Published on MAPNews (https://www.mapnews.ma/am)

Accueil > ⴼⴽⴰⵏ ⵉⵎⵖⵔⵉⴱⵉⵢⵏ ⵏ ⵎⴰⵔⵉⴽⴰⵏ ⵢⴰⵏ ⵓⵙⵏⵓⴱⴳ ⵉⵖⵓⴷⴰⵏ ⴰⵟⵟⴰⵚ ⵉ ⴱⴰⴱ ⵏ ⵡⴰⴷⴷⵓⵔ
  1. Accueil
  2. Activités royales

ⴼⴽⴰⵏ ⵉⵎⵖⵔⵉⴱⵉⵢⵏ ⵏ ⵎⴰⵔⵉⴽⴰⵏ ⵢⴰⵏ ⵓⵙⵏⵓⴱⴳ ⵉⵖⵓⴷⴰⵏ ⴰⵟⵟⴰⵚ ⵉ ⴱⴰⴱ ⵏ ⵡⴰⴷⴷⵓⵔ

20 ⵏⵓⵡⴰⵏⴱⵉⵔ 2013 Version Imprimable
ⵡⴰⵛⵉⵏⵟⵓⵏ - ⴼⴽⴰⵏ ⵉⵎⵖⵔⵉⴱⵉⵢⵏ ⵏ ⵎⴰⵔⵉⴽⴰⵏ ⵢⴰⵏ ⵓⵙⵏⵓⴱⴳ ⵉⴼⵓⵍⴽⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴼⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵙ ⵜⵖⵓⵔⵉ ⵏ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ ⴱⴰⵕⴰⴽ ⵓⴱⴰⵎⴰ, ⵢⴰⵏ ⵓⵙⵏⵓⴱⴳ ⵍⵍⵉ ⵢⵉⵣⵔⵉⵏ ⵖ ⵜⵓⵎⵔⵜ ⴷ ⵜⴼⵓⴳⵍⴰ.

ⵣⴳ ⵍⵍⵉⵖ ⵉⴳⴳⵯⵉⵣ ⵖ ⵜⴰⵢⵍⴰⵍⵜ, ⵜⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷ ⵏⴰⵟⴰⵍⵉ ⵊⵓⵏⵣ, ⵜⴰⵏⵙⵙⵉⵅⴼⵜ ⵏ ⵓⴱⵔⵓⵜⵓⴽⵓⵍ ⵏ ⵉⵡⵏⴰⴽⵏ ⵉⵎⵓⵏⵏ ⵏ ⵎⴰⵔⵉⴽⴰⵏ ⵓⵍⴰ ⵙⵓⵍ ⵉⵎⴰⴷⴷⵓⴷⵏ ⵉⵎⵖⵔⵉⴱⵉⵢⵏ ⵍⵍⵉ ⵢⵉⵣⵣⵓⵍ ⵙ ⵓⴼⵓⵙ ⵏⵏⵙ.

ⵜⵉⵎⴰⴹ ⵏ ⵉⵎⵖⵔⵉⴱⵉⵢⵏ ⵍⵍⵉ ⴷ ⵓⵛⴽⴰⵏⵉⵏ ⵖ ⵎⵏⵏⴰⵡ ⵜ ⵜⵙⴳⵉⵡⵉⵏ ⵏ ⵍⵎⴰⵔⵉⴽⴰⵏ ⴷ ⴽⴰⵏⴰⴹⴰ ⴰⴷ ⵉⴱⵉⴷⴷⵏ ⵖ ⵓⴱⵔⵉⴷ ⴰⴳⵍⴷⴰⵏ, ⵓⵙⵉⵏ ⵉⵛⵏⵢⴰⵍⵏ ⵏ ⵍⵎⵖⵔⵉⴱ ⴷ ⵎⴰⵔⵉⴽⴰⵏ ⴰⵙⵙⵉⵏ ⵜⵉⵡⴰⵍⴼⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵜⴰⵡⵊⴰ ⵜⴰⴳⵍⴷⴰⵏⵜ.

ⵏⵙⵙⵢⴰⴼⴰ ⵙ ⵡⴰⴷⴷⵓⵔ ⴰⴷ ⵏⵉⵍⵉ ⵖⵉⴷ ⴰⴼⴰⴷ ⴰⴷ ⵏⵙⵏⵓⴱⴳ ⴱⴰⴱ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵖⵎⴽⵍⵍⵉ ⵙ ⵉⵏⵏⴰ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⵎⴰⴷⴷⴰⵙⵜ ⵏ ⵜⴳⵔⴰⵡⵜ ⵜⴰⵎⵖⵔⵉⴱⵉⵜ ⵜⴰⵎⴰⵔⵉⴽⴰⵏⵉⵜ.

ⴰⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵔⵉⴽⴰⵏ ⴷⴰⵔⵙ ⵢⴰⵏ ⵓⵎⵏⴰⴷ ⴰⵎⵣⵔⴰⵢ. ⵡⴰⵛⵉⵏⵟⵓⵏ ⴰⵔ ⵜⵥⵕⵕⴰ ⵍⵎⵖⵔⵉⴱ ⵣⵓⴷ ⵢⴰⵏ ⵓⵎⵍⵓⵍⵍⵉ ⴰⵙⵜⵔⴰⵜⵉⵊⵉ , ⵙⵍⴰⵡⴰⵍ ⴰⴽⴽⵯ ⵖ ⵜⵙⴳⵉⵡⵉⵏ ⵏ ⵜⴷⴰⵎⵙⴰ, ⵜⴰⵙⵔⵜⵉⵜ ⴷ ⵜⵏⴼⵔⵓⵜ, ⵖⵎⴽⵍⵍⵉ ⵙ ⴰⴱⵓⴱⴰⴽⵔ ⴰⴱⵉⵚⵓⵕⵓⵕ, ⵍⵍⵉ ⵢⵉⵙⴽⵔⵏ ⵜⵉⵏⵎⵍ ⵏ « ⵉⴱⵏ ⵅⴰⵍⴷⵓⵏ ⴰⴽⴰⴷⵉⵎⵉ » ⵉⵍⵍⴰⵏ ⵖ ⵡⴰⵛⵉⵏⵟⵓⵏ.

ⵖ ⵓⵙⴰⵜⵉ ⵢⴰⴷ, ⵉⵏⵏⴰ ⴷⴰⵀⴰⵏ ⵛⴰⵔⵍ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵢⵏⵜ ⵏ ⵜⴼⵉⴷⵉⵔⴰⵍⵉⵜ ⵜⵓⴷⴰⵢⵜ ⵜⴰⵎⵖⵔⵉⴱⵉⵜⵎⴰⵙ ⵉⴳⴰ ⵓⵔⵣⴰⴼ ⴰⴷ ⴰⵎⵙⴷⴷⵓⵔ ⴱⴰⵀⵔⴰ, ⵅⴼ ⵓⵙⴷⵓⴷ ⵏ ⵓⵎⵢⴰⵡⴰⵙ ⵉⵥⵍⵉⵏ ⴳⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ.

Dernière modification : 20 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B4%BC%E2%B4%BD%E2%B4%B0%E2%B5%8F-%E2%B5%89%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%8F-%E2%B5%8F-%E2%B5%8E%E2%B4%B0%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B4%B0%E2%B5%9F%E2%B5%9F%E2%B4%B0%E2%B5%9A-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94#comment-0