Published on MAPNews (https://www.mapnews.ma/am)

Accueil > ⵍⵃⵓⵙⵉⵎⴰ ..ⴰⵖⴰⵡⴰⵙ ⴰⵎⵢⴰⵏⴰⵡ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⴰ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵜⵉⵎⵔⵙⴰⵍ ⵏ ⵓⵙⴳⵎⵉ

ⵍⵃⵓⵙⵉⵎⴰ ..ⴰⵖⴰⵡⴰⵙ ⴰⵎⵢⴰⵏⴰⵡ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⴰ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵜⵉⵎⵔⵙⴰⵍ ⵏ ⵓⵙⴳⵎⵉ

10 ⵉⵏⵏⴰⵢⵔ 2025 Version Imprimable
ⵍⵃⵓⵙⵉⵎⴰ -  ⵜⵙⵔⵙ ⵜⴰⵎⵀⵍⴰ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵉⵖⵔⵉ ⵜⴰⵎⵣⵡⴰⵔⵓⵜ ⴷ ⵜⵓⵏⵏⵓⵏⵜ ⵏ ⵍⵎⵓⵙⵉⵎⴰ ⵢⴰⵏ ⵓⵖⴰⵡⴰⵙ ⵉⵖⵓⴷⴰⵏ ⵙ ⵓⵣⵎⵣⵣⵓ ⵏ ⵓⵙⴼⵓⴳⵍⴰ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2975 ⴳ ⵎⵏⵏⴰⵡⵜ ⵏ ⵜⵉⵎⵔⵙⴰⵍ ⵏ ⵓⵙⴳⵎⵉ ⴳ ⵓⵙⵡⵉⵔ ⴰⴼⵔⴰⵏ ⴷ ⴰⵖⵔⵎⴰⵏ.

ⵜⵖⵔⴰ ⵜⴰⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵉⵎⵔⵙⴰⵍ ⵏ ⵓⵙⴳⵎⵉ ⴰⴷ ⵜⵙⵙⵏⵎⴰⵍⴰⵏ ⵉⵎⵓⵙⵙⵓⵜⵏ ⴷ ⵜⵉⵖⴰⵡⵙⵉⵡⵉⵏ ⵉⵎⵢⴰⵏⴰⵡⵏ ⵍⵍⵉ ⵢⴰⴽⴽⴰⵏ ⴰⴷⴷⵓⵔ ⵉⵥⵍⵉⵏ ⵙ ⵓⵢⴷⴰ ⴰⵎⴰⵣⵉⵖ ⵍⵍⵉ ⵉⴳⴰⵏ ⵢⴰⵏ ⵓⴳⵣⵣⵓⵎ ⴰⵅⴰⵜⴰⵔ ⵏ ⵜⴰⵎⴰⴳⵉⵜ ⵜⴰⵎⵖⵔⵉⴱⵉⵜ ⵍⵍⵉ ⵉⵎⵙⴰⵙⴰⵏ ⴷ ⵜⵉⵙⵉⵍⴰ ⴷ ⵉⵜⵉⴳⵏ ⵉⵏⴰⵎⵓⵔⵏ ⴷ ⵜⴰⵢⵔⵉ ⵏ ⵜⴰⵎⵓⵔⵜ ⴷ ⵓⵙⴷⵓⵙ ⵏ ⵜⴰⵎⴰⴳⵉⵜ ⵜⴰⵏⴰⵎⵓⵔⵜ ⴷⴰⵔ ⵉⵔⴱⴰⵜⵏ.

ⵜⵎⵍⴰ ⵜⴰⵎⵀⵍⴰ ⵜⴰⵏⵎⵏⴰⴹⵜ ⴳ ⵢⴰⵏ ⵓⵙⵉⵡⴹ ⵎⴰⵙ ⵉⴳⴰ ⵓⵎⵓⵙⵙⵓ ⵢⴰⴷ ⵢⴰⵏ ⵓⵣⵎⵣⵣⵓ ⵏ ⵓⵎⵙⴰⵙⴰ ⵅⴼ ⵓⵢⴷⴰ ⴰⴷⵍⵙⴰⵏ ⴷ ⵓⵎⵣⵔⵓⵢ ⴰⵇⴱⵓⵔ ⴷ ⵓⵙⵔⵙ ⵏ ⵙⵙⵉⵄⵔ ⴳ ⵓⵍⴰⵡⵏ ⵏ ⵉⵔⴱⴰⵜⵏ ⵏ ⵓⵙⴳⵎⵉ ⴰⴼⴰⴷ ⴰⵜⵏ ⵉⵙⵙⵓⵙⵎ ⵓⵎⵣⵔⵓⵢ ⵏⵏⵙⵏ ⴳ ⵜⵓⵙⴽⴰ ⵏ ⵜⴰⵎⵓⵔⵜ ⵏⵏⵙⵏ ⵉⴷⵓⵙⵏ ⴷ ⵓⵎⵢⴰⵏⴰⵡ , ⵜⵖⵔⴰ ⵓⵍⴰ ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵏ ⵉⵎⵓⵙⵙⵓⵜⵏ ⵉⵎⵢⴰⵏⴰⵡⵏ ⵍⵍⵉ ⵢⴰⴽⴽⴰⵏ ⴰⴷⴷⵓⵔ ⵉ ⵓⵎⵓⵙⵙⵓ ⵢⴰⴷ ⴰⵅⴰⵜⴰⵔ ⵙ ⵓⵙⵏⵎⴰⵍⴰ ⵏ ⵉⵙⴼⵙⵔⵏ ⵉⴷⵍⵙⴰⵏⵏ ⴷ ⵜⵉⵏⴰⵡⵉⵏ ⴷ ⵜⵉⴱⵔⵣⴰⵜⵉⵏ ⵏ ⵜⵓⵏⵏⵓⵏⵜ ⴷ ⵓⵙⵎⵏⵉⴷ ⵏ ⵍⴰⴼⵍⴰⵎ ⵍⵍⵉ ⵉⵎⵎⴰⵍⵏ ⴰⵣⵎⵣⵣⵓ ⵢⴰⴷ ⴰⵇⴱⵓⵔ.

ⵉⵙⴽⵜⵉ ⵓⵙⵉⵡⴹ ⵓⵍⴰ ⵎⴰⵙ ⵉⵍⵍⴰ ⴷⴰⵔ  ⵓⵙⴼⵓⴳⵍⴰ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⵢⴰⵏ ⵡⴰⴷⴷⵓⵔ ⴰⵎⵇⵔⴰⵏ ⴳ ⵢⴰⵏ ⵓⵣⵎⵣ ⴰⵏⴰⵎⵓⵔ ⴷ ⴰⴷⵍⵙⴰⵏ ⵉⴷⵔⴰⵏ ⵉⵎⵎⴰⵍⵏ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⵍⵉ ⵉⴼⴽⴰ ⴰⴷⴷⵓⵔ ⴰⵅⴰⵜⴰⵔ ⵉ ⵜⴰⵎⴰⵣⵉⵖⵜ ⴰⵛⴽⵓ ⵜⴳⴰ ⵢⴰⵏ ⵓⴳⵣⵣⵓⵎ ⵏ ⵜⴰⵎⴰⴳⵉⵜ ⵜⴰⵎⵖⵔⵉⴱⵉⵢⵜ ⵍⵍⵉ ⴷⴰⵔ ⴰⵎⵢⴰⵏⴰⵡ ⴳ ⵉⴳⵔⴰⵏ ⴰⴷⵍⵙⴰⵏ ⴷ ⵜⴰⵖⵔⵎⴰ.

ⵉⵙⴷⴷⵉⴷ ⵓⵙⵉⵡⴹ ⵎⴰⵙ ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⵙⴼⵓⴳⵍⴰ ⵏ ⵉⵅⴼ ⵏ ⵓⵙⴳⴳⴰⵙ ⵍⵍⵉ ⵉⴳⴰ ⴰⵙⵙ ⴰⵏⴰⵎⵓⵔ ⴳ ⵓⵔ ⵜⵍⵍⵉ ⵜⴰⵡⵓⵔⵉ ⴰⵔ ⵜⵎⵎⴰⵍ ⵓⵍⴰ ⵍⵉⵍⵜⵉⵣⴰⵎ ⵏ ⵜⵉⴳⵍⴷⵉⵜ ⵙ ⵜⴰⵏⴽⵔⴰ ⵙ ⵜⴰⵎⴰⵣⵉⵖⵜ ⵍⵍⵉ ⵉⴳⴰⵏ ⵢⴰⵜ ⵜⴰⵙⵉⵍⴰ ⵏ ⵜⴰⵎⴰⴳⵉⵜ ⵜⴰⵎⵖⵔⵉⴱⵉⵢⵜ ⴷ ⵓⵙⴰⵜⵉ ⴰⴷⵓⵙⵜⵓⵔⵉ ⵍⵍⵉ ⵢⴰⴽⴽⴰⵏ ⵉ ⵜⴰⵎⵣⵉⵖⵜ ⵉⵣⵔⴼⴰⵏ ⵏⵏⵙ ⵉⴽⵎⵍⵍⵏ ⵜⴰⵎⴰ ⵏ ⵜⵓⵜⵍⴰⵢⵜ ⵜⴰⵄⵔⴰⴱⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%83%E2%B5%93%E2%B5%99%E2%B5%89%E2%B5%8E%E2%B4%B0-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8E%E2%B5%A2%E2%B4%B0%E2%B5%8F%E2%B4%B0%E2%B5%A1-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%9C%E2%B5%89%E2%B5%8E%E2%B5%94%E2%B5%99%E2%B4%B0%E2%B5%8D-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89