Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵟⴰⵏⵊⴰ ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵎⵎⵓⵙ ⵏ ⵜⵉⵎⵢⴰⵇⵇⴰⵏⵉⵏ ⵏ ⵓⵔⴰⵢ ⵏ ⵉⵣⵔⴼⴰⵏ ⵏ ⵓⴼⵔⵓⵅ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵟⴰⵏⵊⴰ ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵎⵎⵓⵙ ⵏ ⵜⵉⵎⵢⴰⵇⵇⴰⵏⵉⵏ ⵏ ⵓⵔⴰⵢ ⵏ ⵉⵣⵔⴼⴰⵏ ⵏ ⵓⴼⵔⵓⵅ

28 ⵏⵓⵡⴰⵏⴱⵉⵔ 2013 Version Imprimable
ⵟⴰⵏⵊⴰ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⴰⵙⵙ ⵏ ⵓⴽⵡⴰⵙ ⴳ ⵟⴰⵏⵊⴰ, ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵎⵎⵓⵙ ⵏ ⵜⵉⵎⵢⴰⵇⵇⴰⵏⵉⵏ ⵏ ⵓⵔⴰⵢ ⵏ ⵉⵣⵔⴼⴰⵏ ⵏ ⵓⴼⵔⵓⵅ ⴳⵔ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ ⴷ ⵜⴰⵎⴰⵡⴰⵙⵉⵏ ⴷ ⵜⵉⵎⵔⵙⵍⵉⵏ ⵜⵉⵏⴰⵎⵓⵔⵜⵉⵏ ⴷ ⵉⵙⵇⵇⵉⵎⵏ ⵉⵎⵙⵜⵉⵏ.

ⵙⴳⵎⴹⵏ ⵜⵉⵎⵢⴰⵇⵇⴰⵏⵉⵏ ⴰⴷ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ « ⵉⵄⵔⵔⵉⵎⵏ ⵅⴼ ⵉⵣⵔⴼⴰⵏ ⵏ ⵡⴰⵣⵣⴰⵏ» ⵍⵍⵉ ⵢⵕⵥⵎⵏ ⴰⵙⵙ ⵏ ⵓⴽⵡⴰⵙ ⵙ ⵜⵏⵙⵙⵉⵅⴼⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴷ ⵉⵜⵜⴰⵡⵙⴽⴰⵔⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ ⵜⴳⴰ ⵢⴰⵏ ⵓⵎⵙⴰⵙⴰ ⵏ ⵜⵎⴷⵔⴰⵡⵜ ⴳⵔ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⵅⴼ ⵓⵙⵓⵎⵓ ⵏ ⵓⴷⴰⴼ ⵏ ⵜⵓⵙⵙⵏⴰ.
ⵜⴰⵎⵢⴰⵇⵇⴰⵏⵜ ⴰⴷ, ⵍⵍⵉ ⵢⵙⴳⵎⴹ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ, ⵕⴰⵛⵉⴷ ⴱⵍⵎⵅⵜⴰⵕ, ⴷ ⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵓⵙⴰⴹⴰⴼ, ⴰⵎⵉⵏⴰ ⵎⴰⵍⵇⵉ ⵜⵜⴰⵣⵉ, ⵜⵔⴰ ⵍⵓⵎⵎⵏ ⴰⴷ ⵜⵙⴷⵓⵙ ⴰⵎⵢⴰⵡⴰⵙ ⴳ ⵓⵙⴱⴷⴷⵉ ⵏ ⵜⵉⴽⵕⴹⵉ ⴳ ⵓⵎⵏⴰⴹ ⴰⵏⵎⵍⴰⵏ ⴷ ⴰⴷ ⵜⵙⵖⵉⵡⵙ ⴰⴷⴰⴼ ⵏ ⵜⵓⵙⵙⵏⴰ.

ⵢⴰⵜ ⵜⵎⵢⴰⵇⵇⴰⵏⵜ ⵢⴰⴹⵏⵉⵏ, ⵍⵍⵉ ⵜⵙⴳⵎⴹ ⴰⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵜⵎⴰⵡⴰⵙⵜ ⵏ ⵜⴰⴷⵓⵙⵉ, ⵜⵙⴰⵡⵍ ⵅⴼ « ⴰⵔⴰⵢ ⵏ ⵜⴷⵓⵙⵉ ⵜⴰⵏⵢⵉⵎⴰⵏⵜ ⵏ ⵡⴰⵣⵣⴰⵏ ». ⵉⵙⴳⵎⴹ ⵜ ⵓⵎⴰⵡⵙⴰⵙ ⵏ ⵜⴷⵓⵙⵉ ⵍⵃⵓⵙⵉⵏ ⵍⵡⵕⴷⵉ ⴷ ⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵓⵙⴰⴹⴰⴼ, ⴰⵎⵉⵏⴰ ⵎⴰⵍⵇⵉ ⵜⵜⴰⵣⵉ, ⴰⴼⴰⴷ ⴰⴷ ⵜⴼⵔⴳ ⵡⴰⵣⵣⴰⵏⵏ ⵙⴳ ⵉⵙⴷⵓⵀⴷⵓⵜⵏ ⴷ ⵜⵏⵏⴰⵍ ⵜⴰⴷⵓⵙⵉ ⵜⴰⵏⵢⵉⵎⴰⵏⵜ ⵏ ⵜⴰⵣⵣⴰⵏⵉⵏ.

ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⵙⵉⵏⴷⵉⵢⴰⵛ) ⴷ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵙⴳⵎⴹⵏ ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⵅⴼ « ⵉⵇⵛⵓⵛⵏ ⵏ ⵓⵙⴰⵖⵓⵍ ⵏ ⵓⵔⴰⵢ ⵏ ⵡⴰⵣⵣⴰⵏ », ⴳⵔ ⵓⵏⵙⵙⵉⵅⴼ ⵏ ⵙⵉⵏⴷⵉⵢⴰⵛ, ⴷⵔⵉⵙ ⵍⵢⴰⵣⴰⵎⵉ, ⴷ ⵎⴰⵙⵙⴰ ⵎⴰⵍⵇⵉ ⵜⵜⴰⵣⵉ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⴽⵓⵥ ⵜⵜⵓⵙⴽⴰⵔ ⴳⵔ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵍⵡⵉⵍⴰⵢⴰ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ ⴷ ⵓⵙⵇⵇⵉⵎ ⵏ ⵜⵙⴳⴰ ⵏ ⵟⴰⵏⵊⴰ - ⵜⵉⵟⵡⴰⵏ ⴰⴼⴰⴷ ⴰⴷ ⵜⵙⵔⵙ ⵢⴰⵏ ⵓⵙⴰⵜⵉ ⵓⵙⵉⴷⴼⵏ ⵏ ⵓⵔⴰⵢ ⵏ ⵜⴰⵣⵣⴰⵏⵜ ⴰⵎⵎⴰⵙ ⵏ ⵜⵙⴳⴰ ⵢⴰⴷ.

ⵜⴰⵎⵢⴰⵇⵇⴰⵏⵜ ⵍⵍⵉ ⵢⴳⴳⵯⵔⴰⵏ ⵜⵅⵚⵚⴰ ⵡⵙⴽⴰⵔ ⴷ ⵓⵙⵓⴼⵖ ⵏ ⵓⵖⴰⵡⴰⵙ « ⵟⴰⵏⵊⴰ, ⵜⴰⵎⴷⵉⵏⵜ ⵏ ⵜⴰⵏⴼⵔⵓⵜ ⵉ ⵡⴰⵣⵣⴰⵏ », ⵙⴳⵎⴹⵏⵜ ⵎⴰⵙⵙⴰ ⵎⴰⵍⵇⵉ ⵜⵜⴰⵣⵉ ⴷ ⵍⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ, ⵎⵓⵃⵎⵎⴷ ⵍⵢⵄⵇⵓⴱⵉ, ⴷ ⵍⵄⴰⵎⵍ ⵏ ⵟⴰⵏⵊⴰ, ⴼⵓⴰⴷ ⵍⵄⵓⵎⴰⵕⵉ.

Dernière modification : 28 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F#comment-0