ⵍⵍⵉⵖ ⵜⵍⴽⵎ ⴰⵎⵎⴰⵙ ⴰⴷ, ⵜⵣⵣⵔⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵜ ⵜⵔⴱⵉⵄⵜ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵜ ⵉⵣⵣⵓⵍ ⵓⵎⴰⵡⵙⴰⵙ ⵏ ⵜⴷⵓⵙⵉ, ⵍⵃⵓⵙⵉⵏ ⵍⵡⵕⴹⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵉⵎⵇⵔⴰⵏ, ⵅⴰⵍⵉⴷ ⵙⴰⴼⵉⵔ, ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.
ⴷⴰⵜ ⴰⴷ ⵜⵔⵣⴼ ⵜⵉⵏⴰⴼⵓⵜⵉⵏ ⵏ ⵓⵎⵎⴰⵙ, ⵜⴹⴼⴰⵕ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵜ ⵜⵏⴽⴷⴰ ⵅⴼ ⵜⵎⴰⵖⵓⵏⵜ ⵏ ⵓⵎⵣⵉⵣⵣⵍ ⵏ ⵜⴼⵏⴹⵕⵜ ⵏ ⵓⴽⵯⵕⵥⵎⵉⵡ ⴷ ⵓⵖⴰⵡⴰⵙ ⵏ ⵓⵥⵍⴰⵢ ⴰⵎⵏⵣⵓ ⵏ ⵓⴽⵯⵕⵥⵎⵉⵡ ⵏ ⵉⴼⴼ ⴷ ⵓⵎⴳⴳⵕⴹ ⵏ ⵕⵕⴰⵃⵉⵎ ⴳ ⴹⴹⴰⵕⵍⴱⵉⴹⴰ ⵉⵎⵇⵇⵓⵔⵏ.
ⴰⵎⵎⴰⵙ ⴰⴷ ⵉⵜⵜⴰⵡⵙⴽⴰⵔ ⴳ ⵢⴰⵏ ⵓⵙⴰⵢⵔⴰⵔ ⵏ 340 ⵎⵉⵜⵔⵓ ⴰⵎⴽⴽⵓⵥ ⴷ ⵉⵙⵙⵉⴽⵙⵉⵍ ⵄⵍⴰⵢⵏ 4 ⵓⵎⵍⵢⵓⵏ ⵏ ⴷⴷⵔⵀⵎ.
ⴰⵎⵎⴰⵙ ⴰⴷ ⵉⴳⴰ ⴰⵎⵣⵡⴰⵔⵓ ⴳ ⵎⵓⵃⵎⵎⴰⴷⵢⵢⴰ, ⵉⴳⴰ ⵉ 40.179 ⵜⵎⵖⴰⵔⵜ ⴳⵔ 45 ⴷ 69 ⵓⵙⴳⴳⵯⴰⵙ ⴳ ⵜⴼⵏⴹⵕⵜ ⵏ ⵓⴽⵯⵕⵥⵎⵉⵡ ⵏ ⵉⴼⴼ ⴷ 6850 ⵢⴰⴹⵏⵉⵏ ⴳ ⵓⴽⵯⵕⵥⵎⵉⵡ ⵏ ⵓⵎⴳⴳⵕⴹ ⵏ ⵕⵕⴰⵃⵉⵎ ⵉⵍⴽⵎⵏⵜ ⴳⵔ 30 ⴷ 49 ⵓⵙⴳⴳⵯⴰⵙ.
ⴽⵕⴰⴹ ⵏ ⵉⵎⵙⴳⵏⴰⴼⵏ ⵉⵎⵥⵍⴰⵢⵏ ⴷ ⵙⵏⴰⵜ ⵜⵉⵏⵙⵎⴰⴳⴰⵍⵉⵏ ⴰⴷ ⵉⵍⵍⴰⵏ ⴳ ⵓⵎⵎⴰⵙ ⴰⴷ, ⵍⵍⵉ ⵢⵟⵟⴰⴼⵏ ⵙⵏⴰⵜ ⵏ ⵜⵉⴷⴰⵍⵉⵏ ⵏ ⵓⴳⴰⵏⵉ, ⴷ ⴽⵕⴰⴹ ⵏ ⵜⵉⴷⴰⵍⵉⵏ ⵏ ⵓⵎⵛⴰⵡⴰⵕ ⵏ ⵜⴼⵏⴹⵕⵜ ⴷ ⴰⴽⴰⵣ ⵏ ⵓⴽⵯⵕⵥⵎⵉⵡ ⵏ ⵉⴼⴼ, ⴷ ⴽⵕⴰⴹ ⵢⴰⴹⵏⵉⵏ ⵏ ⵓⴽⵯⵕⵥⵎⵉⵡ ⵏ ⵓⵎⴳⴳⵕⴹ ⵏ ⵕⵕⴰⵃⵉⵎ ⴷ ⵎⵏⵏⴰⵡ ⵢⴰⴹⵏⵉⵏ. ⴼ ⵖⵉⴽⴰⵏ, ⵉⵥⴹⴰⵕ ⵓⵎⵎⴰⵙ ⴰⴷ ⵉⴼⴽ 6000 ⵓⵎⵛⴰⵡⴰⵕ ⴳ ⵓⵙⴳⴳⵯⴰⵙ ⴳ ⵜⴼⵏⴹⵕⵜ ⴷ ⵓⴽⴰⵣ.
ⵎⵍⵍⵉ ⴳ ⵜⵓⴳⴰ ⵏⵏⵙ ⴳ 2005, ⵜⵥⴹⴰⵕ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⵙ ⵜⵎⴷⵔⴰⵡⵜ ⴷ ⵜⵎⴰⵡⴰⵙⵜ ⴷ ⵜⴰⴷⵓⵙⵉ, ⴰⴷ ⵜⵙⵙⵓⴼⵖ ⵢⴰⵜ ⵜⴰⵙⵓⵍⴼⵜ ⵜⴰⵏⴰⵎⵓⵔⵜ ⵏ ⵓⵔⴰⵢ ⴷ ⵜⵉⴹⴰⴼ ⵏ ⵓⴽⵯⵕⵥⵎⵉⵡ (2010-2019).
