Published on MAPNews (https://www.mapnews.ma/am)

Accueil > ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⵎⵏⵓⵙ ⵏ ⵍⵎⵖⵔⵉⴱ ⴷ ⵏ ⵜⵉⵎⵉⵣⴰⵔ ⵜⵉⵎⵓⵙⵍⵎⵉⵏ ⵅⴼ ⵢⴰⵏ ⵓⵎⵙⴰⵙⴰ ⵅⴼ ⵓⵢⴷⴰ ⵏ ⵜⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ ⵉⴽⴰⵜⵓⵍⵉⴽⵉⵢⵏ ⴳ ⵍⵇⵓⴷⵙ
  1. Accueil
  2. Activités royales

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⵎⵏⵓⵙ ⵏ ⵍⵎⵖⵔⵉⴱ ⴷ ⵏ ⵜⵉⵎⵉⵣⴰⵔ ⵜⵉⵎⵓⵙⵍⵎⵉⵏ ⵅⴼ ⵢⴰⵏ ⵓⵎⵙⴰⵙⴰ ⵅⴼ ⵓⵢⴷⴰ ⵏ ⵜⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ ⵉⴽⴰⵜⵓⵍⵉⴽⵉⵢⵏ ⴳ ⵍⵇⵓⴷⵙ

04 ⴷⵓⵊⴰⵏⴱⵉⵔ 2013 Version Imprimable
ⵕⵕⴱⴰⵟ - ⵉⵙⵙⵉⴼⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵉ ⵍⴱⴰⴱⴰ ⴼⵕⴰⵏⵚⵡⴰ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ, ⵎⴰⵙⵙ ⴱⴰⵏ ⴽⵉⵎⵓⵏ, ⵙⵏⴰⵜ ⵏ ⵜⵓⵣⵉⵏⵉⵏ, ⵉⵎⵍⴰ ⴳ ⵉⵜⵙⵏⵜ "ⴰⵎⵏⵓⵙ ⴰⵎⵇⵔⴰⵏ ⵍⵍⵉ ⵏⵓⴽⵓ ⵖ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⵍⴰ ⴳ ⴽⵔⴰ ⵢⴳⴰⵜ ⵜⵎⴰⵣⵉⵔⵜ ⵜⴰⵎⵓⵙⵍⵎⵜ, ⴷⴼⴼⵉⵔ ⵏ ⵓⵙⴳⵎⴹ ⴰⴷ ⵢⵓⵛⴽⴰⵏ ⴳⵔ ⵓⵡⴰⵏⴽ ⵏ ⵍⴼⴰⵜⵉⴽⴰⵏ ⴷ ⵉⵚⵕⴰⵉⵍ ⵅⴼ ⵢⴰⵏ ⵓⵙⵏⵜⵉ ⵉⴹⴼⴰⵕⵏ ⵢⴰⵏ ⵓⵎⵙⴰⵙⴰ ⵉⵙⴳⵎⴹⵏ ⴳ 1993 ⴳⵔ ⵙⵉⵏ ⵏ ⵉⵡⴰⵏⴽⵏ ⴰⴷ ⵅⴼ ⵓⵢⴷⴰ ⵏ ⵜⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ ⵉⴽⴰⵜⵓⵍⵉⴽⵉⵢⵏ ⴳ ⵜⵎⴷⵉⵏⵜ ⵏ ⵍⵇⵓⴷⵙ ⵉⴽⵕⴰⵅⵏ".

ⴳ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵥⴹⴰⵕ ⵓⵙⵡⴰⵍⴰ ⵢⴰⴷ ⴰⴷ "ⵉⵙⵅⵚⵚⵕ ⵜⵓⴳⴳⴰⵣ ⴰⴼⴰⴷ ⵉⵍⵉⵏⵜ ⵜⵉⵎⵙⵓⵜⴰⵍ ⴼⵓⵍⴽⵉⵏⵉⵏ ⵏ ⵓⵙⵎⵓⵔⵙ ⵏ ⵉⵎⵀⴰⵡⴰⴹⵏ ⵏ ⵜⴰⵏⴰⴳⵔⵉⵜ, ⵍⵍⵉ ⴷⴷⴰⵖ ⵉⵕⵥⵎⵏ ⵙⴳ ⵢⵓⵍⵢⵓⵣ 2013 ⴳⵔ ⵉⴼⵉⵍⵉⵚⵟⵉⵏⵉⵢⵏ ⴷ ⵍⵉⵚⵕⴰⵢⵍⵉⵢⵏ, ⵙ ⵢⵉⵡⵉⵣ ⵏ ⵍⵡⵉⵍⴰⵢⴰⵜ ⵉⵎⵓⵏⵏ ⵏ ⵎⵉⵔⵉⴽⴰⵏ".

ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵙ ⵉⵥⴹⴰⵕ ⵓⵙⴳⵎⴹ ⴰⴷ "ⴷ ⵉⵙⵍⴳⴰⵎⴰⵡ ⵜⵉⵎⵙⴽⵔⵉⵏ ⵏ ⵓⵙⴷⵓⵔⵔⵉ ⴰⵎⴳⴳⵔ ⵍⵍⵉ ⵜⵙⴽⴰⵔ ⵉⵚⵕⴰⵢⵉⵍ, ⵓⵍⴰ ⵜⵉⵕⵥⵉ ⵅⵛⵏⵏ ⵏ ⵜⵉⵎⵣⴳⵉⴷⴰ ⵏ ⵍⴰⵇⵚⴰ ⴷ ⴽⵓⵍⵍⵓ ⵎⴰ ⵢⵇⵇⴰⵎⴰⵏ ⴳ ⵓⵎⵓⵔ ⴰⴼⵉⵍⵉⵚⵟⵏⵉ ⵉⵙⴷⵓⵔⵔⵉⵏ", ⵉⵏⵏⴰ ⵙⵓⵍ ⵉⵙ "ⵏⵓⴼⵏ ⵣⵓⵏⴷ ⵉⵙⵇⵇⵓⵍⵏ ⴰⴷ ⵜⵉⵙⵉⵍⴰ ⵏ ⵜⵍⴳⵉⵏⵜ ⵜⴰⴳⵔⴰⵖⵍⴰⵏⵜ".

ⴷⴼⴼⵉⵔ ⵍⵍⵉⵖ ⵉⵣⵣⵓⵍ ⴰⵥⵍⴰⵢ ⴰⵎⵇⵔⴰⵏ ⵏ ⵍⴱⴰⴱⴰ ⴷ ⵏ ⵓⵏⴼⵍⵓⵙ ⴰⵎⴰⵜⴰⵢ ⴰⵎⵎⴰⵙ ⵏ "ⵓⵣⵔⴰⴽ ⵏ ⵉⵣⵔⴼⵏ ⵉⴼⵉⵍⵉⵚⵟⵉⵏⵉⵢⵏ ⵉⵍⴳⵉⵏⵉⵢⵏ ⴷ ⵜⵉⴳⴰⵡⵜ ⵏⵏⵙⵏ ⴰⵙⵓⵍⴰⵏ ⴰⴼⴰⴷ ⴰⴷ ⵜⵉⵍⵉ ⵜⴰⵏⴰⴳⵔⵉⵜ ⴳ ⵓⵎⴰⴹⴰⵍ", ⵙⵙⵔⵇⴱ ⵜⵏ ⴱⴰⴱ ⵏ ⵡⴰⴷⴷⵓⵔ ⴱⴰⵛ ⴰⴷ ⵙⴽⵔⵏ ⵎⴰ ⵢⵅⵚⵚⴰⵏ ⴰⴼⴰⴷ ⵓⵔ ⴰⵊⵊⵉⵏ ⴽⵔⴰ ⵢⴳⴰⵜ ⵓⵎⵙⴰⵙⴰ ⵍⵍⵉ ⵔⴰⴷ ⵉⴼⴽ ⵜⴰⵙⴼⵍⵙⵉⵢⵜ ⵉ  ⵓⵙⴷⵓⵔⵔⵉ ⵏ ⵉⵚⵕⴰⵉⵍ ⵉ ⵍⵇⵓⴷⵙ ⴷ ⵍⵍⵉ ⵉⵙⵙⵏⴽⵔⵏ ⵉⴼⵔⴰⵢⵏ ⵏ ⵓⴳⴳⵯⴰⵔ ⵏ ⵓⵎⵍⵢⴰⵕ ⵏ ⵉⵎⵓⵙⵍⵎⵏ ⴰⵎⵎⴰⵙ ⵏ ⵓⵎⴰⴹⴰⵍ".

Dernière modification : 04 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B5%8E%E2%B5%8D%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%8E%E2%B5%8F%E2%B5%93%E2%B5%99-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%8F-%E2%B5%9C%E2%B5%89%E2%B5%8E%E2%B5%89%E2%B5%A3%E2%B4%B0%E2%B5%94-%E2%B5%9C%E2%B5%89%E2%B5%8E%E2%B5%93%E2%B5%99%E2%B5%8D%E2%B5%8E%E2%B5%89%E2%B5%8F-%E2%B5%85%E2%B4%BC-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%85%E2%B4%BC-%E2%B5%93%E2%B5%A2%E2%B4%B7%E2%B4%B0-%E2%B5%8F#comment-0