Published on MAPNews (https://www.mapnews.ma/am)

Accueil > ⵉⵖⵔⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴷ ⵉⵣⵔⵉ ⵢⴰⵏ « ⵉⵔⵉⵎ ⵉⵖⵓⴷⴰⵏ ⵖ ⵎⵕⵕⴰⴽⵯⵛ » ⵍⵍⵉⵖ ⵜⴳⴰ ⵙⵙⵉⵏⵉⵎⴰ ⵜⵓⵜⵍⴰⵢⵜ ⵏⵏⵖ ⴽⵓⵍⵍⵓ, ⵍⵍⵉ ⵢⵓⵙⵉⵏ ⵢⴰⵜ ⵜⵓⵣⵉⵏⵜ ⵏ ⵓⵏⴰⵔⵓⵣ ⴷ ⵜⴰⴳⵯⵎⴰⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵖⵔⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴷ ⵉⵣⵔⵉ ⵢⴰⵏ « ⵉⵔⵉⵎ ⵉⵖⵓⴷⴰⵏ ⵖ ⵎⵕⵕⴰⴽⵯⵛ » ⵍⵍⵉⵖ ⵜⴳⴰ ⵙⵙⵉⵏⵉⵎⴰ ⵜⵓⵜⵍⴰⵢⵜ ⵏⵏⵖ ⴽⵓⵍⵍⵓ, ⵍⵍⵉ ⵢⵓⵙⵉⵏ ⵢⴰⵜ ⵜⵓⵣⵉⵏⵜ ⵏ ⵓⵏⴰⵔⵓⵣ ⴷ ⵜⴰⴳⵯⵎⴰⵜ

29 ⵏⵓⵡⴰⵏⴱⵉⵔ 2013 Version Imprimable
ⵎⵕⵕⴰⴽⵯⵛ - ⵉⵖⵔⴰ ⴱⴰⴱ ⵏ ⵜⴰⵜⵜⵓⵢⵜⴰ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵓⵍⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵍⴼⵉⵍⵎⵍ ⵏ ⵎⵕⵕⴰⴽⵯⵛ (ⴼⵉⴼⵎ), ⵍⵍⵉ ⵔⴰⴷ ⵉⴱⴷⵓ ⴰⵙⵙ ⵏ ⵓⵙⵉⵎⵡⴰⵙ ⵖ ⵜⵙⵙⵓⵜⵍⵜ ⵜⵉⵙⵙ 13, ⴰⴷ ⵉⵣⵔⵉ ⵢⴰⵏ « ⵉⵔⵉⵎ ⵉⵖⵓⴷⴰⵏ ⵖ ⵎⵕⵕⴰⴽⵯⵛ ⵍⵍⵉⵖ ⵜⴳⴰ ⵙⵙⵉⵏⵉⵎⴰ ⵜⵓⵜⵍⴰⵢⵜ ⵏⵏⵖ ⴽⵓⵍⵍⵓ, ⵍⵍⵉ ⵢⵓⵙⵉⵏ ⵢⴰⵜ ⵜⵓⵣⵉⵏⵜ ⵏ ⵓⵏⴰⵔⵓⵣ ⴷ ⵜⴰⴳⵯⵎⴰⵜ».

ⵖ ⵜⵕⵕⵓⵥⵎⵜ ⵏⵙ ⵜⴰⵇⴱⵓⵕⵜ ⵏ ⵓⵙⵎⵏⵉⴷ ⵏ ⵜⵙⵙⵓⵜⵍⵜ ⴰⴷ ⵜⴰⵎⴰⵢⵏⵓⵜ (29 ⵏⵓⵡⴰⵏⴱⵉⵔ ⴰⵔ 7 ⴷⵓⵊⴰⵏⴱⵉⵔ), ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵉⵙ ⴷ ⵜⵓⵛⴽⴰ ⵜⵉⴽⵍⵉⵜ ⴰⴷ, ⴰⴷ ⵜⵎⵍ ⴰⵣⴰⵍⵏ ⵍⵍⵉ ⵢⵉⵙⵙⵉⵅⴼⵏ ⵜⵓⴳⵉ ⵏ ⵓⵙⵎⵖ ⴰⴷ ⴰⵙⴳⵯⵙⴰⵏ.

ⴰⵙⵓⵜⵍ ⵉⵍⵍⴰ ⵙ ⵜⵉⵍⵉⵜ ⵏ ⵙⵙⵉⵏⵉⵎⴰ ⵜⴰⵙⴽⵓⵏⴷⵉⵏⴰⴼⵉⵜ ⵍⵍⵉ ⵔⴰⴷ ⵉⵎⵍ ⴰⴳⵣⴷⵓ ⵏ ⵉⵥⵍⵎⴹ ⵏ ⵓⵕⵓⴱⴱⴰ. ⴰⵎⵢⴰⵏⴰⵡ ⵏ ⵉⴳⵯⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵏⴱⴹⴰⵡⵜ ⵍⵍⵉ ⵢⵉⵙⵙⵉⵅⴼ ⴰⵙⴳⴳⵯⴰⵙ ⴰⴷ ⵎⴰⵔⵜⵉⵏ ⵙⴽⵓⵔⵙⵉⵣⵉ, ⴰⵔ ⵎⵎⴰⵍⵏ ⵜⴰⵏⵏⴰⵢⵜ ⴷ ⵓⵕⵥⵥⵓⵎ ⴰⴳⵔⴰⵖⵍⴰⵏ ⵏ ⵓⵍⵎⵓⵇⵇⴰⵔ ⴰⴷ ⵏⵏⵖ, ⵖⵎⴽⵍⵍⵉ ⵙ ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.

ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵖ ⵜⵙⴳⴰ ⴰⴹⵏⵉⵏ ⵉⵙ ⵉⴳⴰ ⵓⵍⵎⵓⵇⵇⴰⵕ ⴰⴷ ⵏ ⵍⴼⵉⵍⵎ ⵏ ⵎⵕⵕⴰⴽⵯⵛ ⵢⴰⵜ ⵜⵎⵢⵓⵔⵜ ⵏ ⵜⵄⵄⵔⵎⴰ ⵏⵏⵖ, ⴰⵛⴽⵓ ⵉⵎⵙⵓⴼⵖⵏ ⵏⵏⵖ ⵉⵄⵄⵔⵔⵉⵎⵏ ⵔⴰⴷ ⵎⵍⵉⵏ ⵍⴰⴼⵍⴰⵎ ⵏⵏⵙⵏ ⴰⵇⵓⴹⴰⴹⵏ ⵖ ⵓⵎⵃⵉⵣⵡⵔ ⵏ ⵜⵉⵏⵎⵍ.

ⵉⵏⵏⴰ ⵎⴰⵙ ⵔⴰⴷ ⵜⵙⴼⵉⵡ ⵜⵓⴳⵍⴰ ⵢⴰⴷ ⵏ ⵜⵥⴰ ⵏ ⵡⵓⵙⵙⴰⵏ ⵜⴰⵎⴷⵉⵏⵜ ⵜⴰⵥⴳⴳⵯⴰⵖⵜ ⵏ ⵎⵕⵕⴰⴽⵯⵛ , ⵜⴳⴰ ⵓⵍⴰ ⵜⵉⵏ ⵡⵉⵍⵍⵉ ⵓⵔ ⵎⵣⴰⵍⴰⵍⵏⵉⵏ ⴰⵛⴽⵓ ⴰⵔⴰⵙⵏ ⵜⴰⴽⴽⴰ ⵍⴰⴼⵍⴰⵎ ⵙ ⵜⴰⵜⵉⴽⵏⵓⵍⵉⵊⵉⵜ ⵏ ⵍⵓⴷⵢⵓⵙⴽⵔⵉⴱⵜ.

Dernière modification : 29 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%89%E2%B5%96%E2%B5%94%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B0%E2%B4%B7-%E2%B5%89%E2%B5%A3%E2%B5%94%E2%B5%89-%E2%B5%A2%E2%B4%B0%E2%B5%8F-%C2%AB-%E2%B5%89%E2%B5%94%E2%B5%89%E2%B5%8E-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%96#comment-0