Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵖ ⴼⴰⵙ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡⵜ ⵜ ⵎⵢⴰⵇⵇⴰⵏⵉⵏ ⵅⴼ ⵓⵙⴷⵓⴷ ⵏ ⵓⵙⴱⴷⴷⵉ ⵏ ⵓⴽⵕⵥⵎⵉⵡ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵖ ⴼⴰⵙ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡⵜ ⵜ ⵎⵢⴰⵇⵇⴰⵏⵉⵏ ⵅⴼ ⵓⵙⴷⵓⴷ ⵏ ⵓⵙⴱⴷⴷⵉ ⵏ ⵓⴽⵕⵥⵎⵉⵡ

22 ⵏⵓⵡⴰⵏⴱⵉⵔ 2013 Version Imprimable
ⴼⴰⵙ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵓⴽⵕⵥⵎⵉⵡ (ⵍⴽⵓⵏⵚⵉⵕ), ⵜⴰⴷⴳⴳⵯⴰⵍⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ ⵖ ⴼⴰⵙ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡⵜ ⵏ ⵜⵎⵢⴰⵇⵇⴰⵏⵉⵏ ⵍⵍⵉ ⵔⴰⴷ ⵉⵙⴷⵓⴷ ⵜⴰⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵏ ⵉⴽⵕⵥⵎⵉⵡ, ⵖ ⵓⵣⵎⵓⵣⵣⵓ ⵏ ⵜⴼⵓⴳⵍⴰ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⴱⴷⴷⵉ ⵏ ⵜⵎⴰⴹⵓⵏⵜ ⴰⴷ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ, ⵍⵍⵉ ⵢⵉⵜⵜⵓⵙⵏⴰⵢⵏ ⵖ ⵓⵙⴰⵜⵉ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ (ⵉⵏⴷⵀ), ⴳⵔ ⵜⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⵏ ⵓⴽⵕⵥⵎⵉⵡ ⴷ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵍⵡⵉⵍⴰⵢⴰ ⵏ ⵜⵙⴳⴰ ⵏ ⴼⴰⵙ ⴱⵓⵍⵎⴰⵏ ⴷ ⵓⵙⵇⵇⵉⵎ ⵏ ⵜⵙⴳⴰ ⵢⴰⴷ, ⵉⴳⴰ ⴰⵡⵜⵜⴰⵙ ⵏⵏⵙ ⵜⵉⴳⵎⵉ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵉⵎⴰⵜⵜⵉⵡⵏ ⴰⴼⴰⴷ ⴰⴷ ⵢⵉⵍⵉ ⵓⵙⵖⵉⵡⵙ ⵏ ⵓⴽⵛⵛⵓⵎ ⵙ ⵓⵙⴰⵙⴼⵔ ⵏ ⵉⵎⵓⴹⴰⵏ ⵍⵍⵉⵛ ⵉⵍⵍⴰ ⵍ ⴽⵓⵏⵚⵉⵕ ⵖ ⵜⵙⴳⴰ ⵢⴰⴷ.

ⵉⴳⴰ ⵍⵃⴰⵍ ⵜⵓⵚⴽⴰ ⵏ ⵢⴰⵏ ⵡⴰⵎⵎⴰⵙ ⵏ ⵀⵉⵎⴰⵜⵓⵍⵓⵊⵉ ⴷ ⵍⵓⵏⴽⵓⵍⵉⵊⵉ ⵏ ⵜⴰⵣⵣⴰⵏⵉⵏ, ⴷ ⵢⴰⵏ ⵓⵙⵉⵏⴰⴳ ⵏ ⵔⵣⵣⵓ ⵅⴼ ⵓⴽⵕⵥⵎⵉⵡ ⴷ ⵡⴰⵎⵎⴰⵙⵏ ⵏ ⵡⴰⴽⴰⵣ ⴷ ⵜⵎⵙⵖⵉⵡⵜ ⵏ ⵢⴰⵏ ⵓⵎⵙⵉⵣⵣⵔⴱ ⴷ ⵢⴰⵏ ⵓⵙⴱⵇⵙⴰⵏ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ ⵉⴳⴰ ⴰⵡⵜⵜⴰⵙ ⵏⵏⵙ ⴰⵎⵎⴰⵥ ⵏ ⵉⵙⴰⴼⴰⵔⵏ ⵉ ⵢⵉⵎⵣⴷⴰⵖⵏ ⵏ ⵜⵙⴳⴰ ⵢⴰⴷ ⵜⵜⵓⵙⴳⵎⴹ ⴳⵔ ⵜⵎⵔⵙⵍⵜ ⴷ ⵓⵙⴰⵔⵎ ⵏ ⵖⵓⵛ, ⴰⴼⴰⴷ ⴰⴷ ⴷⴰⵔⵙⵏ ⵢⵉⵍⵉⵏ ⵉⵙⴰⴼⴰⵔⵏ ⵏ ⵖⵓⵛ ⵍⵍⵉ ⴰⴽⴽⵯ ⵉⴳⴰⵏ ⵉⵎⴰⵢⵏⵓⵜⵏ ⵖ ⵓⵙⵉⵊⵊⵉ ⵏ ⴽⵓⵏⵚⵉⵕ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⵕⴰⴹⵜ ⵜⵔⴰ ⴰⴷ ⵜⵙⴽⵔ ⵢⴰⵏ ⵓⵙⵏⵜⵉ ⵏ ⵜⵉⵥⵉⵍⵜ ⵉⵎⵜⵜⵡⴰⵖⵏ ⵍⵍⵉ ⵙⴽⴰⵔⵏⵉⵏ ⴰⵙⵉⵊⵊⵉ ⴰⴽⵉⵎⴰⵡⵉ ⵖ ⵕⵕⴱⴰⵟ ⴷ ⴹⴹⴰⵕⵍⴱⵉⴹⴰ, ⵜⵉⵙⵙ ⴽⵕⴰⴹⵜ ⵉⴳⴰ ⴰⵡⵜⵜⴰⵙ ⵏⵏⵙ ⴰⵥⵕⴼ ⵏ ⵓⵔⵣⵣⵓ ⴰⵎⴰⵙⵙⴰⵏ ⵏ ⵍⴽⵓⵏⵚⵉⵕ, ⵜⵉⵙⵙ ⵙⵎⵎⵓⵙ ⵜⵔⴰ ⴰⴷ ⵜⵙⴽⵔ ⵢⴰⵜ ⵜⵔⴰⴱⴱⵓⵜ ⵏ ⵓⵙⵡⵓⴷⴷⵓ ⵏ ⵓⵙⵉⵏⴰⴳ ⵏ ⵓⵔⵣⵣⵓ ⵏ ⵜⵎⴰⴹⵓⵏⵜ ⴰⴷ.
 

Dernière modification : 22 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%96-%E2%B4%BC%E2%B4%B0%E2%B5%99-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F#comment-0