Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⵎⴰⵙⵙ ⴱⵓⵕⵉⵟⴰ ⴰⵎⴰⵡⴰⵙ ⵏ ⴱⵕⵕⴰ ⵏ ⴷⵊⵉⴱⵓⵜⵉ ⴷ ⵢⵓⵙⵉⵏ ⵜⴰⴱⵔⴰⵜ ⵉⵜⵜⵢⴰⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⴰⵏⵙⵙⵉⵅⴼ ⵏ ⵜⵎⵓⵔⵜ ⵏⵏⵙ

ⵉⵙⵏⵓⴱⴳ ⵎⴰⵙⵙ ⴱⵓⵕⵉⵟⴰ ⴰⵎⴰⵡⴰⵙ ⵏ ⴱⵕⵕⴰ ⵏ ⴷⵊⵉⴱⵓⵜⵉ ⴷ ⵢⵓⵙⵉⵏ ⵜⴰⴱⵔⴰⵜ ⵉⵜⵜⵢⴰⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⴰⵏⵙⵙⵉⵅⴼ ⵏ ⵜⵎⵓⵔⵜ ⵏⵏⵙ

03 ⴷⵓⵊⴰⵏⴱⵉⵔ 2024 Version Imprimable
ⵕⵕⴱⴰⵟ - ⵉⵙⵏⵓⴱⴳ ⵓⵎⴰⵡⴰⵙ ⵏ ⵜⵉⵖⴰⵡⵙⵉⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ  ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ ⴰⵎⴰⵡⴰⵙ ⵏ ⵜⵉⵖⴰⵡⵙⵉⵙⵉⵏ ⵏ ⴱⵕⵕⴰ ⵏⵙⴷ ⵓⵎⵢⴰⵡⴰⵙ ⴰⴱⵔⴰⵖⵍⴰⵏ ⵏ ⴷⵊⵉⴱⵓⵜⵉ ⵎⴰⵃⵎⵓⴷ ⵄⴰⵍⵉ ⵢⵓⵙⴼ ⴷ ⵢⵓⵙⵉⵏ ⵜⴰⴱⵔⴰⵜ ⵉⵜⵜⵢⴰⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵚ ⵙⴳ ⴰⵏⵙⵙⵉⵅⴼ ⵏ ⵜⴰⴳⴷⵓⴷⵏⵜ ⵏ ⴷⵊⵉⴱⵓⵜⵉ ⵎⴰⵙⵙ ⵉⵙⵎⴰⵄⵉⵍ ⵄⵓⵎⴰⵔ ⵊⵉⵍⵉ.

ⵉⵏⵏⴰ ⵎⴰⵙⵙ ⵄⴰⵍⵉ ⵢⵓⵙⴼ ⴳ ⵜⴰⵙⴳⵓⵔⵉ ⵜⴰⵏⵖⵎⴰⵙⵜ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⴰⴷ ⵎⴰⵙ ⵍⵍⴰⵏ ⴷⴰⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⴳⴷⵓⴷⵏⵜ ⵏ ⴷⵊⵉⴱⵓⵜⵉ ⵉⵎⵢⴰⵙⵙⴰⵏ ⵉⴷⵓⵙⵏ ⵉⴱⵏⴰⵏ ⵅⴼ ⵍⵉⵃⵜⵉⵔⴰⵎ ⴷ ⵜⴰⴳⵎⴰⵜ ⵜⴰⵄⵔⴰⴱⵜ ⴷ ⵍⵉⵙⵍⴰⵎ ⵢⵉⵍⵉ ⴷⴰⵔⵙⵏⵜ ⵜⵉⵏⵙⵙⵉⵅⵉⴼⵉⵏ ⵉⵖⵓⴷⴰⵏ ⵉⵙⴽⴰⵔⵏ ⵜⵓⴳⴳⴰⵙ ⴰⴼⴰⴷ ⴰⴷ ⵢⵢⵍⵉ ⵓⵏⴱⴰⴹ ⵉⵖⵓⴷⴰⵏ ⴷ ⵜⵉⴳⵎⵉ ⴷ ⵜⵓⴷⵔⵜ ⵉⵖⵓⴷⴰⵏ ⵉ ⵉⴳⴷⵓⴷⵓⵏ ⵏⵏⵙⵏⵜ.

 ⵉⵔⵏⵓ ⵉⵏⵏⴰ ⵎⴰⵙ ⵜⴱⴷⴷ ⵜⴳⵍⴷⵉⵜ ⴱⴷⴷⴰ ⴳ ⵜⵙⵎⴰ ⵏ ⴷⵊⵉⴱⵓⵜⵉ ⴳ ⵓⴱⵔⵉⴷ ⵏⵏⵙ ⵏ ⵜⵉⴳⵎⵉ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵙⴳⵎⵉ ⴰⵏⴰⴼⵍⵍⴰ ⵍⵍⵉⵖ ⵕⵥⵎⵏⵜ ⵜⵉⵙⴷⴰⵡⵉⵏ ⵏⵏⵙ ⵜⵉⴼⵍⵡⵉⵏ ⵏⵏⵙⵏⵜ ⵉ ⵉⵏⵍⵎⴰⴷⵏ ⵉⴷⵊⵉⴱⵓⵜⵉⵢⵏ , ⵉⵙⴰⵡⵍ ⵓⵍⴰ ⵅⴼ ⵉⴳⵔⴰⵏ ⵏ ⵓⵎⵢⴰⵡⴰⴷⵙ ⴳⵔ ⵜⵉⵎⵉⵣⴰⵔ ⵙⵏⴰⵜ ⵙⵍⴰⵡⴰⵏ ⴰⴽⴽⵯ ⴳ ⵍⴰⴱⵏⴰⴽ ⴷ ⵜⵓⵙⴽⴰ ⴷ ⴰⵙⵙⴰⵔⵓ ⴷ ⵜⴰⵎⴰⵍⵍⴰⵢⵜ.

ⵉⵏⵏⴰ ⵓⵎⴰⵙⵡⴰⵙ ⵏ ⴳⵊⵉⴱⵓⵜⵉ “ ⴰⵔ  ⵏⵜⵜⴰⵏⴰⵢ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴰⵏⴰⵡ ⵏ ⵜⵉⴳⵎⵉ ⵍⵍⵉ ⵏⵥⴹⴰⵕ ⴰⴷ ⵜⴰⵎⵥ ⴰⴱⵔⵉⴷ ⵏⵏⵙ”.

ⴳ ⵜⴰⵙⴳⴰ ⵢⴰⴹⵏ ⵉⵙⴰⵡⵍ ⵓⵎⴰⵡⴰⵙ ⵏ ⴷⵊⵉⴱⵓⵜⵉ ⵉ ⵓⵙⵙⵎⵏⵉⴷ ⵏ ⵜⵎⴰⵣⵉⵔⵜ ⵏⵏⵙ ⴰⴼⴰⴷⴰ ⴷ ⵢⴰⵎⵥ ⴰⵏⵙⴰ ⵏ ⵓⵏⵙⵙⵉⵅⴼ ⵏ ⵜⴰⴳⵔⴰⵡⵜ ⵏ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⴷⴼⴼⵉⵔ ⵏ ⵓ,ⵙⵙⵉⵅⴼ ⵎⵓⵙⴰ ⵎⵓⵃⵎⵎⴷ ⴼⵇⵇⵉ ⵍⵍⵉ ⵎⵉ ⵉⴽⵎⵍ ⵓⵣⵎⵣ ⵏⵏⵙ ⴳ ⵡⴰⵢⵢⵓⵔ ⵏ ⴼⴱⵔⴰⵢⵔ , ⵉⵔⵔⵏⵓ ⵉⵏⵏⴰ “ ⵓⵛⴽⵓⵅⴷ ⴰⴷ ⵜⵜⵔⵖ ⴰⵏⵏⴰⵍ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ”.

 ⵉⵣⵎⵎⴻⵎ  ⵓⵍⴰ ⵎⴰⵙ ⴷⴰⵔ ⵉⴼⵔⵉⵇⵢⴰ ⵜⵓⴳⵜ ⵏ ⵜⴰⵙⵙⴰⵙⵉⵏ , ⵉⵙⴷⴷⵉⴷ ⵎⴰⵙ ⵉⵙⵙⵏ ⵜⴰⵎⵙⵙⵓⴳⵓⵔⵜ ⵍⵍⵉ ⴼⵍⵍⴰⵙ ⵉⵍⵍⴰⵏ ⴷ ⵕⵕⵊⴰ ⵏ ⵉⴳⴷⵓⴷⵏ ⴷ ⵉⵡⴰⵏⴽⵏ ⵏ ⵉⴼⵔⵉⵇⵢⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B5%8F-%E2%B4%B7%E2%B5%8A%E2%B5%89%E2%B4%B1%E2%B5%93%E2%B5%9C%E2%B5%89-%E2%B4%B7-%E2%B5%A2%E2%B5%93%E2%B5%99%E2%B5%89%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89%E2%B5%9C%E2%B5%9C%E2%B5%A2%E2%B4%B0%E2%B5%94%E2%B4%B0%E2%B5%8F-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94