ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵢⴰⵜ ⵜⵉⴳⵉⵡⵔⵜ ⵉⵎⵉⵔⵉ ⵏ ⵓⵡⴰⵏⴽ ⵊⵓⵏ ⴽⵉⵔⵉ ⴷ ⵉⵎⵉⵔⵉ ⵏ ⵓⵎⵣⴰⵢ ⵛⴰⴽ ⵀⴰⴳⵍ

21 ⵏⵓⵡⴰⵏⴱⵉⵔ 2013 Version Imprimable

ⵡⴰⵛⵉⵏⵟⵓⵏ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ 20 ⵏⵓⵡⴰⵏⴱⵉⵔ 2013 ⴳ ⵜⴰⵣⴷⵓⵖⵜ ⵜⴰⴳⵍⴷⴰⵏⵜ ⴳ ⵡⴰⵛⵉⵏⵟⵓⵏ, ⵉⵎⵉⵔⵉ ⵏ ⵓⵡⴰⵏⴽ ⵊⵓⵏ ⴽⵉⵔⵉ ⴷ ⵉⵎⵉⵔⵉ ⵏ ⵓⵎⵣⴰⵢ ⵛⴰⴽ ⵀⴰⴳⵍ, ⵎⴰⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵉⵎⵙⵏⴰⵍⴰⵏ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⵎⵙⵜⴳⴳⴰⵔⵏ ⴰⵎⴰⵔⵉⴽⴰⵏⵉⵢⵏ ⴰⴷ ⵙⴰⵡⵏⵍ ⵅⴼ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⴽⵍⴰ ⵉⵇⴱⵓⵔⵏ ⴷ ⵓⵎⵢⴰⵡⴰⵙ ⵉⴼⵓⵍⴽⵉⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ, ⵓⵍⴰ ⵜⵉⴹⴼⵕⵉ ⵏ ⵓⵣⴷⴷⵓⵢ ⵏ ⵓⵎⵙⴰⵙⴰ ⵅⴼ ⴽⵔⴰ ⵢⴳⴰⵜ ⵉⵎⵔⵙⵉ ⴰⵙⵉⵏⵔⴰⵏ ⴷ ⴰⵏⵎⵏⴰⴹ ⴷ ⵉⴳⵔⴰⵖⵍⴰⵏ ⵏ ⴰⴱⵖⵓⵔ ⵉⵛⵛⴰⵔⵏ.

ⴳ ⵉⵔ ⴰⵎⴰⵔⵉⴽⴰⵏⵉ, ⵜⵣⵔⵉ ⵜⵉⴳⵉⵡⵔⵜ ⴰⴷ ⴳ ⵜⵉⵍⵉⵜ ⵏ ⵎⴰⵙⵙ ⴱⵉⵟ ⵊⵓⵏⵥ, ⴰⴷⵓ ⵉⵎⵉⵔⵉ ⵏ ⵓⵡⴰⵏⴽ, ⴷ ⵎⴰⵙⵙ ⴱⵔⵉⵎ ⴽⵓⵎⴰⵕ, ⴰⵏⵎⵀⴰⵍ ⵏ ⵍⵇⴱⵍⵜ ⵏ ⵜⵓⵥⵥⵓⵎⵜ ⴷ ⵉⴼⵕⵉⵇⵢⴰ ⵏ ⵉⵥⵥⵍⵎⴹ ⴳ ⵜⵉⴳⵎⵎⵉ ⵜⵓⵎⵍⵉⵍⵜ ⴷ ⴷⵉⵔⵉⴽ ⵛⵓⵍⵉ, ⴰⴷⵓ ⵉⵎⵉⵔⵉ ⵏ ⵓⵡⴰⵏⴽ ⵏ ⴰⵙⵢⴰ ⴷ ⵓⵏⴳⵔⴰⵢ.

ⴰⵎⵎⴰ ⴳ ⵉⵔ ⴰⵎⵖⵔⵉⴱⵉ, ⵜⵣⵔⵉ ⵜⵉⴳⵉⵡⵔⵜ ⴰⴷ ⴳ ⵜⵉⵍⵉⵜ ⵏ ⵎⴰⵙⵙ ⵜⴰⵢⵢⵉⴱ ⴼⴰⵙⵉ ⴼⵉⵀⵔⵉ, ⴰⵎⵛⵛⵉⵡⵕ ⵏ ⵓⴳⵍⵍⵉⴷ, ⴷ ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⴰⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ.

Dernière modification : 21 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B4%B3%E2%B5%89%E2%B5%A1%E2%B5%94%E2%B5%9C-%E2%B5%89%E2%B5%8E%E2%B5%89%E2%B5%94%E2%B5%89-%E2%B5%8F-%E2%B5%93%E2%B5%A1%E2%B4%B0%E2%B5%8F%E2%B4%BD-%E2%B5%8A%E2%B5%93%E2%B5%8F-%E2%B4%BD%E2%B5%89%E2%B5%94%E2%B5%89-%E2%B4%B7-%E2%B5%89%E2%B5%8E%E2%B5%89%E2%B5%94%E2%B5%89-%E2%B5%8F-%E2%B5%93%E2%B5%8E%E2%B5%A3%E2%B4%B0%E2%B5%A2#comment-0