Published on MAPNews (https://www.mapnews.ma/am)

Accueil > ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⴰⵍ ⵎⵓⵃⵎⵎⴰⴷⵉ ⴳ ⵕⵕⴱⴰⵟ ⴷ ⵉⵙⵏⵓⴱⴳ ⴰⵎⴰⵡⵙⴰⵙ ⴰⵎⴰⵔⵉ ⴰⵎⴰⵍⵉ ⵏ ⵜⵎⵙⴰⵔⵉⵏ ⵉⵙⴳⴷⵏ
  1. Accueil
  2. Activités royales

ⵉⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⴰⵍ ⵎⵓⵃⵎⵎⴰⴷⵉ ⴳ ⵕⵕⴱⴰⵟ ⴷ ⵉⵙⵏⵓⴱⴳ ⴰⵎⴰⵡⵙⴰⵙ ⴰⵎⴰⵔⵉ ⴰⵎⴰⵍⵉ ⵏ ⵜⵎⵙⴰⵔⵉⵏ ⵉⵙⴳⴷⵏ

08 ⵏⵓⵡⴰⵏⴱⵉⵔ 2013 Version Imprimable
ⵕⵕⴱⴰⵟ - ⵉⵥⵓⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵏ ⴰⵍ ⵎⵓⵃⵎⵎⴰⴷⵉ ⴳ ⵕⵕⴱⴰⵟ, ⵙ ⵜⵉⵍⵉⵜ ⵏ ⵓⵎⴰⵡⵙⴰⵙ ⴰⵎⴰⵔⵉ ⴰⵎⴰⵍⵉ ⵏ ⵜⵎⵙⴰⵔⵉⵏ ⵉⵙⴳⴷⵏ, ⵜⵢⵉⵔⵏⵓ ⴰⵎⴰⴷⵓ ⵄⵓⵎⴰⵕ ⵀⴰⵚ ⴷⵢⴰⵍⵓ.

ⴰⵎⵎⴰⵙ ⵏ ⵉⵏⴰⵡ ⵏⵏⵙ, ⵉⵙⵙⴽⵜⵉ ⵍⵉⵎⴰⵎ ⵉⵙ ⵜⵙⴼⴼⵓⴳⵍ ⵜⵎⵜⵜⵉ ⵜⴰⵎⵓⵙⵍⵎⵜ, ⵎⵏⵏⴰⵡ ⵏ ⵉⵡⴰⵙⵙⵏ ⵢⴰⴷ, ⴰⵙⴳⴳⵯⴰⵙ ⴰⵀⵉⵊⵔⵉ ⴰⵎⴰⵢⵏⵓ,  ⵎⴰⵢⴰⴷ ⵉⴳⴰⵏ ⵢⴰⵜ ⵜⵎⵙⴰⵔⵜ ⵍⵍⵉ ⵉⵣⵓⵣⵣⵔⵏ ⴰⵙⴳⴷ ⴰⵎⴰⵢⵏⵓ ⴷ ⵜⵓⵣⵉⵏⵜ ⵏ ⵕⴱⴱⵉ ⵍⵍⵉ ⴽⵓⵍⵍⵓ ⵓⴳⴳⵯⵔⴰⵏ ⴷ ⵍⵍⵉ ⵢⵉⵡⵉ ⵉⵜⵍⵉ ⵏ ⵔⵔⵓⵙⵓⵍ, ⵙⵉⴷⵏⴰ ⵎⵓⵃⴰⵎⵎⴰⴷ,  ⴰⴷ ⴼ ⵍⵍⴰ ⵏ ⵜ ⵉⵍⵉⵏ ⵜⵓⵜⵔⴰ ⴷ ⴰⵣⵓⵍ.

ⵉⴳⴰ ⵡⴳⵓⵔ ⵏ ⵕⵕⴰⵙⵓⵍ ⵙⵉⴷⵏⴰ ⵎⵓⵃⵎⵎⴷ ⵙ ⵎⴽⴽⴰ ⵢⴰⵜ ⵜⵎⵙⴰⵔⵜ ⵜⴰⵎⵣⵔⴰⵢⵜ ⵍⵍⵉ ⵉⵣⵣⵔⵉⵏ ⵜⵉⴼⴼⵓⴳⵏⴰ ⵙ  ⵜⵉⴷⴷⵜ ⴷ ⵓⵙⵔⵓⵙ ⵏ ⵜⵖⵔⵎⴰ ⴷ ⵜⵓⵎⵔⵜ ⵏ ⵎⴷⴷⵏ ⴷ ⴰⵎⵢⴰⵡⴰⵙ ⴷ ⵓⵎⵢⴰⵡⴰⵙ, ⵎⴰⵢⴰⴷ ⴰⴷ ⵉⵏⵏⴰ ⵍⵉⵎⴰⵎ.

ⵉⵔⵏⵓ ⵢⵏⵏⴰ ⵍⵉⵎⴰⵎ ⵉⵙ ⵜⴳⴰ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⵉ ⵢⵍⵍⴰⵏ ⴰⵙⵙ ⵏ 06 ⵏⵓⵡⴰⵏⴱⵉⵔ, ⵢⴰⵜ ⵜⵎⵙⴰⵔⵜ ⵜⴰⵎⵇⵔⴰⵏⵜ ⵏ ⵓⵎⵣⵔⵓⵢ ⵏ ⵍⵎⵖⵔⵉⴱ ⵎⵓ ⵢⴳⴰⵏ ⵜⴰⵎⴰⵜⴰⵔⵜ ⵉⵥⵍⵉⵏ ⵏⵏⵙ ⵍⵇⵓⵕⴰⵏ ⴷ ⵜⴰⴼⵍⵙⵜ ⴷ ⵎⵓ ⵢⵔⴰⵏ ⴰⴷ ⵉⵙⴷⵔⴼⵉⵏ ⵏ ⵓⴼⴳⴰⵏ ⴷ ⴷⴰⵖ ⵉⵣⴷⵉ ⴷ  ⵉⵎⵣⴷⴰⵖⵏ ⵏ ⵜⵙⴳⴰⵜⵉⵏ ⵜⵉⵚⵚⵃⵕⴰⵡⵉⵏ ⵍⵍⵉ ⴱⴷⴷⴰ ⵓⵙⵖⵏ ⴷ ⵉⴳⵍⵍⴷⵉⵏ ⵉⵄⴰⵍⴰⵡⵉⵏ.

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⴽⵎⵎⵍ ⵉⴳⵉ ⵏ ⵍⵊⵉⵀⴰⴷ ⵉⵎⵇⵇⵓⵔⵏ ⵏ ⵓⵙⵓⴼⵖ ⵏ ⵜⴳⵎⵉ ⵜⴰⵙⵏⴰⵎⵓⵏⵜ ⴷ ⵜⴰⴷⴰⵎⵙⴰⵜ ⴷ ⴰⵙⴱⴷⴷⵉ ⵏ ⵜⴰⵇⵓⴱⴱⴰⵏⵉⵜ ⴷ ⴰⵥⵍⴰⴹ ⴷ ⴰⵙⵓⵜⴳ ⵏ ⵜⵎⵖⴰⵔⵜ ⴷ ⵓⵙⴽⵍⴽⵍ ⵏ ⵜⵣⵔⴼⵜ ⴷ ⴰⵏⴳⵔⴰⵡ ⴰⵙⴳⵎⵉ ⴷ ⴽⵓⵍⵍⵓ ⵜⵖⴰⵡⵙⴰⵜⵉⵏ ⵍⵍⵉ ⴹⴼⴰⵕⵏⵜ ⵉⵎⴰⵏ ⵏ ⵜⵡⴰⴷⴰ ⵜⴰⵣⴳⵣⴰⵡⵜ.

ⴷⴼⴼⵉⵔ ⵏ ⵜⵣⴰⵍⵍⵉⵜ ⵏ ⵓⵙⵉⵎⵡⴰⵙ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴳ ⵜⵎⵣⴳⵉⴷⴰ, ⵎⴰⵙⵙ ⵜⵢⵉⵔⵏⵓ ⴰⵎⴰⴷⵓ ⵄⵓⵎⴰⵕ ⴷⵢⴰⵍⵓ, ⴰⵎⴰⵡⵙⴰⵙ ⴰⵎⴰⵔⵉ ⴰⵎⴰⵍⵉ ⵏ ⵜⵎⵙⴰⵔⵉⵏ ⵉⵙⴳⴷⵏ, ⵍⵍⵉ ⵢⴼⴽⴰⵏ ⵉ ⵡⴳⵍⵍⵉⴷ ⵢⴰⵜ ⵜⴱⵔⴰⵜ ⵏ ⵓⵏⵙⵙⵉⵅⴼ ⴰⵎⴰⵍⵉ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 08 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B4%B0%E2%B5%8D-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7%E2%B5%89-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B7#comment-0