ⵉⵙⵏⵓⴱⴳ ⵓⵏⵙⵙⵉⵅⴼ ⴱⴰⵕⴰⴽ ⵓⴱⴰⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⴹⵉⵙ ⵖ ⵜⴰⴷⴷⴰⵔⵜ ⵜⵓⵎⵍⵉⵍⵜ

22 ⵏⵓⵡⴰⵏⴱⵉⵔ 2013 Version Imprimable

ⵡⴰⵛⵉⵏⵟⵓⵏ - ⵉⵙⵏⵓⴱⴳ ⵓⵏⵙⵙⵉⵅⴼ ⴰⵎⵉⵔⵉⴽⴰⵏⵉ ⵎⴰⵙⵙ ⴱⴰⵕⴰⴽ ⵓⴱⴰⵎⴰ ⴰⵙⵙ ⵏ ⵓⵙⵉⵎⵡⴰⵙ 22 ⵏⵓⵡⴰⵏⴱⵉⵔ 2013 ⵖ ⵜⴰⴷⴷⴰⵔⵜ ⵜⵓⵎⵍⵉⵍⵜ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⴹⵉⵙ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵙⴽⴰⵔⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵢⵉⵎⵜⵜⴰ ⵉⵎⵓⵏⵏ ⵏ ⵎⴰⵔⵉⴽⴰⵏ.

ⵖ ⵓⵏⵎⵓⵇⵇⴰⵔ ⴰⴷ ⵉⴳⴰⵏ ⴰⵎⵙⴷⴷⵓⵔ, ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ ⵎⵏⵏⴰⵡ ⵏ ⵉⵙⵇⵙⵉⵜⵏ ⵉⵛⵛⴰⵔⵏ, ⵖ ⵉⴳⵔ ⴰⵙⵉⵏⵔⴰⵏ ⴷ ⴰⵏⵎⵏⴰⴹ ⴷ ⴰⴳⵔⴰⵖⵍⴰⵏ.

ⵏⵏⴰⵏ ⵉⵏⵙⵙⵉⵅⴼⵏ ⵏ ⵉⵡⵏⴰⴽⵏ ⵎⴰⵙ ⵔⴰⵏ ⴰⴷ ⵙⴷⵓⴷⵏ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⵍⴰ ⵜⴰⵎⵣⵔⵓⵢⵜ ⴷ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵢⵉⵍⵍⴰⵏ ⴳⵔ ⵜⵎⵓⵔⴰ ⵜⵉⵎⴷⴷⵓⴽⴽⴰⵍ.

ⴰⴽⴰⴱⴰⵕ ⴰⵎⵖⵔⵉⴱⵉ ⵉⵍⵍⴰ ⴷⵉⴳⵙ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⵟⴰⵢⵉⴱ ⴼⴰⵙⵉ ⴼⵉⵀⵔⵉ, ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⵎⴰⵙⵙ ⵎⵃⵎⵎⴷ ⴱⵓⵙⵄⵉⴷ, ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ, ⵎⴰⵙⵙⴰ ⵎⴱⴰⵕⴽⴰ ⴱⵓⵄⵉⴷⴰ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵜⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴷ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⵖ ⵍⵎⴰⵔⵉⴽⴰⵏ ⵕⴰⵛⴰⴷ ⴱⵓⵀⵍⴰⵍ ⴷ ⵎⴰⵙⵙ ⵢⵓⵙⴼ ⵄⵎⵕⴰⵏⵉ, ⵉⵜⵜⵓⵙⵎⴳⵍⵏ ⵙ ⵜⵡⵓⵔⵉ ⵖ ⵓⴱⵔⵙⵉⵔⴰ ⴰⴳⵍⴷⴰⵏ.

Dernière modification : 22 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B5%95%E2%B4%B0%E2%B4%BD-%E2%B5%93%E2%B4%B1%E2%B4%B0%E2%B5%8E%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%99%E2%B4%B9%E2%B5%89%E2%B5%99-%E2%B5%96-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%9C%E2%B5%93%E2%B5%8E%E2%B5%8D%E2%B5%89%E2%B5%8D%E2%B5%9C#comment-0