"ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵢⴰⵏ ⵓⵙⵉⵡⵔ ⵏ ⵜⵡⵓⵔⵉ ⵅⴼ ⵉⵎⵔⵙⵉ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⵡⵊⴰ.
ⵢⵓⵛⴽⴰⴷ ⵓⵙⵉⵡⵔ ⵏ ⵜⵡⵓⵔⵉ ⵢⴰⴷ ⴷⴼⴼⵉⵔ ⵏ ⵓⵙⴰⵍⵉ ⵏ ⵓⴳⵔⴰⵡ ⵉ ⵓⴳⵍⵍⵉⴷ ⵢⴰⵜ ⵜⵏⴰⴹⵜ ⵏ ⵓⴳⴳⴰⵔ ⵏ ⵜⵎⵉⴹⵉ ⵏ ⵜⵙⵏⴼⵍⵜ. ⴷⴼⴼⵉⵔ ⵍⵍⵉⵖ ⵉⵙⵙⵍⴽⵎ ⵓⴳⵍⵍⵉⴷ ⵜⵉⵏ ⵉⵣⴷⵉⵏ ⴰⴽⴷ ⵉⴹⵕⵉⵚⵏ ⵏ ⴷⴷⵉⵏ ⵉ ⵓⵙⵇⵇⵉⵎ ⴰⵄⵉⵍⵎⵉ ⴰⵏⴰⴼⵍⵍⴰ, ⵍⵍⵉⵖ ⵅⴼⵙⵏⵜ ⵉⵙⵙⵓⴼⵖ ⵢⴰⵜ ⵜⵏⵏⴰⵢⵜ ⵏ ⵛⵕⵄ, ⴷ ⵓⵍⴰ ⴷⴼⴼⵉⵔ ⵎⴰ ⵢⵙⴽⵔ ⵓⴳⵍⵍⵉⴷ ⵜⵉⵙⵓⴳⴰⵎ ⵉⵅⵚⵚⴰⵏ ⵅⴼ ⵜⵎⵙⵍⴰⵢⵉⵏ ⵏⵏⴰ ⵎⵉ ⵅⴼ ⵉⵙⵙⵓⵎⵔ ⵓⴳⵔⴰⵡ ⵓⴳⴳⴰⵔ ⵏ ⵢⴰⵏ ⵡⴰⵡⴰⵍ, ⵏⵏⵖⴷ ⵜⵉⵏ ⵉⵅⵚⵚⴰⵏ ⴰⴷ ⵜⵜⵓⵙⵏⴼⵍⵏⵜ ⵅⴼ ⵡⴰⵡⴰⵍ ⴰⵛⵕⵄⵉ, ⵍⵍⵉⵖ ⵉⵙⵜⴰ ⵓⴳⵍⵍⵉⴷ ⵜⵉⵙⵜⴰⵢⵉⵏ ⵉⵎⴰⵏⵏⵜ ⴷ ⵉⵙⵓⵔⴰⴳⵏ ⴷ ⵉⵙⵡⵉⵔⵏ ⵉⵜⵜⵓⵎⵍⴰⵏ ⴳ ⵜⴱⵔⴰⵜ ⵜⴳⵍⴷⴰⵏⵜ ⵜⵎⴰⵜⴰⵢⵜ ⵉⵜⵜⵓⵣⴰⵏⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵓⵍⴰ ⵜⵉⵏ ⵉⵍⵍⴰⵏ ⴳ ⵜⴰⵍⴰ ⵏ ⵉⵙⵓⵔⴰⴳⵏ ⵉⵜⵜⵓⵙⵎⴰⵜⵔⵏ ⵉ ⵜⵡⵓⵔⵉ ⵏ ⵓⴳⵔⴰⵡ, ⴳ ⵜⵣⵡⴰⵔⵜ ⵏⵏⵙⵏ ⴰⵙⵓⵔⴰⴳ ⵏ "ⴰⴷ ⵓⵔ ⵉⵜⵜⵓⵃⵔⴰⵎ ⵓⵃⵍⴰⵍ ⵓⵍⴰ ⵉⵜⵜⵓⵃⵍⴰⵍ ⵓⵃⵔⴰⵎ".
ⴳ ⵜⴳⵉⵔⴰ ⵏ ⵓⵙⵉⵡⵔ ⴰⴷ, ⵉⵙⵙⵎⵏⵉⴷ ⵎⴰⵙⵙ ⵓⵎⴰⵡⵙⴰⵙ ⵏ ⵜⵣⵔⴼⵜ ⵄⴱⴷⵍⵍⵟⵉⴼ ⵡⵀⴱⵉ, ⵙ ⵜⵎⴰⵜⴰⵔⵜ ⵏⵏⵙ ⴷ ⵓⴳⵎⴰⵎ ⵏ ⵓⴳⵔⴰⵡ ⵉⵜⵜⵓⵙⵎⴰⵜⵔⵏ ⵙ ⵓⵙⵏⴼⵍ ⵏ ⵓⵙⵍⴳⵏ ⵏ ⵜⵡⵊⴰ, ⵢⴰⵏ ⵓⵙⴽⵏⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⴱⵔⵉⴷⵜ ⴷ ⵓⵙⵍⵎⴷ ⵏ ⵜⵡⵓⵔⵉ ⵏ ⵜⵎⵔⵙⵍⵜ, ⵙⵍⴰⵡⴰⵏ ⴰⴽⴽⵯ ⴰⵢⵏⵏⴰ ⵉⵣⴷⵉⵏ ⴷ ⵉⵙⵉⵡⵔⵏ ⵏ ⵓⵙⴼⵍⴷ ⴷ ⵓⵙⵙⵖⴷ ⵏⵏⴰ ⵉⵙⵙⵓⴷⵙ ⵓⴳⵔⴰⵡ, ⴷ ⵉⵙⵏⴼⴰⵍⵏ ⵉⵎⵇⵇⵔⴰⵏⵏ ⵏⵏⴰ ⴷ ⴳⵉⵜⵏ ⵉⴼⴼⵖⵏ, ⴷ ⵡⵉⵏⵏⴰ ⵜⵙⵙⴽⵛⵎ ⴳ ⵓⵏⵎⴰⵍⴰ ⵏⵏⵙ ⵉⵜⵜⵓⴱⴷⵔⵏ, ⵓⵍⴰ ⵉⵙⵡⵉⵔⵏ ⵉⵜⵜⵓⵔⵊⴰⵏ ⵙⴳⵉⵜⵙⵏ.
ⵉⵎⵍⴰ ⵙⵓⵍ ⵎⴰⵙⵙ ⵓⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵃⵎⴰⴷ ⵜⵡⴼⵉⵇ, ⵙ ⵜⵎⴰⵜⴰⵔⵜ ⵏⵏⵙ ⴷ ⵓⴳⵔⴰⵡ ⴳ ⵓⵙⵇⵇⵉⵎ ⴰⵄⵉⵍⵎⵉ ⴰⵏⴰⴼⵍⵍⴰ, ⵜⵉⴼⵔⴰⵙ ⵏ ⵡⴰⵡⴰⵍ ⴰⵛⵕⵄⵉ ⵏ ⵓⵙⵇⵇⵉⵎ, ⵏⵏⴰ ⵢⵎⵍⴰⵏ ⵜⵉⵙⵓⴳⴰⵎ ⵜⵉⵛⵕⵄⵉⵢⵉⵏ ⵉⵅⵚⵚⴰⵏ ⵉ ⴽⵔⴰ ⵏ ⵉⵙⵏⴼⴰⵍⵏ ⵏ ⵓⴳⵔⴰⵡ, ⴷ ⵉⵔⵥⵎⵏ "ⵜⴰⴳⴳⵓⵔⵜ ⵏ ⵜⵏⴼⴰⵄⵜ" ⴰⴼⴰⴼ ⵜⴰⴼ ⵉⴼⵙⵙⴰⵢⵏ ⵉⵎⴰⵏⵏ ⴷ ⵛⵕⵄ ⵉ ⵢⵙⵏⴼⴰⵍⵏ ⵢⴰⴹⵏⵉⵏ. ⴰⵢⴰⴷ ⴰⵢⴷ ⵉⴳⴰⵏ ⴰⵣⵎⵣⵣⵓ ⵉⵎⵍⴰⵏ ⵜⵥⴹⴰⵕⵜ ⵏ ⵍⵉⵊⵜⵉⵀⴰⴷ ⵅⴼ ⵓⵙⵓⴼⵖ ⵏ ⵍⴰⵃⴽⴰⵎ ⵉⵛⵕⵄⵉⵢⵏ, ⴷ ⵜⵏⴰⵎⵎⴰⵙⵜ ⴷ ⵓⵙⵎⵙⴰⵙⴰ ⵏ ⵜⵉⵏⵎⵍ ⵜⴰⴼⵇⵀⵉⵜ ⵜⴰⵎⵖⵔⵉⴱⵉⵜ, ⵏⵏⴰ ⵢⵉⵡⵉⵏ ⵉⵙⵓⵔⴰⴳⵏ ⵏⵏⵙ ⵙⴳ ⵉⵎⵜⵜⴰⵡⵏ ⵉⴷⵉⵏⵉⵢⵏ ⵏ ⵜⴳⵍⴷⵉⵜ.
ⴳ ⵓⵙⴰⵜⵉ ⵢⴰⴷ, ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴰⵎⵉⵔ ⵏ ⵉⵎⵓⵎⵏⵏ ⵙⴳ ⵓⵙⵇⵇⵉⵎ ⴰⵄⵉⵍⵎⵉ ⴰⵏⴰⴼⵍⵍⴰ ⴰⴷ ⵉⵣⵣⵉⴳⵣ ⴳ ⵓⵙⵡⵏⴳⵎ ⴷ ⵓⵙⵎⵔⵙ ⵏ ⵓⵙⵏⴼⵍ ⵏ ⵍⵉⵊⵜⵉⵀⴰⴷ ⴳ ⵜⵎⵙⵍⴰⵢⵜ ⵏ ⵜⵡⵊⴰ, ⵙ ⵓⵙⵏⴼⵍⵓⵍ ⵏ ⵢⴰⵏ ⵓⵙⴰⵜⵉ ⵉⵎⵢⴰⵏⴰⵡⵏ ⴳ ⵜⵙⵓⴷⵙⵜ ⵏⵏⵙ, ⴰⴼⴰⴷ ⵉⵜⵜⵓⵙⵉⴷⴼ ⵓⵔⵣⵣⵓ ⴳ ⵜⵎⵙⵍⴰⵢⵉⵏ ⵜⵉⴼⵇⵀⵉⵢⵉⵏ ⵏⵏⴰ ⴷ ⵉⵜⵜⴰⵡⵉⵏ ⵉⵙⵏⴼⵍⵏ ⵉⵣⴷⵉⵏ ⴷ ⵜⵡⵊⴰ ⵜⵎⵖⵔⵉⴱⵉⵜ, ⴷ ⵎⴰⵢⴷ ⵜ ⵉⵅⵚⵚⴰⵏ ⵣⴳ ⵜⵔⴰⵔⵓⵜ ⵜⵉⵎⴰⵢⵏⵓⵜⵉⵏ ⵉⵜⵜⵎⵓⵏⵏ ⴷ ⵉⵃⵡⴰⵊⵏ ⵏ ⵡⵙⵙⴰⵏ ⴰⴷ.
ⵙ ⵓⵙⴼⵙⵙⵉ ⵏ ⵉⵎⴰⵙⵙⵏ ⵉⵎⵇⵇⵔⴰⵏⵏ ⵏ ⵓⵙⵏⴼⵍ ⵏ ⵓⴳⵔⴰⵡ ⵏ ⵜⵡⵊⴰ, ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ, ⴳ ⵜⴳⵉⵡⵜ ⴰⴷ, ⵎⴰⵙⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵎⴰⵡⵙⴰⵙⵏ ⴰⴷ ⵎⵢⴰⵡⴰⴹⵏ ⴷ ⵡⴰⵢⵢⴰⵡ ⴰⵎⴰⵜⴰⵢ, ⴰⴷ ⵉⵙⵙⵏ ⵜⵎⴰⵢⵏⵓⵜⵉⵏ ⵏ ⵓⵙⵏⴼⵍ ⴰⴷ, ⵏⵏⴰ ⵅⴼ ⵔⴰⴷ ⵜⵙⴽⵔ ⵜⵏⴱⴰⴹⵜ ⵎⴰⴷ ⵉⵅⵚⵚⴰⵏ, ⴳ ⵢⴰⵏ ⵡⴰⴽⵓⴷ ⵉⵎⵢⴰⵏⴰⵡⵏ, ⴰⴼⴰⴷ ⵜ ⵜⵙⵓⴷⵙ ⴷ ⵜⵙⵔⵙ ⴳ ⵢⴰⵏ ⵓⵙⵏⴼⵍ ⴰⵙⴰⵖⵓⵍ, ⵉⵜⵜⵎⴰⵏⵏ ⴷ ⵍⴰⵃⴽⴰⵎⵏ ⵉⴷⵓⵙⵜⵓⵔⵉⵢⵏ ⵉⵣⴷⵉⵏ.
ⴳ ⵎⴰⴷ ⵉⵥⵍⵉⵏ ⵙ ⵜⴰⵙⵏⵜⴰⵢⵜ ⵜⴰⵣⵔⴼⴰⵏⵜ ⵏ ⵓⵣⵣⵔⴰⵢ ⵓⵙⵍⴳⵏ ⵏ ⵜⴰⵡⵊⴰ ⴷ ⵎⴰⴷ ⵔⴰⵙⵜ ⵉⴹⴼⵕ ⵏ ⵉⵎⴹⵉⴽⵉⵕⵏ ⴷ ⵓⵙⵜⴰⵢ ⴳ ⵉⵙⵇⵇⵉⵎⵏ ⵏ ⵢⴱⵕⵍⵎⴰⵏ ⵉⵙⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴰⴷⵜ ⵉⵃⴼⴹ ⵕⴱⴱⵉ ⵙ ⵜⵉⵙⵉⵍⴰⵜⵉⵏ ⵍⵍⵉ ⵔⴰⴷ ⴰⵙ ⵉⵙⵙⵓⵜⵍ ⵉⵍⵍⴰⵏ ⴳ ⵜⴰⴱⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵉⵍⵍⴰ ⴳⵉⵙ ⵙⵍⴰⵡⴰⵏ ⴰⴽⴽⵯ ⴰⵣⵔⴼ ⴷ ⵓⵙⴰⵙⴰ ⴷ ⵓⵎⵢⴰⵡⴰⵙ ⵍⵍⵉ ⵉⵍⵍⴰⵏ ⴳ ⴷⴷⵉⵏ ⵏ ⵍⵉⵙⵍⴰⵎ ⴷ ⵉⵜⵉⴳⵏ ⵉⴳⵔⴰⵖⵍⴰⵏⵏ ⵍⵍⵉ ⵉⵍⵍⴰⵏ ⴳ ⵜⵉⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵅⴼ ⵉⵙⴳⵎⴹ ⵍⵎⵖⵔⵉⴱ.
ⵖⵎⴽⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵅⴼ ⵎⴰⵙ ⴷ ⵉⵇⵇⴰⵏ ⴰⵙⴽⵜⵉ ⵏ ⵜⵉⵔⴰⵜ ⵏ ⵓⵙⵡⵓⴷⴷⵓ ⴷ ⵓⵔⵕⵥⵥⵓⵎ ⵅⴼ ⵜⴰⵎⵔⵏⵉⵡⵜ ⵍⵍⵉ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⵙ ⵓⵕⵥⵥⵓⵎ ⵏ ⵜⴰⵙⵏⵜⴰⵢⵜ ⴰⴷ ⵏ ⵓⵙⵡⵓⴷⴷⵓ ⵉⵖⵓⴷⴰⵏ ⴷⴼⴼⵉⵔ ⵏ 20 ⵏ ⵓⵙⴳⴳⵯⴰⵙ ⵅⴼ ⵓⵙⵔⵙ ⵏ ⵓⵙⵍⴳⵏ ⵏ ⵜⴰⵡⵊⴰ ⴷ ⵓⵃⵟⵟⵓ ⴰⵣⵔⴼⴰⵏ ⴷ ⴰⵏⴰⵎⵓⵏ ⴷ ⴰⴷⴰⵎⵙⴰⵏ ⵜⴼⴽⴰ ⴰⵟⵟⴰⵙ ⴰⴷⴷⵓⵔ ⵉⵜⵉⵍⴰⵍⵜ ⵏ ⵜⴰⵡⵊⴰ ⵜⴰⵎⵖⵔⵉⴱⵉⵢⵜ ⵍⵍⵉ ⵉⴳⴰⵏ “ ⴰⵎⵎⴰⵙ ⵏ ⵓⵎⵓⵏ”.
ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵏⵚⵕ ⵕⴱⴱⵉ ⵓⵍⴰ ⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵉⵜⵜⵓⴼⴽⴰ ⴰⴷⴷⵓⵔ ⵉ ⵜⵉⵖⴰⵡⵙⵉⵡⵉⵏ ⵍⵍⵉ ⵔⴰⴷ ⵉⵙⴷⵓⴷ ⴰⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊ ⴰ ⵙ ⵜⴰⴷⵓⵙⵉ ⵏ ⵉⵔⵉⵎ ⵏ ⵜⵏⴱⴹⴰⵢⵜ ⵏ ⵜⴰⵡⵊⴰ ⴷ ⵓⵣⵣⵔⵣⵢ ⵏ ⵉⴹⵕⵉⵙⵏ ⵏ ⵜⵣⵔⵣⵜ ⴷ ⵓⵙⵏⵎⴰⵍⴰ ⵉⵥⵍⵉⵏ ⵉⵎⵓⵏ ⴷ ⵍⴰⵃⴽⴰⵎ ⵏ ⴷⴷⵓⵙⵜⵓⵔ ⴰⵎⴰⵢⴰⵢⵏⵓ ⴷ ⴰⴷ ⵉⵙⵙⴰⵏ ⵉⵣⵔⴼⴰⵏ ⵏⵏⵙⵏ.
ⵉⵣⵔⵉ ⵓⵏⵎⵓⵇⵇⴰⵔ ⴰⴷ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴷ ⵓⵎⴰⵡⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ ⴷ ⵓⵎⴰⵡⴰⵙ ⵏ ⵍⵃⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ ⴷ ⵜⴰⵎⴰⵡⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ ⵎⴰⵙⵙⴰ ⵏⴰⵄⵉⵎⴰ ⴱⵏⵢⴰⵃⵢⴰ."