Published on MAPNews (https://www.mapnews.ma/am)

Accueil > ⵔⴰⴷ ⵜⵙⴼⵓⴳⵍⴰ ⵜⵉⵣⵏⵉⵏⵜ ⴰⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975

ⵔⴰⴷ ⵜⵙⴼⵓⴳⵍⴰ ⵜⵉⵣⵏⵉⵏⵜ ⴰⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975

08 ⵉⵏⵏⴰⵢⵔ 2025 Version Imprimable
ⵜⵉⵣⵏⵉⵜ - ⵔⴰⴷ ⵜⵙⵏⵓⴱⴳ ⵜⴰⵎⴷⵉⵏⵜ ⵏ ⵜⵉⵣⵏⵉⵜ ⵙⴳ 11 ⴰⵔ 14 ⵉⵏⵏⴰⵢⵔ ⵉⵍⵍⴰⵏ ⵉⵎⵓⵙⵙⵓⵜⵏ ⵏ ⵓⵏⵎⵓⴳⴳⴰⵔ “ ⵜⵉⴼⵍⵡⵉⵏ .. ⵜⴰⴼⵓⴳⵍⴰ ⵏ ⵡⴰⴽⴰⵍ ⴷ ⵜⴰⵎⴰⴳⵉⵜ” ⵙ ⵜⴰⵙⵏⵜⴰⵢⵜ ⵏ ⵜⴰⴳⵔⴰⵡⵜ ⵏ ⵜⵉⵣⵏⵉⵜ.

ⵢⵓⵛⴽⴰⴷ ⵓⵙⵏⵎⴰⵍⴰ ⵏ ⵓⵎⵓⵙⵙⵓ ⵢⴰⴷ ⵙⵓⵣⵎⵣⵣⵓ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2995 ⴷ ⵓⵃⵟⵟⵓ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵜⴰⵇⴱⵓⵔⵜ ⴷ ⵜⴰⵏⴽⵔⴰ ⵏⵏⵙ ⵍⵍⵉⵖ ⵜⴳⴰ ⵢⴰⵏ ⵓⴳⵣⵣⵓⵎ ⴰⵅⴰⵜⴰⵔ ⵏ ⵜⴰⴷⵍⵙⴰ ⵜⴰⵎⵖⵔⵉⴱⵉⵢⵜ ⵍⵍⵉ ⵉⵜⵜⵓⵙⵙⴰⵏ ⵙ ⵜⴰⵎⵓⵏⵜ ⴷ ⵓⵎⵢⴰⵏⴰⵡ ⴷ ⵜⵉⵎⵢⵉⵔⵉⵏ ⴳ ⵜⴰⵎⴰⵥⵓⵏⵜ ⵏ ⵏⵏⵇⵕⵜ.

ⵖⵎⴽⵍⵍⵉ ⵜⵔⴰ ⵜⴰⵙⵏⵜⴰⵢⵜ ⴰⴷ ⵜⴰⴷⵍⵙⴰⵏⵜ ⴰⵕⵥⵥⵓ, ⵏ ⵜⵉⴼⵍⵡⵉⵏ ⵏ ⵜⴰⵙⴽⵜⵉⵜ ⵏ ⵓⵎⵣⵔⵓⵢ ⴷ ⵜⴰⴷⵍⵙⴰ ⵏ ⵜⵉⵣⵏⵉⵜ ⴷ ⵓⵙⵙⵎⵏⵉⴷ ⵏ ⵓⴷⵎⴰⵡⵏ ⵏ ⵜⴰⴼⵓⴳⵍⴰ  ⵢⴰⴷ ⵏ ⵡⴰⴽⴰⵍ ⵏ ⵜⴰⵎⴰⴳⵉⵜ ⵙ ⵉⵅⴼ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ “ⵢⵉⴹ ⵉⵏⵏⴰⵢⵔ” ⵍⵍⵉ ⴷⴰⵔ ⵉⵍⵍⴰ ⵡⴰⴷⴷⵓⵔ ⴳ ⵓⵎⵣⵔⵓⵢ ⵏ ⵏⵎⵖⵔⵉⴱ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ.

ⵔⴰⴷ ⵉⴳ ⵓⵎⵓⵙⵙⵓ ⵢⴰⴷ ⴰⵣⵎⵣⵣⵓ ⵉ ⵢⵉⵎⵣⴷⴰⵖⵏ ⵏ ⵜⴰⵎⴷⵉⵏⵜ ⴷ ⵉⵎⵔⵣⴰⴼⵏ ⵏⵏⵙ ⴰⴷ ⵥⵕⵏ ⵜⵉⵎⴰⵜⴰⵔⵉⵏ ⵏ ⵓⵙⴼⵓⴳⵍⴰ ⵏ “ ⵢⵉⴹ ⵉⵏⵏⴰⵢⵔ” ⴷ ⵜⵓⵙⵙⵏⴰ ⵏ ⵜⴰⵖⵔⵎⴰ ⵜⴰⵎⴰⵣⵉⵖⵜ ⴷ ⴰⵛⵕⵊⵎ ⵏ ⵓⵙⵙⵎⵏⵉⴷ ⵏ ⵉⴷⵖⴰⵔⵏ ⵉⴷⵍⵙⴰⵏⵏ ⵏ ⵜⴰⵎⴷⵉⵏⵜ ⵏ ⵜⵉⵣⵏⵉⵜ ⴰⴼⴰⴷ ⴰⴷ ⵜⴳ ⵜⵉⴼⴰⵡⵜ ⵜⴰⴷⵍⵙⴰⵏⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⵏⴰⵎⵓⵔ ⴷ ⴰⵎⴰⴹⵍⴰⵏ.

 ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵎⵓⵙⵙⵓ ⵢⴰⴷ ⵎⵏⵏⴰⵡ ⵉⵙⴼⵙⵔⵏ ⵏ ⵉⵎⴰⵙⵙⵏ ⵏ ⵜⴰⴼⵍⵍⴰⵃⵜ ⴷ ⵡⵉⵏ ⵜⴰⵙⵏⵓⵜ ⵜⴰⵇⴱⵓⵔⵜ ⵜⴰⵎⴰⵣⵉⵖⵜ ⴷ ⵜⵉⵥⵓⵕⵉⵏ ⵏ ⵕⵕⴰⵙⵎ ⵏ ⵓⵢⴷⴰ ⵏ ⵜⴰⵙⴳⴰ ⴷ ⵓⵙⴼⵙⵔ ⵏ ⵜⴰⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ.

 

 ⵉⵍⵍⴰ ⴳ ⵓⵖⴰⵡⴰⵙ ⵓⵍⴰ ⴰⵙⴼⵙⵔ ⵏ ⵜⵉⵏⵉⴹⵉ ⴷ ⵏⵏⵇⵔⵜ ⵍⵍⵉⵙ ⵜⵢⴰⵡⵙⵙⴰⵏ ⵜⴰⵎⴰⵥⵓⵏⵜ ⵏ ⵏⵏⵇⵔⵜ ⴷ ⵉⵔⵣⴰⴼⵏ ⵏ ⵎⵏⵏⴰⵡ ⵉⴷⵖⴰⵔⵏ ⵉⴷⵍⵙⴰⵏⵏ ⵏ ⵜⴰⵎⴷⵉⵏⵜ ⴰⴷ ⴷ ⵢⴰⵏ ⵓⴷⵖⴰⵔ ⵉⵥⵍⵉⵏ ⵙ ⵉⵔⴱⴰⵜⵏ ⵍⵍⵉ ⵔⴰⴷ ⵉⵎⵍ ⵓⵔⴰⵔⵏ ⵉⵇⴱⵓⵔⵏ ⵉⵎⴰⵣⵉⵖⵏ 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%9C%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B5%89%E2%B5%A3%E2%B5%8F%E2%B5%89%E2%B5%8F%E2%B5%9C-%E2%B4%B0%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-2975