Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵓⵣⵉⵏⵜ ⵉ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 50 ⵏ ⵜⵓⴳⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵓⵣⵉⵏⵜ ⵉ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 50 ⵏ ⵜⵓⴳⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ

25 ⵏⵓⵡⴰⵏⴱⵉⵔ 2013 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵙ ⵏⵓⵏⵢⴰⵙ ⵢⴰⵜ ⵜⵓⵣⵉⵏⵜ ⵉ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 50 ⵏ ⵜⵓⴳⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⵣⵉⵏⵜ ⴰⴷ ⵍⵍⵉ ⵉⵖⵔⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⴽⴰⵔⵉⵎ ⵖⵍⵍⴰⴱ ⵎⴰⵙ ⵉⴳⴰ ⵓⵙⴽⵜⵉ ⵡⵉⵙⵙ 50 ⵏ ⵜⵓⴳⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵢⴰⵜ « ⵜⵉⴽⵍⵉ ⵜⴰⵎⵣⵔⴰⵢⵜ » ⴳ ⵜⵎⵀⵍⵜ ⵜⵎⵔⵏⵉⵡⵜⵏ ⵜⴰⵙⵔⵜⴰⵏⵜ ⴳ ⵍⵎⵖⵔⵉⴱ ⵍⵍⵉ ⵢⵉⵎⵓⵔⵙⵏ ⵙ ⵜⵡⵓⵔⵉ ⵏ ⵜⵉⵎⵔⵙⵍⵜ ⴰⴷ ⴳ ⵎⴰⴷ ⵉⵥⵍⵉⵏ ⵙ ⵓⵙⴷⵓⵙ ⵏ ⵜⵉⵙⵉⵍⴰⵡⵉⵏ ⵏ ⵜⴰⴷⵉⵎⵓⵇⵔⴰⵜⵉⵜ.

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴳⴰ ⵓⵖⴰⵡⴰⵙ ⵏ ⵜⵉⵙⵖⵉⵢⵜ ⴷ ⵜⴰⵎⵔⵏⵉⵡⵜ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵢⴰⵜ « ⵜⴰⵙⵓⵔⵉⴼⵜ ⵜⴰⵎⴰⴼⴰⵢⵜ » ⴰⴼⴰⴷ ⴰⴷ ⵉⵎⵓⵔⵙ ⴳ ⵜⵡⵓⵔⵉⵡⵉⵏ ⵏⵏⵙ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴳ ⵎⴰⴷ ⵉⵥⵍⵉⵏ ⵙ ⵓⵙⵜⴰⵍ ⵏ ⵜⵉⵙⵔⵜⵉⵜⵉⵏ ⵜⵉⴳⴷⵓⴷⵉⵏ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵔⴰⴷ ⵢⴰⵡⵙ ⵓⵣⴳⴳⵯⵣ ⵏ ⵓⵖⴰⵡⴰⵙ ⴰⴷ ⴳ ⵓⵙⴷⵓⵙ ⵏ ⵜⵉⵥⵥⵉⴹⵕⵉⵏ ⵏ ⵓⴱⴰⵕⵍⴰⵎⴰⵏ ⴷ ⵜⵔⴰⵔⵓⵜ ⵏⵏⵙ ⴳ ⵎⴰⴷ ⵉⵥⵍⵉⵏ ⵙ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵍⴰ ⵙⵓⵍ ⴰⵏⵓⵕⵥⵎ ⵅⴼ ⴰⵓⵡⵏⴰⴹ ⵏⵏⵙ.
ⵉⵜⵜⵓⵙⵏⵎⴰⵍⴰ ⵓⴳⵔⴰⵡ ⴰⴷ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⵖⵉⵎ ⵏ ⵓⴱⴰⵕⵍⴰⵎⴰⵏ.

ⵔⴰⴷ ⴷⵔⵓⵏ ⴳ ⵓⵏⵎⵓⵇⵇⴰⵔ ⴰⴷ ⵉⵎⵓⵣⴰⵢⵏ ⴷ ⵉⵎⵙⴷⴰⵡⵏ ⵙⴳ ⵍⵎⵖⵔⵉⴱ ⴷ ⴱⵕⵔⴰ . ⵔⴰⴷ ⵎⴹⴰⴽⴰⵕⵏ ⵅⴼ 50 ⵏ ⵉⵙⴳⴳⵯⴰⵙⵏ ⵏ ⵜⵡⵓⵔⵉ ⵏ ⵓⴱⴰⵕⵍⴰⵎⴰⵏ ⴳ ⵍⵎⵖⵔⵉⴱ ⴷ ⵜⵉⴼⴰⴷⵉⵏ ⵏ ⵜⴰⵣⵣⵉⴳⵣⵜ ⵏ ⵜⵡⵓⵔⵉ ⵏ ⵓⴱⴰⵕⵍⴰⵎⴰⵏ.

ⵔⴰⴷ ⴼⴽⵏ ⵉⵏⵙⵙⵉⵅⴼⵏ ⵏ ⵉⵇⴱⵓⵔⵏ ⵏ ⵉⵙⵇⵇⵉⵎⵏ ⵏ ⵓⴱⴰⵕⵍⴰⵎⴰⵏ ⵙ ⵓⵣⵎⵣⵣⵓ ⴰⴷ ⵜⵓⴳⴳⴰ ⵏⵏⵙⵏ ⵖ ⴳⴰⵏ ⴰⵃⵎⴰⴷ ⵄⵓⵚⵎⴰⵏ ⵎⵓⵃⵎⵎⴷ ⵊⴰⵍⴰⵍ ⵙⵙⴰⵄⵉⴷ ⴷ ⵄⴱⴷ ⵍⵡⴰⵃⴷ ⵕⵕⴰⴹⵉ ⴷ ⵍⵎⵄⵟⵉ ⴱⵏ ⵇⴷⴷⵓⵔ ⴷ ⵎⵚⵟⴰⴼⴰ ⵍⵎⵏⵚⵓⵕⵉ.

 

Dernière modification : 25 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%89%E2%B5%99%E2%B5%87%E2%B5%87%E2%B5%89%E2%B5%8E%E2%B5%8F-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B4%B7-%E2%B5%89%E2%B5%8E%E2%B5%9B%E2%B5%9B%E2%B5%89%E2%B5%A1%E2%B4%B0%E2%B5%95-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F#comment-0