Published on MAPNews (https://www.mapnews.ma/am)

Accueil > ⴰⵙⵜⴰⵢ ⵏ ⵍⵎⵖⵔⵉⴱ ⵜⵉⴽⵍⵉⵜ ⵢⴰⴹⵏ ⴳ ⵓⴳⵔⴰⵡ ⵏ ⵉⵡⵜⵜⴰ ⵏ ⵍⵊⵔⴼ ⵏ ⵓⵎⵏⵥⴰⵡ 

ⴰⵙⵜⴰⵢ ⵏ ⵍⵎⵖⵔⵉⴱ ⵜⵉⴽⵍⵉⵜ ⵢⴰⴹⵏ ⴳ ⵓⴳⵔⴰⵡ ⵏ ⵉⵡⵜⵜⴰ ⵏ ⵍⵊⵔⴼ ⵏ ⵓⵎⵏⵥⴰⵡ 

27 ⵏⵓⵡⴰⵏⴱⵉⵔ 2024 Version Imprimable
ⵏⵢⵓⵢⵓⵔⴽ - ⵜⴻⵜⵜⵢⵙⵜⴰⵢ ⵜⵉⴳⵍⴷⵉⵜ ⵏ  ⵍⵎⵖⵔⵉⴱ ⵜⵉⴽⵍⵉⵜ ⵢⴰⴹⵏ ⴳ ⵙ ⵢⴰⵏ ⵡⴰⵏⴰⵡ ⵉⵖⵓⴷⴰⵏ ⴰⵙⵙ ⵏ ⵓⴽⵔⴰⵙ ⵓⴳⵔⴰⵡ ⵏ ⵉⵡⵜⵜⴰ ⵏ ⵍⵊⵔⴼ ⵏ ⵓⵎⵏⵥⴰⵡ ⴳ ⵓⵣⵎⵣ ⵏ 2025-2028  ⵙⵓⵣⵎⵣⵣⵓ ⵏ ⵉⵙⵜⴰⵢⵏ ⵉⵎⵥⵢⵏⵏ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⵏⵎⵓⵇⵇⴰⵔ ⵡⵉⵙⵙ 34 ⵏ ⵉⴳⵎⴰⵎⵏ ⴳ ⵜⴰⵎⵢⴰⵇⵇⴰⵏⵜ ⵏ ⵜⵉⵎⵜⵜⴰ ⵉⵎⵓⵏⵏ ⵏ ⵓⵣⵔⴼ ⵏ ⵉⵍⵍⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵉⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵎⴰⵙ ⵉⵜⵜⵓⵙⵜⴰⵢ ⵓⵎⴰⵔⵉ ⴰⵎⵖⵔⵉⴱⵉⵢ ⴰⵃⵎⴰⴷ ⵔⴰⵊⵉ ⵙ ⵜⵓⴳⵜ ⵍⵍⵉ ⵢⵉⵡⵉ 136 ⵏ ⵓⴳⵕⴹ ⵙⴳ 139 ⵏ ⵜⵉⵎⵉⵣⴰⵔ ⵉⴷⵔⴰⵏ ⴳ ⵉⵙⵜⴰⵢⵏ ⴰⴷ ⴳ ⵓⵏⵙⴰ ⵏ ⵓⵎⵖⵔⵉⴱⵉⵢ ⵍⵍⵉ ⵉⴼⵖⵏ ⵎⵉⵍⵓⴷ ⵍⵓⴽⵉⵍⵉ ⴰⵙⵍⵎⴰⴷ ⵏ ⵓⵣⵔⴼ ⴰⴳⵔⴰⵖⵍⴰⵏ ⴷ ⵉⵔⵣⵣⵓⵜⵏ ⵏ ⵉⵍⵍ.

ⴰⵔ ⵉⵎⵎⴰⵍ ⵓⵎⵓⵔⵙ ⴰⴷ ⴰⵎⴰⵢⵏⵓ  ⴳ ⵉⵙⵜⴰⵢⵏ ⴰⴷ ⵜⴰⵎⴰⵜⴰⵔⵜ ⵜⴰⵎⵇⵔⴰⵏⵜ ⵏ ⵍⵎⵄⵇⵓⵍ ⵍⵍⵉ ⵉⵍⵍⴰⵏ ⴷⴰⵔ ⵍⵎⵖⵔⵉⴱ ⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ  ⴳ ⵓⴳⵏⵙ ⵏ ⵜⵉⵎⵜⵜⴰ ⵉⵎⵓⵏⵏ ⴷ ⵜⵉⵎⵔⵙⴰⵍⵉⵏ ⵜⵉⴳⵔⴰⵖⵍⵉⵏ ⵉⵥⵍⵉⵏ ⴰⴼⴰⴷ ⵜⴰⵏⴽⵔⴰ ⵙ ⵜⴰⴷⴰⵎⵙⴰ ⵜⴰⵏⵉⵍⵉⵜ ⵍⵍⵉ ⵉⴳⴰⵏ ⵜⴰⵙⵉⵍⴰ ⵏ ⵜⵉⴳⵎⵉ ⴳ ⵓⵎⴰⴹⴰⵍ.

 ⴰⵔ ⵉⵙⵡⵓⵔⵉ ⵍⵎⵖⵔⵉⴱ ⵉⴷⵓⵙⵏ ⵙ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵙ ⵍⵉⵍⵜⵉⵣⴰⵎ ⴰⴼⴰⴷ ⵜⵓⵙⴽⴰ ⵏ ⵢⴰⵏ ⵡⴰⵎⵓⵏ ⵍⵍⵉ ⴷⴰⵔ ⵜⵉⵢⴰⴼⵓⵜⵉⵏ ⴷ ⵡⴰⴷⵊⴰⵔⵏ ⵏⵏⵙ ⴳ ⵉⴼⵔⵉⵇⵢⴰ ⴷ ⵉⵎⴷⵔⴰⵡⵏ ⵏⵏⵙ ⴳ ⵓⵎⴰⴹⴰⵍ ⵙⴳ ⵜⴰⵏⴽⵔⴰ ⵙ ⵉⵙⴰⴳⵎⵏ ⵏⵏⵙ ⴷ ⵓⵙⵔⵙ ⵏ ⵏ ⵢⴰⵜ ⵜⴱⵔⵉⴷⵜ ⵜⴰⵎⵢⵏⵓⵜ ⵏ ⵓⵎⵢⴰⵡⴰⵙ ⴰⵏⵎⵏⴰⴹ ⴷ ⵓⵎⵢⴰⵡⴰⵙ.

ⵉⵍⵍⴰ ⴷⴰⵔ ⵍⵎⵖⵔⵉⴱ ⵙⵉⵏ ⵉⴷⵖⴰⵔⵏ ⵏ ⵉⵍⵍ ⴳ ⵉⵍⵍⴰ ⵓⴳⴳⴰⵔ ⵏ 3500 ⵏ ⴽⵉⵍⵓⵎⵉⵜⵔ ⴷ ⵓⵏⵙⴰ ⴰⵊⵓⵖⵔⴰⴼⵉ ⴰⵙⵜⵔⴰⵜⵉⵊⵉ ⴳ ⵜⴰⵎⵓⵏⵜ ⵏ ⴽⵕⴰⵟ ⵏ ⵉⵎⵏⵥⴰⵡⵏ : ⵉⴼⵔⵉⵇⵢⴰ ⴷ ⴷ ⵓⵕⵓⴱⴱⴰ ⴷⴰⵎⵔⵉⴽⴰ ⵎⴰⵢⴰⴷ ⵢⵓⵊⵊⴰ ⵜⵉⴳⵍⴷⵉⵜ ⵜⴳⴰ ⴰⵎⵙⴽⴰⵔ ⴰⵅⴰⵜⴰⵔ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⵏⵏⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴰⴼⴰⴷ ⵜⵉⴳⵎⵉ ⵜⴰⵙⵓⵍⴰⵏⵜ ⴳ ⵉⴼⵔⵉⵇⵢⴰ.
 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%9C%E2%B4%B0%E2%B5%A2-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%89%E2%B5%A1%E2%B5%9C%E2%B5%9C%E2%B4%B0-%E2%B5%8F-%E2%B5%8D%E2%B5%8A%E2%B5%94%E2%B4%BC-%E2%B5%8F-%E2%B5%93%E2%B5%8E%E2%B5%8F%E2%B5%A5%E2%B4%B0%E2%B5%A1%C2%A0