ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⵉⵚⵜ

12 ⴷⵓⵊⴰⵏⴱⵉⵔ 2024 Version Imprimable

ⵕⵕⴱⴰⵟ - ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵡⴰⵙⵙ ⵏ ⵓⴽⵡⴰⵙ ⴷⵉ ⵕⵕⴱⴰⵟ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⵉⵚⵜ ⵎⴰⵙⵙⴰ ⵢⵉⵢⵍ ⴱⵔⵓⵏ-ⴱⵉⴼⵉ ⵏⵏⴰ ⵜⵙⴽⵔ ⴰⵔⴰⵣⴰⴼ ⵏ ⵜⵡⵓⵔⵉ ⵉ ⵜⴰⴳⵍⴷⵉⵜ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⴰⴽⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵏⴳⵔ ⵙⵏⵜ ⵜⵎⵓⵔⴰ .

ⵉⵏⵏⴰ ⵡⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙⵙ ⴰⵎⴰⴳⴳⴰⵔ ⴰⴷ ⵉⵜⵜⵓⵥⵡⴰⵍ ⵏ ⵉⵎⵢⴰⵙⵙⴰⵏ ⵏ ⵜⴷⴷⵓⴽⴽⵯⵍⴰ ⵉⵇⴱⵓⵔⵏ ⴷ ⵉⵅⴰⵜⴰⵔⵏ ⵏⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⵏⵏⴰ ⵎⵉ ⵉⵜⵜⵓⵙⴷⵓⵙⵏ ⵙ ⵓⵙⴳⵎⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ ⴷⵉ 28 ⴽⵜⵓⴱⵕ 2024 ⵜⵙⴳⵓⵔⵉ ⵉⵣⵍⵉⵏ ⵏ ⵜⴰⴷⵔⴰⵡⵜ ⵜⵓⵙⵍⵉⴷⵜ ⵉⴷⴷⵓⵙⵏ ⵉⵔⴰⵏ ⵏ ⵜⵉⵥⴹⵕⴰ ⵏ ⵙⵏⵜ ⵜⵎⵉⵣⴰⵔ ⴰⴷ ⵢⴰⵙⵉⵏ ⴰⴽⴽⵯ ⵜⵉⵏⵥⵕⵉⵏ ⴼ ⵜⵡⵍⴰⴷⴼⵜ ⵜⴰⵖⵓⴷⴰⵏⵜ ⴷ ⵓⵎⵓⵙⵙⵓ ⵏ ⴰⴽⴽⵯ ⵢⵉⴳⵔⵏ ⵉⵎⵙⵜⴳⴳⴰⵔⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⴰⵙⴳⵡⴰⵏ ⴷ ⴰⵎⴰⴹⵍⴰⵏ

ⴳ ⵓⵙⴰⵜⵉ ⴷⵖ ⵉⵙⵓⵜⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵡⴰⵏⵏⴰⵍ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ ⵏ ⵓⵙⵏⴱⴹ ⵏ ⵜⴳⵍⴷⵉⵜ ⴼ ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴷ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵀⴳ ⵓⵙⴰⵜⵉ ⵏ ⵓⴳⵣⵣⵓⵎ ⵏ ⵡⴰⴽⵍ ⵏ ⵍⵎⵖⵔⵉⴱ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%9C%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B5%9C%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B4%B0%E2%B4%BC%E2%B5%95%E2%B4%B0%E2%B5%8F%E2%B5%9A%E2%B5%89%E2%B5%9A%E2%B5%9C