Published on MAPNews (https://www.mapnews.ma/am)

Accueil > ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⴰⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵍⴱⴷⵓ ⵏ ⵜⵓⵚⴽⴰ ⵏ ⵓⵙⵉⵏⴰⴳ ⵏ ⵓⵔⵣⵣⵓ ⵅⴼ ⵓⴽⵕⵥⵎⵉⵡ ⵖ ⴼⴰⵙ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⴰⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵍⴱⴷⵓ ⵏ ⵜⵓⵚⴽⴰ ⵏ ⵓⵙⵉⵏⴰⴳ ⵏ ⵓⵔⵣⵣⵓ ⵅⴼ ⵓⴽⵕⵥⵎⵉⵡ ⵖ ⴼⴰⵙ

22 ⵏⵓⵡⴰⵏⴱⵉⵔ 2013 Version Imprimable
ⴼⴰⵙ - ⵜⵙⵔⵙ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵓⴽⵕⵥⵎⵉⵡ, ⴰⵙⵙ ⵏ ⵓⵙⵉⵎⵡⴰⵙ ⵖ ⵜⴷⴳⴳⵯⴰⵍⵜ ⵖ ⴼⴰⵙ, ⴰⵥⵕⵓ ⴰⵎⵣⵡⴰⵔⵓ ⵏ ⵜⵓⵚⴽⴰ ⵏ ⵢⴰⵏ ⵓⵙⵉⵏⴰⴳ ⵏ ⵓⵔⵣⵣⵓ ⵅⴼ ⵓⴽⵕⵥⵎⵉⵡ ⵖ ⵡⴰⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⴼⴰⵙ.

ⴰⵙⵏⵜⵉ ⵢⴰⴷ ⵉⴳⴰ ⴰⵡⵜⵜⴰⵙ ⵏⵏⵙ ⴰⵢⴳ ⴰⵎⵎⴰⵙ ⵍⵍⵉ ⴰⴽⴽⵯ ⵉⵥⵉⵍⵏ ⴷ ⵢⴰⵜ ⵜⵓⵚⴽⵉⵡⵜ ⵜⴰⴽⴰⴷⵉⵎⵉⵜ ⵏ ⵜⵎⵓⵣⴰⵢⵜ ⴰⴼⴰⴷ ⵢⵉⵍⵉ ⵓⵔⵣⵣⵓ ⵖ ⵉⴳⵔ ⵏ ⵓⵙⵎⴽⵍ ⵜⵎⴰⴹⵓⵏⵜ ⵏ ⵍ ⴽⵓⵏⵚⵉⵕ, ⵉⵜⵜⵓⵙⴳⵎⴹ ⴳⵔ ⵜⵎⴰⵡⴰⵙⵜ ⵏ ⵜⴷⴰⵓⵙⵉ ⴷ ⵜⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⴷ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ.

ⵉⵔⴰⴷ ⴷⵉⴳⵙ ⵉⵍⵉⵏ ⵜ ⵎⵏⵏⴰⵡ ⵏ ⵉⴳⵣⵣⵓⵎⵏ ⵏ ⵓⵔⵣⵣⵓ ⴷ ⵓⵙⵎⵓⵜⵜⴳ ⴷ ⵔⴰⴷ ⵜⵙⵖⵉⵡⵙ ⵏ ⵜⴳⴰⵡⵉⵏ ⵜⵉⵎⴰⵙⵙⴰⵡⵉⵏ. ⵔⴰⴷ ⴳⵉⵙ ⵉⵍⵉⵏ ⵎⵏⵏⴰⵡ ⵏ ⵡⴰⵎⵎⴰⵙⵏ ⴷ ⵜⴳⵎⵉ ⵏ ⵓⵔⵣⵣⵓ ⵏ ⵓⵎⵢⴰⵡⴰⵙ.

ⵜⴽⴽⴰⴷ ⵉⵍⵎⵎⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵉⴳⵎⵎⵉ ⵏ ⵜⵓⴷⵔⵜ ⵍⵍⵉ ⵢⵉⵜⵜⵓⵙⴽⴰⵔⵏ ⵖ ⵡⴰⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵍⵍⵉ ⵢⴰⴽⴽⴰⵏ ⵉ ⵢⵉⵎⵓⴹⴰⵏ ⵏ ⵓⴽⵕⵥⵎⵉⵡ ⴷ ⵜⴰⵡⵊⵉⵡⵉⵏ ⵏⵏⵙⵏ ⵜⴰⵣⴷⵖⵜ ⴷ ⵡⴰⵏⵏⴰⵍ ⴰⵡⵏⴳⵉⵎ ⵉⵙⴽⵔ ⴰⵙⵏ ⵓⵍⴰ ⵉⵎⵓⵙⵙⵓⵜⵏ ⵉⵏⴰⵎⵓⵏⵏ.

ⵜⵉⴳⵎⵎⵉ ⵏ ⵜⵓⴷⵔⵜ ⵍⵍⵉ ⵜⵙⴽⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵖ ⵢⵓⵏⵢⵓ 2012 ⵍⵍⴰⵏ ⴳⵉⵙ 48 ⵏ ⵜⵉⵙⵉ, ⵢⴰⵏ ⵓⵙⴰⵔⴰⴳ ⴷ ⵢⴰⵏ ⵓⴷⵖⴰⵔ ⵉ ⵜⴰⵣⵣⴰⵏⵉⵏ ⴷⵢⴰⵜ ⵜⴷⴰⵍⴰ ⵏ ⵜⵙⵎⵓⵏⵉⵡⵉⵏ ⵓⵍⴰ ⵙⵓⵍ ⵉⴷⵖⴰⵔⵏ ⴰⴹⵏⵉⵏ.

ⵍⵍⵉⵖ ⵜⵍⴽⵎ ⴰⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ, ⵣⵣⵓⵍⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵓⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⴰⵙⴳⵏⴰⴼⵜ ⵏ ⴼⴰⵙ, ⴷ ⵓⵏⵎⵀⴰⵍ ⵏ ⵙⵙⴱⵉⴹⴰⵕ ⵉⵎⵎⵉ-ⴰⵣⵣⴰⵏ ⴷ ⵓⵏⵎⵀⴰⵍ ⵓⵙⴳⵏⴰⴼ ⵄⵓⵎⴰⵕ ⴷⵔⵉⵙⵉ ⴷ ⵓⵏⵎⵀⴰⵍ ⵏ ⵓⵙⴳⵏⴰⴼ ⵏ ⵉⴱⵏ ⵍⵃⴰⵙⴰⵏ.

Fichier attaché :
Icône paquet sar_lalla_salma_-_institut_de_recherche_sur_le_cancer_au_chu_hassan_ii_de_fes.zip
Dernière modification : 22 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B4%BC%E2%B4%BD%E2%B4%B0-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B4%B0%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B5%8F-%E2%B5%93%E2%B5%94%E2%B5%A3%E2%B5%A3%E2%B5%93#comment-0