ⵔⴰⴷ ⵉⵙⴽⵔ ⵓⴳⵍⵍⵉⴷ ⴰⵙⵙ ⵏ 22 ⵏⵓⵡⴰⵏⴱⵉⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵢⵡⴰⵏⴽⵏ ⵉⵎⵓⵏⵏ ⵏ ⵎⵉⵔⵉⴽⴰⵏ

08 ⵏⵓⵡⴰⵏⴱⵉⵔ 2013 Version Imprimable

ⵕⵕⴱⴰⵟ - ⵔⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ 22 ⵏⵓⵡⴰⵏⴱⵉⵔ 2013, ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵢⵡⴰⵏⴽⵏ ⵉⵎⵓⵏⵏ ⵏ ⵎⵉⵔⵉⴽⴰⵏ, ⴷⴼⴼⵉⵔ ⵏ ⵜⵖⵓⵔⵉ ⵏ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ, ⵎⴰⵙⵙ ⴱⴰⵕⴰⴽ ⵓⴱⴰⵎⴰ, ⵎⴰⵢⴰⴷ ⴰⴷ ⵉⵏⵏⴰ ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵓⵙⵉⵡⴹ ⵏ ⵓⵎⵙⵙⵉⵡⵍ ⵙ ⵢⵉⵙⵎ ⵏ ⵜⴳⴰⴷⵉⵔⵜ.

ⴰⵎⵎⴰⵙ ⵏ ⵓⵔⵣⴰⴼ ⴰⴷ, ⵔⴰⴷ ⵉⵙⵏⵓⴱⴳ ⵓⵏⵙⵙⵉⵅⴼ ⵎⴰⵙⵙ ⵓⴱⴰⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ ⴳ ⵜⴷⴷⴰⵔⵜ ⵜⵓⵎⵍⵉⵍⵜ ⴳ ⵡⴰⵛⵉⵏⵟⵓⵏ.

ⴰⵔⵣⴰⴼ ⴰⴷ ⵜⵓⵛⴽⴰⴷ ⴰⴼⴰⴷ ⴰⴷ ⵙⴷⵓⵙⵏ ⵉⵣⴷⴰⵢⵏ ⵉⵎⵣⵔⴰⵢⵏ ⴷ ⵜⵉⵙⵟⵕⴰⵜⵉⵊⵉⵢⵏ ⵍⵍⵉ ⵢⵙⵎⴰⵏⵏ ⵜⵉⵎⵉⵣⴰⵔ ⴰⴷ ⴳ ⵓⴳⴳⵯⴰⵔ ⵏ ⵙⵏⴰⵜ ⵏ ⵜⵉⵙⵓⵜⵉⵏ.

ⴰⵔⵣⴰⴼ ⴰⴷ ⴰⵔ ⵢⴰⴽⴽⴰ ⵉ ⵢⵉⵏⵙⵙⵉⵅⴼⵏ ⵏ ⵜⵎⵓⵔⴰ ⵢⴰⴷ ⴰⵣⵎⵓⵣⵣⵓ ⴰⴷ ⵙⴰⵡⵍⵏ ⵅⴼ ⵉⵙⵇⵙⵉⵜⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⵉⵛⵛⴰⵔⵏ ⴰⴼⴰⴷ ⴰⴷ ⵢⵉⵍⵉ ⵓⵎⵢⴰⵡⴰⵙ ⴷ ⴰⴷ ⵜⵜⵓⵙⴽⵉⵔⵏⵜ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵢⴰⴼ ⵉⴼⵙⵙⴰⵢⵏ ⵉ ⵜⵏⵥⵕⵉⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵏ ⵉⵥⵥⵍⵎⴹ ⴷ ⵡⵉⵏ ⵓⵙⴱⴷⴷⵉ ⵏ ⵓⴱⵔⵙⵉⵡⴷ.

Dernière modification : 08 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%94%E2%B4%B0%E2%B4%B7-%E2%B5%89%E2%B5%99%E2%B4%BD%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%99%E2%B5%99-%E2%B5%8F-22-%E2%B5%8F%E2%B5%93%E2%B5%A1%E2%B4%B0%E2%B5%8F%E2%B4%B1%E2%B5%89%E2%B5%94-%E2%B5%A2%E2%B4%B0%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%89-%E2%B5%A2%E2%B5%A1%E2%B4%B0%E2%B5%8F%E2%B4%BD%E2%B5%8F-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%8F-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F#comment-0