Published on MAPNews (https://www.mapnews.ma/am)

Accueil > ⴰⵔⵣⴰⴼ ⴰⴳⵍⴷⴰⵏ ⵉ ⵎⴽⵏⴰⵙ : ⵢⴰⵜ ⵜⴰⴳⵏⴰ ⵉⴳⴷⵓⴷⵏ ⵉ ⵢⵙⵏⵜⵉⵏ ⴷ ⵉⵖⴰⵡⴰⵙⵏ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ
  1. Accueil
  2. Activités royales

ⴰⵔⵣⴰⴼ ⴰⴳⵍⴷⴰⵏ ⵉ ⵎⴽⵏⴰⵙ : ⵢⴰⵜ ⵜⴰⴳⵏⴰ ⵉⴳⴷⵓⴷⵏ ⵉ ⵢⵙⵏⵜⵉⵏ ⴷ ⵉⵖⴰⵡⴰⵙⵏ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ

11 ⵏⵓⵡⴰⵏⴱⵉⵔ 2013 Version Imprimable
ⵎⴽⵏⴰⵙ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵎⴽⵏⴰⵙ, ⵢⴰⵏ ⵓⵎⵎⴰⵙ ⵏ ⵓⵙⵎⵓⵜⵜⴳ ⴷ ⴰⵙⵎⵓⵙⵙⵓ ⵏ ⵜⵎⵙⵎⵓⵏⵉⵏ ⴷ ⵉⵕⵥⵎ ⵜⵡⵓⵔⵉⵡⵉⵏ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⴷ ⵓⵏⵏⴰⵍ ⵏ ⵓⵙⵡⵓⵔⵉ ⴰⵢⵉⵎⴰⵏ ⵅⴼ ⵜⵉⵣⵣⵓⵍⵉⵏ ⵏ ⵜⵓⵚⴽⴰ, ⵎⴰⵢⴰⴷ ⵉⴼⴽⴰⵏ ⵢⴰⵜ ⵜⴰⴳⵏⴰ ⵉⴳⴷⵓⴷⵏ ⵉ ⵢⵙⵏⵜⵉⵏ ⴷ ⵉⵖⴰⵡⴰⵙⵏ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ.

ⵅ ⵖⵉⴽⴰⵏⵏ, ⵉⵜⵜⴰⵡⵙⴽⴰⵔ ⴰⵎⵎⴰⵙ ⵏ ⵓⵙⵎⵓⵜⵜⴳ ⴷ ⴰⵙⵎⵓⵙⵙⵓ ⵏ ⵜⵎⵙⵎⵓⵏⵉⵏ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 4,5 ⴰⵎⵍⵢⵓⵏ ⵏ ⴷⴷⵔⵀⵎ ⴰⴼⴰⴷ ⴰⴷ ⵉⵙⴷⵓⵙ ⵜⴰⵙⵓⴳⵔⵉⵏ ⵏ ⵉⵎⵙⵎⵓⵏⵏ ⵉⴷⵖⵔⴰⵏ ⴷ ⵜⵉⵎⵢⴰⵡⴰⵙⵉⵏ ⵏ ⵜⵙⴳⴰ ⵏ ⵎⴽⵏⴰⵙ - ⵜⴰⴼⵉⵍⴰⵍⵜ ⴷ ⴰⴷ ⵉⵎⵓⵏ ⴷ ⵜⵉⵎⵙⵎⵓⵏⵉⵏ ⴷ ⵜⵉⵎⵢⴰⵡⴰⵙⵉⵏ ⵍⵍⵉ ⴱⵃⵔⴰ ⵢⵜⵜⴰⵡⵙⴽⴰⵔⵏ.

ⵉⵔⴰ ⵙⵓⵍ ⵓⵎⵎⴰⵙ ⴰⴷ, ⵍⵍⵉ ⵢⵜⵜⵓⴱⵏⴰⵏ ⴳ ⵢⴰⵏ ⵓⴱⴰⵔⴰⵣ ⵏ 1.613 ⴰⵎⵉⵜⵔⵓ ⴰⵎⴽⴽⵓⵥ, ⴰⴷ ⵉⵙⵖⵉⵡⵙ ⴰⵎⵓⵙⵙⵓ ⴰⵎⵙⵎⵓⵏ.

ⴰⵎⵎⴰ ⵡⵖⴰⵡⴰⵙ ⵏ ⵓⵙⵎⵓⵜⵜⴳ ⴷ ⵓⵏⵏⴰⵍ ⵉ ⵡⵙⵡⵓⵔⵉ ⴰⵢⵉⵎⴰⵏ ⴳ ⵜⵣⵣⵓⵍⵉⵏ ⵏ ⵜⵓⵚⴽⴰ, ⵉⵔⴰ ⴰⴷ ⵉⵙⵏⴰⵍ ⵜⵉⵙⵏⵜⴰⵢⵉⵏ ⵏ ⵉⴳⵜⵓⴳⵏ ⵉⵜⵜⵎⵖⴰⵢⵏ ⵏ ⵉⵎⵎⴰⵙⵏ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⵜⴰⵏⴽⵔⴰ ⵙ ⵓⵙⵡⵓⵔⵉ ⴰⵢⵉⵎⴰⵏ, ⴷ ⴰⵙⴱⴷⴷⵉ ⵏ ⵜⵔⵡⵓⵔⵉ, ⴷ ⴰⵙⵉⴷⴼ ⴰⵏⴰⵎⵓⵎⵏ ⴷ ⴰⵣⵣⵓⵍⴰⵏ ⵏ ⵉⴳⵜⵓⴳⵏ ⵉⵜⵜⵎⵖⴰⵢⵏ ⵍⵍⵉ ⵢⵓⵛⴽⴰⵏ ⵙⴳ ⵜⵉⵡⴰⵛⵓⵏⵉⵏ ⵉⵥⵍⴰⴹⵏⵉⵏ.

ⵔⴰⴷ ⵉⵜⵜⴰⵡⵙⴽⴰⵔ ⴰⵖⴰⵡⴰⵙ ⴰⴷ (2013-2016) ⴳ ⴽⵕⴰⴹ ⵏ ⵜⴽⵍⴰⵢ ⴳ ⵜⵙⴳⴰ ⵏ ⵎⴽⵏⴰⵙ ⵜⴰⴼⵉⵍⴰⵍⵜ (ⵜⵉⴽⵍⵉ ⵜⴰⵎⵣⵡⴰⵔⵓⵜ) ⴷ ⴹⴹⴰⵕⵍⴱⵉⴹⴰ ⵜⴰⵎⵇⵔⴰⵏⵜ ⴷ ⴼⴰⵙ ⴱⵓⵍⵎⴰⵏ. ⵜⵙⵎⴰⵏ ⵜⵉⴽⵍⵉ ⵜⴰⵎⵣⵡⴰⵔⵓⵜ ⵏ ⵓⵖⴰⵡⴰⵙ ⴰⴷ ⵢⴰⵏ ⵓⵖⴰⵡⴰⵙ ⵏ 6,227 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ ⴷ ⵔⴰⴷ ⴳⵉⵜ ⵙⵙⴱⵖⵔⵏ 100 ⵉⴳⵜⵓⴳⵏ ⵉⵜⵜⵎⵖⴰⵢⵏ ⵏ ⵉⵎⵎⴰⵙⵏ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵉⴳⵔ ⵏ ⵜⵓⵚⴽⴰ ⵍⵍⵉ ⵢⵉⵡⵉⵏ ⵢⴰⵏ ⵓⵙⵏⵜⵉ ⵏ ⵓⵙⵉⴷⴼ ⴰⵢⵉⵎⴰⵏ.

ⴰⴽⵓⴷ ⴰⴷ ⴰⵎⵣⵡⴰⵔⵓ ⵉⵍⵍⴰ ⴷⵉⴳⵙ ⵡⴰⵎⵎⴰⵍ ⴷ ⵜⴳⵔⵉ ⵏ ⵉⵙⵏⵜⴰ ⵍⵍⵉ ⴼⴽⴰⵏ ⵉⵏⵍⵎⴰⴷ ⴷ ⵓⵙⵎⵓⵜⵜⴳ ⵏ ⵎⵉⴷⴷⵏ ⵏ ⵓⵡⵜⵜⴰⵙ ⴷ ⵜⵉⴽⴽⵉ ⵏ ⵉⵎⴰⵜⵜⵉⵡⵏ ⴱⵜⴱ (5,517 ⵏ ⵓⵎⵍⵢⵓⵏ ⵏ ⴷⴷⵔⵀⵎ), ⴰⵙⵏⴰⵍ ⴰⵥⵕⴼⴰⵏ ⴷ ⵓⵙⵔⵓⵙ ⵍⴱⴷⵓ ⵏ ⵉⵎⵓⵙⵙⵓⵜⵏ ⴰⴷ ( 500.000 ⵏ ⴷⴷⵔⵀⵎ) ⵓⵍⴰ ⵙⵓⵍ ⴰⴹⴼⵕ ⵏ ⵓⵎⵢⵡⴰⵙⵏ ⵍⵍⵉ ⵔⴰⴷ ⵉⵙⴽⵔ ⵜⵉⴳⵎⵉ ⵏ ⵉⵙⵏⵜⴰ ⵏⵏⵙⵏ (200.000 ⵏ ⴷⴷⵔⵀⵎ).

ⵜⵓⵚⴽⴰ ⵏ ⵜⴽⵍⵉ ⵢⴰⴷ ⵜⴰⵎⵣⵡⴰⵔⵓⵜ ⵜⴳⴰ ⴰⵙⵙⴰⵔⵓ ⵏ ⵢⴰⵏ ⵓⵎⵢⴰⵡⴰⵙ ⴳⵔ ⵜⵎⵔⵙⵍⵜⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵜⵡⵉⵣⵉ ⴷ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵜⵏⴽⵔⴰ ⵙ ⵜⵡⵓⵔⵉ ⴷ ⵡⴰⵎⵎⴰⵙⵏ ⴰⴹⵏⵉⵏ.

ⵙ ⵓⵣⵎⵓⵣⵣⵉ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵎⴰⵜⵜⵉⵡⵏ ⴱⵜⴱ ⵉ 100 ⵏ ⵓⵄⵔⵔⵉⵎ ⵍⵍⵉ ⵢⵉⵖⵔⴰⵏ ⵖ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵏ ⵜⵙⴳⴰ ⵏ ⵎⴽⵏⴰⵙ ⵜⴰⴼⵉⵍⴰⵍⵜ ⵍⵍⵉ ⵢⵉⵜⵜⵓⵙⵜⴰⵢⵏ ⵖ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵙⴳⵉⵡⵉⵏ ⵏ ⵏ ⵕⵕⴰⵛⵉⴷⵉⵢⴰ, ⵅⵏⵉⴼⵔⴰ, ⵎⵉⴷⵍⵜ ⴷⵎⴽⵏⴰⵙ.
 

Dernière modification : 11 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89-%E2%B5%8E%E2%B4%BD%E2%B5%8F%E2%B4%B0%E2%B5%99-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%B3%E2%B5%8F%E2%B4%B0-%E2%B5%89%E2%B4%B3%E2%B4%B7%E2%B5%93%E2%B4%B7%E2%B5%8F-%E2%B5%89-%E2%B5%A2%E2%B5%99%E2%B5%8F%E2%B5%9C%E2%B5%89%E2%B5%8F-%E2%B4%B7-%E2%B5%89%E2%B5%96%E2%B4%B0%E2%B5%A1%E2%B4%B0%E2%B5%99%E2%B5%8F-%E2%B5%8F-%E2%B5%9C%E2%B5%89%E2%B5%8E%E2%B5%94%E2%B5%99%E2%B5%8D%E2%B5%9C-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99#comment-0