Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵡⴰⵛⵉⵏⵟⵓⵏ ⵢⴰⵏ ⵉⵎⵏⵙⵉ ⴳ ⵓⵣⵎⵣⵣⵓ ⵏ ⵓⵔⵣⴰⴼ ⵜⴰⴳⵍⴷⴰⵏⵜ ⵙ ⵎⵉⵔⵉⴽⴰⵏ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵡⴰⵛⵉⵏⵟⵓⵏ ⵢⴰⵏ ⵉⵎⵏⵙⵉ ⴳ ⵓⵣⵎⵣⵣⵓ ⵏ ⵓⵔⵣⴰⴼ ⵜⴰⴳⵍⴷⴰⵏⵜ ⵙ ⵎⵉⵔⵉⴽⴰⵏ

23 ⵏⵓⵡⴰⵏⴱⵉⵔ 2013 Version Imprimable
ⵡⴰⵛⵉⵏⵟⵓⵏ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵢⵉⴹ ⵏ ⵓⵙⵉⵎⵡⴰⵙ, ⵢⴰⵏ ⵉⵎⵏⵙⵉ ⴳ « ⴽⵓⵕⴽⵓⵕⵓⵏ ⴳⴰⵍⵕⵉ » ⴳ ⵡⴰⵛⵉⵏⵟⵓⵏ, ⴳ ⵓⵣⵎⵣⵣⵓ ⵏ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵎⵉⵔⵉⴽⴰⵏ, ⴷⴼⴼⵉⵔ ⵏ ⵜⵖⵓⵔⵉ ⵏ ⵓⵏⵙⵙⵉⵅⴼ ⴱⴰⵕⴰⴽ ⵓⴱⴰⵎⴰ.

ⵉⵙⵙⵉⵅⴼ ⵓⵎⴰⵡⵙⴰⵙ ⵏ ⵜⵎⵙⴰⵔⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⵚⴰⵍⴰⵃⴷⴷⵉⵏ ⵎⵣⵡⴰⵔ, ⵉⵎⵏⵙⵢ ⵢⴰⴷ, ⵍⵍⵉ ⵢⴰⵜ ⵉⵃⴰⴹⵕⵏ ⵟⴰⵢⵢⴱ ⴼⴰⵙⵙⵉ ⴼⵉⵀⵔⵉ ⴷ ⵢⴰⵙⵉⵔ ⵥⵏⴰⴳⵉ ,  ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⵎⴰⵡⵙⴰⵙⵏ ⵏ ⵜⵏⴱⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

ⴳ ⵜⴼⵓⵍⵜ ⵜⴰⵎⵉⵔⵉⴽⴰⵏⵉⵜ, ⵃⴰⴹⵕⵏ ⵉ ⵢⵎⵏⵙⵉ ⵢⴰⴷ ⴹⴰⵏⵢⵉⵍ ⵢⵓⵀⴰⵏⵙ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵎⵉⵍⵉⵏⵢⵓⵎ ⵜⵛⴰⵍⵏⵊ ⴽⵓⵕⴱⵓⵕⵢⵛⵏ (ⵉⵎⵙⵉⵙⵉ), ⴷ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴼⵏⵉⵇⵜ ⵜⵓⴷⵔⵉⵎⵜ ⵜⴰⴳⵔⴰⵖⵍⴰⵏⵜ (ⵉⴼⵉⵎⵉ), ⴽⵔⵉⵙⵜⵉⵏ ⵍⴰⴳⴰⵕⴹ ⴷ, ⴷ ⵉⵎⵙⵇⴰⴷⵏ ⴰⵎⵉⵔⵉⴽⴰⵏⵉⵢⵏ ⵉⵇⴱⵓⵔⵏ ⴳ ⵍⵎⵖⵔⵉⴱ ⴷ ⵉⴳⵎⴰⵎⵏ ⵏ ⵍⴽⵓⵏⴳⵕⵉⵚ ⴷ ⵎⵏⵏⴰⵡ ⵢⴰⴹⵏⵉⵏ.

ⴰⵎⵎⴰⵙ ⵏ ⵉⵏⴰⵡ ⵏ ⵓⵣⵎⵣⵣⵓ ⵢⴰⴷ, ⵉⴽⵜⵉ ⵎⴰⵙⵙ ⵎⵣⵡⴰⵔ ⴰⵏⵙⵙⵉⵅⴼ ⵊⵓⵏ ⴼⵉⵜⴳⵉⵕⴰⵍⴷ ⴽⵉⵏⵉⴷⵉ, ⵍⵍⵉ ⵢⴰⴷⵍⵍⵉ ⵢⵎⵍⴰⵏ ⵢⴰⵏ "ⵓⵙⵓⵖⵏ ⴰⵎⵖⵍⴰⵍ ⴰⴼⴰⴷ ⴰⴷ ⵉⵙⴷⵓⵙ ⴰⵎⵓⵍⵍⵉ ⴰⵎⵣⵔⴰⵢ ⵏⵏⵖ ⴷ ⵉⵟⵟⴼ ⵢⴰⵏ ⵓⵎⵢⴰⵙⵙⴰ ⵉⵎⵥⵍⵉⵏ ⴷ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ.

"ⴼ ⵜⵉⵎⴽⵜⵉⵜ ⵏ ⵉⴳⵍⵍⵉⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙ ⵔⴰⴷ ⵉⴷⵔⵓ ⵙ ⵉⵙⵎ ⵏ ⵓⵏⵙⵙⵉⵅⴼ ⴽⵉⵏⵉⴷⵉ ⵙ ⵜⴼⴳⴳⴰ ⵏ ⵜⵏⴰⴳⵔⵉⵜ ⴳ ⵍⵎⵖⵔⵉⴱ", ⵉⵔⵏⵓ ⵢⵏⵏⴰ ⵎⴰⵙⵙ ⵎⵣⵡⴰⵔ.

ⴳ ⵙⵉⵏ ⵡⴰⴳⵏⴰⵔⵏ ⴷ ⵎⵔⴰⵡ ⵏ ⵉⵙⴳⴳⵯⴰⵙⵏ ⵍⵍⵉ ⵢⵣⵔⵉⵏ, ⵓⴳⴳⵯⴰⵔ ⵏ 4.530 ⵏ ⵉⵎⵅⴰⵙⵏ ⵏ ⵜⴼⴳⴳⴰ ⵏ ⵜⵏⴰⴳⵔⵉⵜ ⵣⴷⵎⵏ ⴳ ⵍⵎⵖⵔⵉⴱ, ⴼ ⵖⵉⴽⴰⵏ, ⵜⴳⴰ ⵜⵉⴽⴽⵉ ⵏ ⵓⴳⵍⵍⵉⴷ ⵢⴰⵜ ⴰⵏⵏⴰⵍ ⵉⴼⵓⵍⴽⵉⵏ ⵉ ⵜⵡⵡⵓⵔⵉ ⵏ ⵉⵎⵅⴰⵙⵏ ⴳ ⵍⵎⵖⵔⵉⴱ ⵅⴼ ⵜⵙⵉⵎⴰⵏⵜ ⵏ ⵉⵄⵔⵔⵉⵎⵏ ⴷ ⵜⵉⴳⵎⵉ ⴰⴼⴰⵔⴰⵏ ⴷ ⴰⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵏⴳⵍⵉⵣⵉⵜ ⴷ ⵜⴷⵓⵙⵉ ⴷ ⵓⵡⵏⴰⴹ, ⵎⴰⵢⴰⴷ ⵉⵏⵏⴰ ⵚⴰⵍⴰⵃⴷⴷⵉⵏ ⵎⵣⵡⴰⵔ.

ⵉⵏⵏⴰ ⵙⵓⵍ ⵎⴰⵙⵙ ⵎⵣⵡⴰⵔ ⵉⵙ ⵉⵟⵟⴰⴼ ⵓⵔⵣⴰⴼ ⴰⴳⵍⴷⴰⵏ ⴰⴷ ⵢⴰⵜ "ⵜⴰⵎⵙⴷⴷⵓⵔⵜ ⵜⴰⵎⵣⵔⴰⵢⵜ ⵉⵙⵍⵉⴷⵏ ⵍⵍⵉ ⵔⴰⴷ ⵉⵙⴷⵓⵙ ⵜⵉⴷⴷⵓⴽⴽⵍⴰ ⵏⵏⵖ ⵉⵎⵇⵇⵓⵔⵏ", ⵉⵔⵏⵓ ⵢⵏⵏⴰ ⵉⵙ ⵉⵙⵔⵙ ⵡⵎⵙⵏⴰⵍⴰ ⵍⵍⵉ ⵢⵙⵎⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⴱⴰⵕⴰⴽ ⵓⴱⴰⵎⴰ ⵢⴰⵜ "ⵜⴰⵡⵔⵉⵇⵜ ⵏ ⵓⵖⴰⵔⴰⵙ ⴰⵎⴰⵢⵏⵓⵏ ⵅⴼ ⵢⴰⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵉⵎⵓⴼⴰⵢⵏ ⵍⵍⵉ ⵉⵔⴰⵔⵏ ⵉ ⵉⴳⴰⵏⵉⵏ ⵓⵍⴰ ⵉⴱⵖⵓⵔⵏ ⵏⵏⵖ".

Dernière modification : 23 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%A1%E2%B4%B0%E2%B5%9B%E2%B5%89%E2%B5%8F%E2%B5%9F%E2%B5%93%E2%B5%8F-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%99-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F#comment-0