Published on MAPNews (https://www.mapnews.ma/am)

Accueil > ⵜⵙⵙⵓⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⴰⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵓⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⴰⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ

07 ⴷⵓⵊⴰⵏⴱⵉⵔ 2013 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴰⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⴰⵏⵜ ⵏ ⵍⵎⵖⵔⵉⴱ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴳ ⵕⵕⴱⴰⵟ, ⵎⴰⵢⴰⴷ ⵉⵙⵎⵏⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴷⴼⴼⵉⵔ ⵍⵍⵉⵖ ⵜⴱⴱⵉ ⴰⵙⴼⵉⴼ ⵉⵏⵉⴳⵍ ⵍⵍⵉ ⵢⵙⵎⵔⵏ ⴰⵕⵥⵥⵓⵎ ⵏ ⵓⴳⴰⴷⴰⵣ, ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵉⵙⴰⵢⵔⴰⵔⵏ ⵏ ⵓⵙⴼⵙⵔ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⴳ ⵎⴰⵏ ⴼⵙⵔⵏ ⵎⵏⵏⴰⵡ ⵏ ⵉⵢⴰⴼⵓⵏ ⵍⵍⵉ ⵢⵓⵛⴽⴰⵏ ⵙⴳ ⵜⵎⵉⵣⴰⵔ ⵉⵎⴷⵔⴰⵡⵏ.

ⵜⵜⵓⴼⴽⴰⵏ ⵉⵙⵙⴼⵔⵓⵏ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵅⴼ ⵜⵓⵎⴰⵢⵜ ⴷ ⵜⴰⵔⴰⵏⴰⵡⵜ ⵏ ⵉⵢⴰⴼⵓⵏ ⵉⵍⵍⴰⵏ ⴳ ⵓⴳⴰⴷⴰⵣ ⴰⴷ, ⵙⵍⴰⵡⴰⵏ ⴰⴽⴽⵯ ⵉⵢⴰⴼⵓⵏ ⵏ ⵜⵉⵏⵉⴹⵉ ⴷ ⵉⵢⴰⴼⵓⵏ ⵉⵎⵙⴰⴷⵓⵔⵏ ⵏ ⴽⵔⴰ ⵢⴳⴰⵜ ⵜⵎⴰⵣⵉⵔⵜ ⵉⴷⵔⵓⵏ ⴳ ⵓⴳⴰⴷⴰⵣ ⴰⴷ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ, ⵜⵏⵏⴰ ⵜⵏⵙⵙⵉⵅⴼⵜ ⵏ  ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ, ⵎⴰⵙⵙⴰ ⵉⴼⵍⵉⵏ ⵜⵉⵙⵢⵉ ⵏⵓⵎⵉ, ⵜⴰⵎⵖⴰⵔⵜ ⵏ ⵓⵎⵙⵇⴰⴷ ⵏ ⵏⵏⵓⵕⵡⵉⵊ ⴳ ⵍⵎⵖⵔⵉⴱ, ⵉⵙ ⵉⴳⴰ ⵡⴳⴰⴷⴰⵣ ⵏ ⵜⵡⵍⵍⵓⵖⵜ ⵢⴰⵏ ⴰⵎⵓⵙⵙⵓ ⵉⵅⴰⵜⴰⵔⵏ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⵍⵍⵉ ⵢⵓⵊⵊⴰⵏ ⵉⵎⴷⵔⴰⵡⵏ ⴰⴷ ⵎⵍⵉⵏ ⵜⵉⵎⴰⵜⵜⴰⵜⵉⵏ ⵏ ⵜⵎⵉⵣⴰⵔ ⵏⵏⵙⵏ ⴷ ⵢⴰⵏ ⵓⵣⵎⵣⵣⵓ ⴰⴼⴰⴷ ⴰⴷ ⵙⵎⵓⵏⵏ ⵜⵉⴽⴽⵉⵏ ⵍⵍⵉ ⵔⴰⴷ ⴷⴷⵓⵏ ⴷⴰⵔ ⵉⵙⵓⴷⵙⵏ ⵓⵔ ⵓⵏⴱⵉⴹⵏ ⵉⵎⵖⵔⴰⴱⵉⵢⵏ ⵍⵍⵉ ⵡⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⴷ ⵏ ⵓⵙⴳⵎⵉ ⴷ ⵜⴰⵏⴽⵔⴰ ⵙ ⵏ ⵓⵙⵔⵙ ⵏ ⵜⵎⵖⴰⵕⵉⵏ ⴳ ⵓⵎⵎⴰⵙ ⴰⴼⴰⵔⴰⵏ.

ⵜⴰⵎⵙⴰⵔⵜ ⴰⴷ ⵍⵍⵉ ⵢⵙⵏⵎⴰⵍⴰⵏ ⵅⴼ ⵜⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵜⵙⴷⵍⵉⵙⵜ ⵜⴰⵏⴰⵎⵓⵔⵜⵏ ⵜⵙⵙⵏ ⵜⴰⴷⵔⴰⵡⵜ ⵏ ⵍⴰⵃⵡⴰⵍ ⵏ ⵙⵉⵏ ⵡⴰⴳⵏⴰⵔⵏ ⵏ ⵜⵎⵉⵣⴰⵔ, ⵎⴰⵢⴰⴷ ⴰⴷ ⵜⵏⵏⴰ ⵎⴰⵙⵙⴰ ⵏⵓⵎⵉ, ⵜⵔⵏⵓ ⵜⵏⵏⴰ ⵉⵙ ⵔⴰⴷ ⴷⴷⵓⵏⵜ ⵜⵉⵏⵓⴷⴰⴼ ⵏ ⵓⴳⴰⴷⴰⵣ (ⵓⴳⴳⵯⴰⵔ ⵏ 800.000 ⴷⵔⵀⵎ ⴽⵔⴰ ⵢⴳⴰⵜ ⵓⵙⴳⴳⵯⴰⵙ) ⵉ ⵜⵉⵎⵙⵎⵓⵏⵜ ⵜⵉⵎⵖⵔⴰⴱⵉⵢⵏ ⵏ ⵜⵡⵍⵍⵓⵖⵜ.

ⵍⵍⵉⵖ ⵜⴽⵎⵎⵍ ⵜⴼⵓⵓⴳⵍⴰ ⵢⴰⴷ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵓⵎⵙⴽⴰⵔ ⴷ ⵓⴳⵔⴰⵡ ⵏ ⵓⵙⵓⴷⵙ ⵏ ⵜⵥⴰⵢⵕⵜ ⴰⴷⵉⴱⵍⵓⵎⴰⵙⵉ.

ⵍⵍⵉⵖ ⵢⴰⴷⵍⵉ ⵜⵍⴽⵎ, ⵜⵣⵣⵔⵉ ⵍⴰⵍⵍ ⵏ ⵜⵜⴰⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵢⴰⵏ ⵜⵔⴰⴱⴱⵓⵜ ⵏ ⵉⵏⴹⴰⴼⵏ ⵏ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵜ ⵜⵣⵓⵍ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⵏ ⵓⵎⴰⵡⵙⴰⵙ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵎⴱⴰⵕⴽⴰ ⴱⵓⵄⵉⴷⴰ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵏ ⵜⴰⵡⴰⵛⵓⵏⵜ ⴷ ⵏ ⵜⴰⴱⴷⴰⴷⵜ, ⵍⵄⵕⴱⵉ ⵜⴰⴱⵉⵜ, ⴷ ⵎⵏⵏⴰⵡ ⵏ ⵉⴳⵎⴰⵎⵏ ⵢⴰⴹⵏⵉⵏ.

Fichier attaché :
Icône image sar_-_lalla_meryem_ceremonie_d_inauguration_-_bazar_diplomatique_g.jpg
Dernière modification : 07 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%93%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0