ⴰⵕⵥⵥⵓⵎ ⴳ ⵎⴽⵏⴰⵙ ⵏ ⵓⵎⵣⵉⵣⵣⵍ ⴰⵏⴰⵎⵓⵔ ⵡⵉⵙⵙ 16 ⵏ ⵜⵉⵡⵉⵣⵉ : ⴰⵙⵓⵖⵍ ⴰⴳⵍⴷⴰⵏ ⴰⵎⵖⵍⴰⵍ ⵙ ⵜⵏⴽⵔⴰ ⵙ ⵉⵜⵉⴳⵏ ⵖⵓⴷⴰⵏⵉⵏ ⵏ ⵜⴳⵍⴷⵉⵜ

09 ⵏⵓⵡⴰⵏⴱⵉⵔ 2013 Version Imprimable

ⵎⴽⵏⴰⵙ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵎⴽⵏⴰⵙ ⴰⵎⵣⵉⵣⵣⵍ ⴰⵏⴰⵎⵓⵔ ⵡⵉⵙⵙ 16 ⵏ ⵜⵉⵡⵉⵣⵉ.

ⵎⴰⵢⴰⴷ ⴰⵔ ⵉⵎⵎⴰⵍ ⴰⵙⵓⵖⵍ ⴰⴳⵍⴷⴰⵏ ⴰⵎⵖⵍⴰⵍ ⵙ ⵜⵏⴽⵔⴰ ⵙ ⵉⵜⵉⴳⵏ ⵉⵏⴼⴳⴰⵏⵏ ⴷ ⵜⵖⵓⵔⵎⴰ ⴷ ⵓⵙⴳⴷ ⵏ ⵜⴳⵍⴷⵉⵜ.

ⴰⵎⵣⵉⵣⵣⵍ ⴰⴷ ⵍⵍⵉ ⵉⴳⴰⵏ ⵓⵏⵎⵓⵇⵇⴰⵔ ⴰⵙⴳⵯⵙⴰⵏ ⵉⵔⴰ ⴰⴷ ⵉⵙⵙⴷⵓⵙ ⵉ ⵜⵡⵉⵣⵉ ⴳⵔ ⵉⴼⵔⴷⵉⵙⵏ ⵏ ⵓⵎⵓⵏ ⴰⵎⵖⵔⵉⴱⵉⵢ ⵜⵙⵏⴰⵎⴰⵍⴰⵜ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵉⵡⵉⵣⵉ ⵙⴳ 9 ⴰⴷ 17 ⵏⵓⵡⴰⵏⴱⵉⵔ ⵅⴼ ⵜⴰⵎⴰⵜⴰⵔⵜ « ⴰⵏⵎⵓⵏ ⴰⴼⴰⴷ ⴰⴷ ⵏⴰⵡⵙ ⵉ ⵢⵉⵎⵥⵍⴰⴹⵏ ».

ⵉⵔⴰ ⵓⵎⵣⵉⵣⵣⵍ ⴰⴷ ⵓⵍⴰ ⴰⴷ ⵉⵙⵎⵓⵏ ⵉⵇⴰⵕⵉⴹⵏ ⵉⵇⴰⵕⵉⴹⵏ ⴰⴼⴰⴷ ⴰⴷ ⵜⵜⵓⵙⴽⴰⵔⵏ ⵉⵙⵏⵜⴰ ⵉⵏⴰⵎⵓⵏⵏ ⴷ ⵜⵙⵏⵙⵉ ⵏ ⵉⵖⴰⵡⴰⵙⵏ ⵍⵍⵉ ⴳⴳⵯⵓⵜⵏⵉⵏ ⵉⵙⴳⴳⴰⵙⵏ ⴰⴷ ⵍⵍⵉ ⵣⵔⵉⵏⵉⵏ ⵍⵍⵉⵖ ⵖⵉⵏ ⵉⴼⴳⴰⵏ ⵉⴱⵖⵓⵔⵏ.

ⵙ ⵓⵣⵎⵣⵣⵓ ⴰⴷ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴷ ⵉ ⵉⵏⵚⵕ ⵕⴱⴱⵉ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴳ ⵜⵉⵣⵣⵓⵍⵉⵏ ⵏ ⵜⵓⵚⴽⴰ .ⴰⵙⵏⵜⵉ ⴰⴷ ⵔⴰⴷ ⵢⴰⵡⵙ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵓⵜⵜⴳ ⵏ ⵜⵉⵄⵄⵓⵔⵎⴰ ⴳ ⵜⵙⴳⴰ ⵏ ⵎⴽⵏⴰⵙ ⵜⴰⴼⵉⵍⴰⵍⵜ.

ⴰⵎⵎⴰⵙ ⴰⴷ ⵍⵍⵉ ⵉⵔⵡⴰⵙⵏ ⵣⵓⵏⴷ ⵡⵉⵍⵍⵉ ⵍⵍⴰⵏⵉⵏ ⴳ ⴹⴹⴰⵕⵍⴱⵉⴹⴰ ⴷ ⵎⵕⵕⴰⴽⵛ ⵉⵥⴹⴰⵕ ⴰⴷ ⵢⴰⵙⵉ 1000 ⵏ ⵉⵏⵍⵎⴰⴷⵏ.ⵉⵜⵜⵓⴼⴽⴰ ⵉ ⵓⵙⵏⵜⵉ ⴰⴷ ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵉⵡⵉⵣⵉ ⴷ ⵎⵏⵏⴰⵡ ⵉⵎⴷⵔⴰⵡⵏ ⵢⴰⵏ ⵓⵙⵙⴰⵔⵓ ⵍⵍⵉ ⵉⵍⴽⵎⵏ 19.5 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ.

Dernière modification : 09 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B3-%E2%B5%8E%E2%B4%BD%E2%B5%8F%E2%B4%B0%E2%B5%99-%E2%B5%8F-%E2%B5%93%E2%B5%8E%E2%B5%A3%E2%B5%89%E2%B5%A3%E2%B5%A3%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%A1%E2%B5%89%E2%B5%99%E2%B5%99-16-%E2%B5%8F-%E2%B5%9C%E2%B5%89%E2%B5%A1%E2%B5%89%E2%B5%A3%E2%B5%89-%E2%B4%B0%E2%B5%99%E2%B5%93%E2%B5%96%E2%B5%8D-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B4%B0%E2%B5%8E%E2%B5%96%E2%B5%8D%E2%B4%B0%E2%B5%8D-%E2%B5%99-%E2%B5%9C%E2%B5%8F%E2%B4%BD%E2%B5%94%E2%B4%B0-%E2%B5%99#comment-0