ⴼⴰⵙ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⵢⵢⴰⵡ ⴰⵏⵎⵏⴰⴹ ⵏ ⵓⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵄⴹⵓⵕⵏ

13 ⵏⵓⵡⴰⵏⴱⵉⵔ 2013 Version Imprimable

ⴼⴰⵙ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⴼⴰⵙ, ⴰⵢⵢⴰⵡ ⴰⵏⵎⵏⴰⴹ ⵏ ⵓⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵉⵎⵄⴹⵓⵕⵏ, ⵎⴰⵢⴰⴷ ⵉⴳⴰⵏ ⵢⴰⵏ ⵓⵙⵏⵜⵉ ⵍⵍⵉ ⵢⵎⵍⴰⵏ ⵜⵉⵔⴰⵜ ⵜⴰⵎⵖⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵉⵙⴼⵍⵙ ⵜⴰⵙⵏⴳⴰⴷⴷⴰⵢⵜ ⵉ ⴽⵔⴰ ⵢⴳⴰⵜ ⵢⴰⵏ, ⵙⵍⴰⵡⴰⵏ ⴰⴽⴽⵯ ⵉⴼⴳⴰⵏⵏ ⵉⵟⵟⴰⴼⵏ ⵉⵙⵙⴰⵔⵏ ⵉⵥⵍⵉⵏⵉⵏ.

ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴰⴷ ⵉⵙⴽⵔⵏ ⴰⵙⵏⵜⵉ ⴰⵎⴰⵢⵏⵓ ⴰⴷ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 22 ⵓⵎⵍⵢⵓⵏ ⵏ ⴷⴷⵔⵀⵎ. ⴼ ⵖⵉⴽⴰⵏⵏ, ⵔⴰⴷ ⵜⵟⵟⴼ ⵜⵙⴳⴰ ⵏ ⴼⴰⵙ ⴱⵓⵍⵎⴰⵏ ⵢⴰⵏ ⵓⵙⴰⵢⵔⴰⵔ ⵉⴼⵓⵍⴽⵉⵏ ⵏ ⵓⵙⵙⵓⵜⵉ ⴰⵙⴰⴼⴰⵔ ⴷ ⴰⵏⴰⵎⵓⵏ ⴷ ⴰⵙⴳⵎⵉ ⵏ ⵉⴼⴳⴰⵏ ⵍⵍⵉ ⴷⴰⵔ ⴰⵎⵎⵓⵄⴹⵕ ⴰⴽⵎⴰⵎ ⵏⵖⴷ ⴰⵏⵢⴰⵎⴰⵏ.

ⵉⴳⴰ ⵓⵎⵎⴰⵙ ⴰⴷ ⵉⵔⵡⴰⵙ ⵡⵉⵍⵍⵉ ⵍⵍⴰⵏⵉⵏ ⴳ ⴰⵙⴼⵉ ⴷ ⵎⵕⵕⴰⴽⵛ ⴷ ⵡⵊⴷⴰ ⵢⴰⵏ ⵓⵙⴰⵜⵉ ⵍⵍⵉ ⵔⴰⴷ ⵉⵙⵎⵓⵏ ⵉⵎⵓⵙⵙⵓⵜⵏ ⵏ ⵜⵎⵙⵎⵓⵏⵉⵏ ⴰⴼⴰⴷ ⴰⴷ ⴰⵡⵙⵏⵜ ⵉ ⵢⵉⴼⴳⴰⵏ ⵍⵍⵉ ⵍⵍⴰⵏⵉⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ .
ⵉⵜⵜⵓⵚⴽⴰ ⵓⵎⵎⴰⵙ ⴰⴷ ⴳ 8000 ⵎ2. ⴳⵉⵙ ⵙⵍⴰⵡⴰⵏ ⴰⴽⴽⵯ 5 ⵉⴳⵊⴷ ⵥⵍⵉⵏ ⵙ ⵜⵓⵏⵏⵓⵏⵜ ⴷ ⵓⵙⵓⵊⵊⵉ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵜⴰⵣⴷⵖⵜ .

ⴰⵙⵏⵜⵉ ⴰⴷ ⵍⵍⵉ ⵉⴳⴰⵏ ⵜⴰⵢⴰⴼⵓⵜ ⴳⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⵏⴰⴼⴳⴰⵏⵜ ⴷ ⵓⵙⵇⵇⵉⵎ ⵏ ⵜⵎⴷⵉⵏⵜ ⵏ ⴼⴰⵙ ⴰⵔ ⵉⵎⵎⴰⵍ ⵜⴰⵡⵓⵔⵉ ⵍⵍⵉ ⵜⵙⴽⴰⵔ ⵜⵎⵔⵙⵍⵜ ⴳ ⵜⵙⴳⴰ ⵏ ⴼⴰⵙ ⴱⵓⵍⵎⴰⵏ .

ⵙ ⵓⵣⵎⵣⵣⵓ ⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⵙⴰⵜⵉⵏ ⵏ ⵓⵢⵢⴰⵡ ⴰⵏⵎⵏⴰⴹ ⵏ ⵓⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚⵏ ⵉⵎⵄⴹⵓⵕⵏ.

Dernière modification : 13 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B4%BC%E2%B4%B0%E2%B5%99-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%A2%E2%B5%A2%E2%B4%B0%E2%B5%A1-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%8F-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%8F-%E2%B5%89%E2%B5%8E%E2%B5%84%E2%B4%B9%E2%B5%93%E2%B5%95%E2%B5%8F#comment-0