ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵥⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵕⵕⵃⵎⴰ ⴳ ⴼⴰⵙ

15 ⵏⵓⵡⴰⵏⴱⵉⵔ 2013 Version Imprimable

ⴼⴰⵙ - ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ,ⴰⴷ ⵜ ⵉⵏⵚⵕ ⵕⴱⴱⵉ ⵜⴰⵥⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵕⵕⵃⵎⴰ ⴳ ⵜⵎⴷⵉⵏⵜ ⵏ ⴼⴰⵙ.

ⵉⵏⵏⴰ ⵍⵉⵎⴰⵎ ⴳ ⵜⵉⵏⴰⵡⵜ ⵏⵏⵙ ⵎⴰⵙ ⵉⴱⴷⴷ ⵓⵙⴳⴷ ⵏ ⵍⵉⵙⵍⴰⵎ ⵅⴼ ⵜⵉⵙⵓⵏⴰⴳ ⵖⵓⴷⴰⵏⵉⵏ ⴷ ⵜ ⴱⴷⴰⴷⵜ ⴷ ⵜⴰⵡⵍⵍⵓⵖⵜ ⴳⵔ ⵉⵎⵓⵙⵍⵎⵏ .

ⴳ ⵓⵙⴰⵜⵉ ⴰⴷ ⵉⵙⴷⴷⵉⴷ ⵍⵉⵎⴰⵎ ⵎⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵏⴼⴰ ⵉ ⵢⵓⴼⴳⴰⵏ ⵙⵍⴰⵡⴰⵏ ⴰⴽⴽⵯ ⵉⵎⵄⴹⵓⵕⵏ ⵖⵎⴽⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⴷⴰⵜ ⵏ ⵎⵏⵏⴰⵡ ⵡⵓⵙⵙⴰⵏ ⴳ ⵎⴽⵏⴰⵙ ⴰⵎⵣⵉⵣⵣⵍ ⴰⵏⴰⵎⵓⵔ ⵡⵉⵙⵙ 16 ⵏ ⵜⵉⵡⵉⵣⵉ.

ⵉⵙⵙⴽⵜⵉ ⵍⵉⵎⴰⵎ ⵎⴰⵙ ⵉⵙⵙⴼⵓⴳⵍⴰ ⵍⵎⵖⵔⵉⴱ ⴳ 6 ⵏⵓⵡⵏⴱⵉⵔ ⵜⴰⵎⴽⵜⵉⵜ ⵜⵉⵙⵙ 38 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵖⵎⴽⵍⵍⵉ ⴰⵔ ⵉⵙⵙⵉⵡⵊⵉⴷ ⵉ ⵢⵓⵙⴽⵜⵉ ⵏ ⵜⵙⵉⵎⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 15 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%95%E2%B5%95%E2%B5%83%E2%B5%8E%E2%B4%B0-%E2%B4%B3-%E2%B4%BC%E2%B4%B0%E2%B5%99#comment-0