⴰⵏ ⴰⴽⴽⵯ ⵡⵉⵏ ⵍⵍⵉ ⵍⵍⴰⵏ ⴳ ⵢⴰⵏ ⵓⵙⵓⵔⵙ ⴰⵣⵔⵢⴰⵏ, ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵙⵍⵎⴰ ⵉⵙ ⵜⵥⴹⴰⵕ ⵜⵉⵎⵔⵙⵍⵜ ⴰⴷ ⵜⵃⴱⵓ ⵉⵙⵙⴰⵔⵏ ⵏ ⵜⴰⵣⵣⴰⵏⵉⵏ ⴷ ⵜⵎⵖⴰⵔⵉⵏ ⵍⵍⵉ ⵢⵎⵎⵕⵉⴹⵏ ⵙ ⵓⴽⵯⵕⵥⵎⵉⵡ ⴰⵔ 100 ⵏ ⵜⵉⴳⵎⵉⴹⵉ.
 
ⴰⵎⵎⴰⵙ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ, ⵜⵙⴷⵓⵙ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵉⵎⵢⴰⵙⵙⵉⵏ ⵏ ⴰⵎⵢⴰⵡⴰⵙ ⴷ ⵜⵥⴰ ⵏ ⵜⵎⵉⵣⴰⵔ ⵜⵉⴼⵕⵉⵇⵉⵢⵏ, ⵍⵍⵉ ⵔⴰⴷ ⵍⴽⵎⵏⵜ 12 ⵉⵡⴰⵏⴽⵏ ⴳ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⴷ.
 
ⵢⴰⵏ ⵜⴰⵢⴰⴼⵓⵜ ⵏ ⴰⵎⵢⴰⵡⴰⵙ ⵉⵅⴰⵜⴰⵔⵏ ⴰⴷ ⵜⴳⴰⵜ ⵜⵓⴳⵉ ⵏ ⵢⴰⵜ ⵜⵉⵏⵎⵍ ⵜⴰⴼⵕⵉⵇⵉⵢⵜ ⵏ ⵓⵙⵎⵓⵜⵜⴳ ⵏ ⵎⵏⵏⴰⵡ ⵏ ⵜⵉⵎⴰⴹ ⵏ ⵉⵙⴰⵜⵉⵏ ⵉⵎⵥⵍⴰⵢⵏ ⵏ ⵓⵙⴱⴷⴷⵉ ⵏ ⵓⴽⵯⵕⵥⵎⵉⵡ.
 
ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵉⵙ ⵜⵟⵟⴰⴼ ⵜⵎⵢⴰⴷⴰⵙⵜ ⴰⵎⴰⵙⵙⴰⵏ ⵏ ⵓⵙⵎⴰⵢⵏⵓ ⵏ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⴰⵏⵏⴰⵍ  ⴰⵎⵖⵍⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ  ⴷ ⴰⵙⵓⵖⵏ  ⵏ ⴽⵔⴰ ⵢⴳⴰⵜ ⵉⵎⵙⴽⴰⵔⵏ.
Dernière modification : 10 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B5%89%E2%B5%94%E2%B5%89%E2%B5%8E-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89#comment-0