ⵎⴰⵙⵙⴰ ⵍⴼⵍⵍⴰⵃ ⵙⵙⵖⵔⵓⵛⵏⵉ: ⴰⵕⵥⵥⵓⵎ ⵏ ⵜⵢⴰⴼⵓⵜ ⵏ ⵍⴰⵏⵜⵉⵔⵏⵉⵜ ⵏ ⵜⴰⵙⵓⵜ ⵜⵉⵙⵙ ⵙⵎⵎⵓⵙⵜ ⴳ ⵓⵙⴰⵜⵉ ⵏ "ⵍⴽⴰⵏ 2025" ⴷ "ⵍⵎⵓⵏⴹⵢⴰⵍ 2030"

24 ⴷⵓⵊⴰⵏⴱⵉⵔ 2024 Version Imprimable

ⵕⵕⴱⴰⵟ - ⵜⵏⵏⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵡⵓⴷⴷⵓ ⵏ ⵜⵎⵙⵓⴳⴳⵓⵔⵜ, ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵏⵉ, ⴰⵙⵙ ⵏ ⵓⵢⵏⴰⵙ, ⵎⴰⵙ ⵔⴰⴷ ⵢⵉⵍⵉ ⵓⵕⵥⵥⵓⵎ ⵏ ⵜⵢⴰⴼⵓⵜ ⵏ ⵍⴰⵏⵜⵉⵔⵏⵉⵜ ⵏ ⵜⵙⵓⵜ ⵜⵉⵙⵙ ⵙⵎⵎⵓⵙⵜ ⴳ ⵓⵙⴰⵜⵉ ⵓⵏⵏⵎⴰⵍⴰ ⵏ ⵍⵎⵖⵔⵉⴱ ⵜⴰⴽⵓⵙⵜ ⵏ ⵜⵎⵜⵜⴰ ⵏ ⵉⴼⵔⵉⵇⵢⴰ 2025 ⴷ ⵜⴰⴽⵓⵙⵜ ⵏ ⵓⵎⴰⴹⴰⵍ 2030.

ⵜⵙⴷⴷⵉⴷ ⵜⵎⴰⵡⴰⵙⵜ ⴳ ⵓⵙⵜⵉ ⵏ ⵜⴰⵎⵔⴰⵔⵓⵜ ⵅⴼ ⵉⵙⵇⵙⵉⵜⵏ ⵅⴼ ⵜⵉⵢⴰⴼⵓⵜⵉⵏ ⵜⵉⵎⵓⵟⵟⵓⵏⵉⵏ ⴳ ⵜⵉⵙⴳⵉⵡⵉⵏ ⵏ ⵉⴷⵔⴰⵔⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⴰⵡⵜⵜⴰⵙ ⵏ ⵓⵕⵥⵥⵓⵎ ⵏ ⵜⵢⴰⴼⵓⵜ ⵏ ⵍⴰⵏⵜⵉⵔⵏⵉⵜ ⵏ ⵜⴰⵙⵓⵜ ⵜⵉⵙⵙ ⵙⵎⵎⵓⵙⵜ ⴰⴷ ⵉⴷⵍ 25 ⵙⴳ 100 ⵏ ⵉⵎⵣⴷⴰⵖⵏ ⴰⵔ ⴰⵙⴳⴳⵯⴰⵙ 2026 ⴷ 70 ⵙⴳ 100 ⴳ 2030 ⴷ ⴰⴷⵍ ⵏ ⵜⵉⵎⴷⵉⵏⵉⵏ ⵍⵍⵉ ⵔⴰⴷ ⵉⵙⵏⵓⴱⴳ ⵉⵎⵊⵔⵉⵜⵏ ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ 2030.

ⴳ ⵜⴰⵙⴳⴰ ⵢⴰⴹⵏ, ⵜⵏⵏⴰ ⵎⴰⵙⵙⴰ ⵍⴼⵍⵍⴰⵃ ⵎⴰⵙ ⵔⴰⴷ ⵓⵊⴰⴷⵏ 6300 ⵏ ⵓⵙⵉⵜ ⴰⴳⴷⵓⴷⴰⵏ ⴷ ⵜⴰⵢⴰⴼⵓⵜ ⵏ ⵍⴰⵏⵜⵉⵔⵏⵉⵜ ⵏ ⵉⴼⴰⵍⴰⵏ ⵏ ⵉⵥⵕⵉ ⴷ ⵓⵙⴳⴳⴰⵙ 2026 ⴷ ⵓⵎⴰⵡⴰ ⵏ 5.6 ⵎⵍⵢⵓⵏ ⵏ ⵜⴰⴷⴷⴰⵔⵜ ⴳ ⵓⵙⴳⴳⵯⴰⵙ ⵏ 2030.

ⴳ ⵓⵙⴰⵜⵉ ⵢⴰⴷ , ⵜⵣⵎⵎⴻⵎ ⵜⵎⴰⵡⴰⵙⵜ ⵎⴰⵙ ⴳⴰⵏⵜ ⵜⵉⵢⴰⴼⵓⵜⵉⵏ ⵜⵉⵎⵓⵟⵟⵓⵏⵉⵏ ⴳ ⵜⵉⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏ ⵜⵉⴳⵎⵉ ⵏ ⵉⴳⵔ ⵏ ⵓⵎⵢⴰⵡⴰⴹ ⴳ ⵍⵎⵖⵔⵉⴱ , ⵜⵙⴷⴷⵉⴷ ⵓⵍⴰ ⵅⴼ ⵜⵓⴳⴳⴰⵙ ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⴰⵙⵏ ⵏ ⵓⵎⵢⴰⵡⴰⴹ ⵙⴳ ⵉⵎⵙⴳⴰⵔⵏ ⵏ ⵉⴳⵔⴰ ⴰⴷ.

ⵜⵏⵏⴰ ⵎⴰⵙ ⵜⴹⴼⵕ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏ ⵉⵎⵙⴽⴰⵔⵏ ⴳ ⵉⴳⵔ ⴰⴷ ⵙ ⵜⵉⵎⵢⴰⵇⵇⴰⵏⵉⵏ ⵏ ⵓⵙⵙⴰⵔⵓ , ⵜⵔⵏⵓ ⵜⵏⵏⴰ ⵎⴰⵙ ⵉⵣⵔⵉ ⵡⴰⵜⵉⴳ ⵏ ⵉⵙⵙⴰⵔⵓⵜⵏ 8.4 ⵎⵍⵢⴰⵕ ⴷⵔⵀⵎ ⴷ ⵓⵙⴳⴳⵯⴰⵙ ⵏ 2023 ⴰⴼⴰⴷ ⴰⴹⴼⵕ ⵏ ⵉⵖⴰⵡⴰⵙⵏ ⵉⵏⴰⵎⵓⵔⵏ ⵏ ⵓⵎⵓⵜⵜⵉ ⴰⵎⵓⵟⵟⵓⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99%E2%B4%B0-%E2%B5%8D%E2%B4%BC%E2%B5%8D%E2%B5%8D%E2%B4%B0%E2%B5%83-%E2%B5%99%E2%B5%99%E2%B5%96%E2%B5%94%E2%B5%93%E2%B5%9B%E2%B5%8F%E2%B5%89-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A2%E2%B4%B0%E2%B4%BC%E2%B5%93%E2%B5%9C-%E2%B5%8F-%E2%B5%8D%E2%B4%B0%E2%B5%8F%E2%B5%9C%E2%B5%89%E2%B5%94%E2%B5%8F%E2%B5%89%E2%B5%9C-%E2%B5%8F-%E2%B5%9C%E2%B4%B0%E2%B5%99%E2%B5%93%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99%E2%B5%9C-%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F