Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵖ ⵟⴰⵏⵊⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵕ « ⵉⵄⵔⵔⵉⵎⵏ ⵅⴼ ⵉⵣⵔⴼⴰⵏ ⵏ ⵡⴰⵣⵣⴰⵏ»
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵖ ⵟⴰⵏⵊⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵕ « ⵉⵄⵔⵔⵉⵎⵏ ⵅⴼ ⵉⵣⵔⴼⴰⵏ ⵏ ⵡⴰⵣⵣⴰⵏ»

28 ⵏⵓⵡⴰⵏⴱⵉⵔ 2013 Version Imprimable
ⵟⴰⵏⵊⴰ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ , ⴰⵙⵙ ⵏ ⵓⴽⵡⴰⵙ ⵖ ⵟⴰⵏⵊⴰ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵕ « ⵉⵄⵔⵔⵉⵎⵏ ⵅⴼ ⵉⵣⵔⴼⴰⵏ ⵏ ⵡⴰⵣⵣⴰⵏ» ⵓⵏⵎⵓⵇⵇⴰⵔ ⵉⵜⵜⵓⵙⵏⵎⴰⵍⴰ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵜⴰⵎⵢⴰⵇⵇⴰⵏⵜ ⴰⴷ, ⵍⵍⵉ ⵢⵜⵜⴰⵡⵙⴽⴰⵔⵏ ⴳ ⵓⵣⵎⵣⵣⵓ ⵏ ⵓⵙⴽⵜⵉ ⵏ ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 20 ⵏ ⵓⵙⴳⵎⴹ ⵏ ⵍⵎⵖⵔⵉⴱ ⵉ ⵜⴰⵎⵢⴰⵇⵇⴰⵏⵜ ⵏ ⵜⵉⵎⵜⵜⴰ ⵉⵎⵓⵏⵏ ⵏ ⵡⴰⵣⵣⴰⵏ ⵏ ⵉⵄⵢⵢⴰⵍⵏ (ⴽⵏⵉⴷ), ⵜⵔⴰ ⴰⴷ ⵉⵙⴷⵓⵙ ⵉⵎⵄⵉⵏⵏ ⵉⵅⵚⵚⴰⵏ ⴰⵙⵓⵔⵙ ⵏ ⵡⴰⵣⵣⴰⵏ ⴳ ⵍⵎⵖⵔⵉⴱ ⴷ ⴰⴷ ⵜⵥⵍⵉ ⵜⵉⵎⵢⴰⴷⴰⵙⵉⵏ ⵜⵉⵎⴰⵢⵏⵓⵏⵉⵏ ⵏ ⵓⵙⵎⴽⵍ ⵏ ⵡⴰⵣⵣⴰⵏ.

ⴰⵎⴰⴳⵔ ⴰⴷ, ⵍⵍⵉ ⵢⵜⵜⵓⴹⴼⴰⵕⵏ ⴰⵔ ⴰⵙⵙ ⵏ ⵓⵙⵉⴹⵢⴰⵙ, ⵉⵔⴰ ⴰⴷ ⵉⵙⵏⴼⵍ ⵢⴰⵏ ⵓⵙⴰⵢⵔⴰⵔ ⵏ ⵓⵎⴹⴰⴽⴰⵕ ⴳⵔ ⵉⵄⵔⵔⵉⵎⵏ ⵅⴼ ⵡⴰⵣⵣⴰⵏ ⵏ ⵉⵣⵔⴼⴰⵏ ⵏⵏⵙ ⵡⵍⴰ ⵡⴷⵖⴰⵔ ⵏⵏⵙ ⴰⵎⵎⴰⵙ ⵏ ⵓⵎⵓⵏ.

ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⴷ, ⵣⵣⵓⵍ ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏ ⴷ ⵉⴳⵎⴰⵎⵏ ⵉⵇⴱⵓⵔⵏ ⵏ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⵜⵓⴳⴳⴰⵣ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ ⴷ ⵜⵉⴳⴰⵡⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵍⵍⵉ ⵢⵙⴷⵓⵙⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ ⴳ ⵍⵎⵖⵔⵉⴱ.

ⴳ ⵓⵣⵎⵣⵣⵓ ⵢⴰⴷ, ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⴷⵍⵓⵏⵜ ⵍⴰⵍⵍⴰ ⵎⵔⵢⵎ ⵉⵙⵍⴽⵉⵏⵏ ⵏ ⵓⵙⵎⵖⵔ ⵉ ⵎⵏⵏⴰⵡ ⵏ ⵉⵄⵔⵔⵉⵎⵏ ⵢⵓⵛⴽⴰⵏⵉⵏ ⵙⴳ ⵕⵓⵎⴰⵏⵢⴰ ⴷ ⴱⵍⵖⴰⵕⵢⴰ ⴷ ⴰⵍⵎⴰⵏⵢⴰ ⴷ ⵚⴱⵍⵢⵓⵏ ⴷ ⵚⵉⵕⴱⵢⴰ ⴷ ⵛⵛⵉⵏⵡⴰ ⴰⴼⴰⴷ ⴰⴷ ⴷⵔⵓⵏ ⴳ ⵢⴰⵏ ⵓⵖⴰⵡⴰⵙ ⵏ ⵜⵉⵎⵜⵜⴰ ⵉⵎⵓⵏⵏ ⵅⴼ ⵓⵙⵎⵓⵜⵜⴳ ⴳ ⵓⵎⵀⴰⵡⴰⴹ ⵉⴳⵔⴰⵖⵍⴰⵏ ⴷ ⵜⴰⴷⵉⴱⵍⵓⵎⴰⵙⵉⵜ (ⵎⵓⴷⵍ ⵢⵓⵏⴰⵢⵜⴷ ⵏⵉⵢⵛⵏ, ⵎⵢⵓⵏ).

ⵍⵍⵉⵖ ⵜⵍⴽⵎ ⵙ ⵜⴷⴰⵍⴰ ⵉⵖⵎⵙⵏ ⵏ ⵟⴰⵏⵊⴰ, ⵍⵍⵉ ⵢⵙⵏⵓⴱⴳ ⵜⵉⵡⵓⵔⵉⵡⵉⵏ ⵏ ⵜⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⴰⵔⴱⵉⵄⵜ ⵏ ⵓⵏⴹⴰⴼ ⵏ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵉⵣⵣⵓⵍ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵎⵓⵃⵎⵎⴷ ⵃⵚⵚⴰⴹ, ⴷ ⵓⵎⴰⵡⵙⴰⵙ ⵏ ⵜⵣⵔⴼⵜ ⴷ ⵜⵉⴷⵔⴼⵉⵏ, ⵎⵚⵟⴰⴼⴰ ⵕⵕⴰⵎⵉⴷ, ⴷ ⵓⵎⴰⵡⵙⴰⵙ ⵏ ⵜⵉⵄⵄⵓⵔⵎⴰ ⴷ ⵜⵉⵏⵏⵓⵏⵉⵏ, ⵎⵓⵃⵎⵎⴷ ⵓⵣⵣⵉⵏ, ⴷ ⵜⵎⴰⵡⵙⴰⵙⵜ ⵏ ⵜⴱⴷⴰⴷⵜ ⴷ ⵜⵎⵖⴰⵔⵜ ⴷ ⵜⴰⵡⴰⵛⵓⵏⵜ ⴷ ⵜⵉⴳⵎⵉ ⴰⵏⴰⵎⵓⵏ, ⴱⴰⵙⵉⵎⴰ ⵃⵇⵇⴰⵡⵉ ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ « ⵉⵄⵔⵔⵉⵎⵏ ⵅⴼ ⵉⵣⵔⴼⴰⵏ ⵏ ⵡⴰⵣⵣⴰⵏ» ⵜⵙⵙⵏ ⵜⴰⴷⵔⴰⵡⵜ ⵏ ⵓⴳⴳⵯⴰⵔ ⵏ 2000 ⵓⴼⴳⴰⵏ, ⵍⵍⴰⵏ ⴳ ⵉⵜⵙⵏ ⵉⵄⵔⵔⵉⵎⵏ ⵉⴳⵎⴰⵎⵏ ⵉⵇⴱⵓⵕⵏ ⵏ ⵓⴱⵕⵍⴰⵎⴰⵏ ⵏ ⵡⴰⵣⵣⴰⵏ ⴷ ⵉⵎⵖⵏⴰⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⵓⵣⴰⵢⵏ.

ⵉⵙⵙⵏ ⵓⵎⴰⴳⵔ ⴰⴷ ⴰⵙⵓⴷⵙ ⵏ ⵎⵏⵏⴰⵡ ⵏ ⵜⵙⴰⵡⵔⵉⵏ ⴷ ⵉⵙⴳⴷⵔⴰⵡⵏ ⴷ ⵉⵙⵓⵔⵙⵏ ⵍⵍⵉ ⵔⴰⵏ ⴰⴷ ⵕⵥⵎⵏ ⵢⴰⵏ ⵓⵙⵡⵉⵏⴳⵎ ⵉⵅⴰⵜⴰⵔⵏ ⵅⴼ ⴰⵙⵓⵔⵙ ⵉⵎⵉⴷⵉⵏ ⵏ ⵜⴰⵣⵣⴰⵏⵉⵏ ⴰⵎⵎⴰⵙ ⵏ ⵓⵎⵓⵏ ⴷ ⵜⵉⴳⵎⵉ ⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ ⴳ ⵙⵏⴰⵜ ⵏ ⵜⵉⵎⵔⴰⵡⴰⵏⵉⵏ ⵉⵣⵔⵉⵏ.

ⵔⴰⴷ ⵢⵉⵍⵉ ⵢⴰⵏ ⵓⵎⴰⵕⴰⵟⵓⵏ ⵉⵏⵉⴳⵍⵏ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⴰⴷ ⵍⵍⵉ ⵔⴰⴷ ⵉⵙⵎⵓⵏ 15.000 ⵉⵎⴷⵔⵓⵏ ⵍⵍⵉ ⵢⵓⵛⴽⴰⵏ ⴰⵎⵎⴰⵙ ⵏ ⵍⵎⵖⵔⵉⴱ ⴽⵓⵍⵍⵓⵜ.

Fichier attaché :
Icône image tanger_-_lalla_meryem_preside___la_ceremonie_d_ouverture__-_g11.jpg
Dernière modification : 28 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%96-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0