Published on MAPNews (https://www.mapnews.ma/am)

Accueil > ⵜⴰⵙⵙⵓⵜⵍⵜ ⵜⵉⵙⵙ 11 ⵓⵏⵎⵓⴳⴳⴰⵔ ⵏ “ⴱⴰⵛⵉⵅ” ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵟⴰⵏⵊⴰ ⵙⴳ 11 ⴰⵔ 13 ⵉⵏⵏⴰⵢⵔ

ⵜⴰⵙⵙⵓⵜⵍⵜ ⵜⵉⵙⵙ 11 ⵓⵏⵎⵓⴳⴳⴰⵔ ⵏ “ⴱⴰⵛⵉⵅ” ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵟⴰⵏⵊⴰ ⵙⴳ 11 ⴰⵔ 13 ⵉⵏⵏⴰⵢⵔ

06 ⵉⵏⵏⴰⵢⵔ 2025 Version Imprimable
ⵟⴰⵏⵊⴰ -  ⵔⴰⴷ ⵜⵙⵏⵎⴰⵍⴰ ⵜⴰⵙⵙⵓⵜⵍⵜ ⵜⵉⵙⵙ 11 ⵓⵏⵎⵓⴳⴳⴰⵔ ⵏ “ⴱⴰⵛⵉⵅ” ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵟⴰⵏⵊⴰ ⵙⴳ 11 ⴰⵔ 13 ⵉⵏⵏⴰⵢⵔ ⴷⴷⵓ ⵜⴰⵎⴰⵜⴰⵔⵜ “ ⵔⴱⵄ ⵏ ⵜⴰⵙⵓⵜ ⵏ ⵜⵜⴰⵡⵉⵍ ⴰⴳⵍⴷⴰⵏ ⴰⵏⴰⴼⵍⵍⴰ ⵙ ⵜⵎⴰⵣⵉⵖⵉⵜ”.

 ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵏⵎⵓⴳⴳⴰⵔ ⴰⴷ ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ “ ⴰⵎⴰⵣⵉⵖ ⵚⵏⵀⴰ ⵔⵉⴼ” ⵙ ⵓⵎⵢⴰⵡⴰⵙ ⵏ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⴰⴷⵔⴰⵡⵜ ⵏ ⵜⴰⵙⴳⴰ ⵏ ⵟⴰⵏⵊⴰ -ⵜⵉⵟⵡⴰⵏ -ⵍⵃⵓⵙⵉⵎⴰ ⵎⵏⵏⴰⵡⵜ ⵏ ⵜⵉⵏⴰⵡⵉⵏ ⵏ ⵓⵙⵡⵉⵏⴳⵎⴰ ⴷ ⵜⴰⴷⵍⵙⴰ ⵙ ⵉⵙⴼⵙⵔⵏ ⵏ ⵜⵉⵢⴰⴼⵓⵜⵉⵏ ⵜⵉⵎⴰⵣⵉⵖⵉⵏ ⴷ ⵉⵙⵎⵏⵉⴷⵏ ⵏ ⵓⵥⴰⵡⴰⵏ ⴰⵇⴱⵓⵔ ⴷ ⵡⵉⵏ ⵉⴷⵍⵉⵙⵏ.

 ⵜⵏⵏⴰ ⵜⵎⵙⵎⵓⵏⵜ ⵍⵍⵉ ⵉⵙⵏⵎⴰⵍⴰⵏ ⴰⵏⵎⵓⴳⴳⴰⵔ ⴰⴷ ⵎⴰⵙ ⵉⵍⵍⴰ ⴳ ⵓⵖⴰⵡⴰⵙ ⵓⵍⴰ ⵢⴰⵜ ⵜⵉⵏⴰⵡⵜ ⵜⴰⵏⵎⵓⵔⵜ ⵅⴼ “ ⵜⵉⵔⵔⴰ ⵏ ⵜⴰⵙⴽⵍⴰ ⴷ ⵜⵉⵍⴰⵍⵜ ⵏⵏⵙ ⴳ ⵜⵓⵙⵙⵏⴰ ⵙ ⵓⵢⴷⴰ ⴰⴷⵍⵙⴰⵏ ⴰⵎⴰⵣⵉⵖ ⵏ ⵜⵉⵇⴱⵉⵍⵉⵏ ⵏ ⵚⵏⵀⴰⵊⴰ ⵙⵔⵙⵢⵔ” .

ⵖⵎⴽⵍⵍⵉ ⵔⴰⴷ ⵜⵜⵓⵙⵏⵎⴰⵍⴰ ⵢⴰⵜ ⵜⵉⵏⴰⵡⵜ ⵅⴼ “ ⵜⴰⵙⵙⴰⵙⵜ ⵏ ⵜⵎⴰⴳⵉⵜ ⴳ ⵜⵉⵎⵉⵣⴰⵔ ⵏ ⵓⵎⴰⴹⴰⵍ ⴰⵎⴰⵣⵉⵖ” ⵙⵍⴰⵡⴰⵏ ⴰⴽⴽⵯ ⴳ ⵜⵉⵙⴳⴳⵉⵡⵉⵏ ⵍⵍⵉ ⵍⵍⴰⵏ ⵉⵎⵢⴰⵏⵡⴰⵏ ⵉⴷⵍⵙⴰⵏⵏ ⵏ ⵜⵎⴰⴳⵉⵜ ⴷ ⵢⴰⵜ ⵜⴰⵡⵓⵔⵉ ⵅⴼ “ ⵜⴰⵏⴽⵔⴰ ⵙ ⵜⵓⵜⵍⴰⵢⵜ ⴷ ⴰⵜⴷⵍⵙⴰ ⴳ ⵜⵓⵜⵍⴰⵉⵉⵏ ⵏ ⵎⵉⴷⵏ ⵉⴷⵔⵓⵙⵏ”.

ⴳ ⵓⵙⵡⵉⵔ ⵏ ⵉⵙⵙⵎⵏⵉⴷⵏ ⵏ ⵓⵥⴰⵡⴰⵏ ⵔⴰⴷ ⵜⵜⵢⴰⵡⵙⵎⵏⵉⴷ ⵜⴰⵥⵓⵕⵉⵏ ⵍⵀⵉⵜ ⵉⵥⵍⵉⵏ ⵙ ⵜⴰⵙⴳⴰ ⵏ ⵚⵏⵀⴰⵊⴰ ⵙⵔⴰⵢⵔ ⴷ ⵜⵎⴷⴷⵉⴷⵜ ⵏ ⵓⵥⴰⵡⴰⵏ ⴰⵎⴰⵣⵉⵖ ⵙ ⵜⴰⴷⵔⴰⵡⵜ ⵏ ⵄⵉⵛⴰ ⵜⴰⵛⵉⵏⵡⵉⵜ ⴷ ⵙⴰⵎⵉⵔⴰ ⴱⵍⵀⴰⵊ ⴷ ⴽⴰⵔⵉⵎ ⵍⵎⵓⵔⵙⵉ  ⴷⵏⴰⴱⵉⵍ ⵜⴰⵔⴽⵉⵙⵉ ⴷ ⵜⴰⵔⴰⴱⴱⵓⵜ ⵏ ⵜⵉⴷⵖⵉⵏ ⵏ ⵜⴰⵥⵓⵕⵉ ⵏ ⵍⵀⵉⵜ.

ⵔⴰⴷ ⵜⵉⵍⵉ ⵢⴰⵜ ⵜⴰⴼⵓⴳⵍⴰ ⵏ ⵓⵙⵙⵎⵖⵔ ⴳ ⵓⵏⵎⵓⴳⴳⵔ ⴰⴷ ⵏ ⵎⵏⵏⴰⵡ ⵓⴷⵎⴰⵡⵏ ⵏ ⵜⴰⵙⴳⴰ ⵏ ⵚⵏⵀⴰⵊⴰ ⵙⵔⵙⵢⵔ ⴳ ⵓⵙⴰⵜⵉ ⵏ ⵜⵓⵙⵏⴰ ⵏ ⵜⵓⴳⴳⴰⵙ ⵏⵏⵙⵏ ⴳ ⵉⴳⵔ ⵏ ⵓⵃⵟⵟⵓ ⵏ ⵓⵢⴷⴰ ⴰⵎⵣⵔⵓⵢ ⴰⴷⵍⵙⴰⵏ ⵏ ⵜⵉⵇⴱⵉⵍⵉⵏ ⵏ ⵚⵏⵀⴰⵊⴰ ⵙⵔⵙⵢⵔ ⴳ ⵜⴰⵙⴳⴰ ⵏ ⵔⵉⴼ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-11-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%80%9C%E2%B4%B1%E2%B4%B0%E2%B5%9B%E2%B5%89%E2%B5%85%E2%80%9D-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%99%E2%B4%B3-11-%E2%B4%B0%E2%B5%94-13-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94