ⵚⵚⵃⵕⴰ ⵜⴰⵎⵖⵔⵉⴱⵉⵢⵜ .. ⵜⵎⵍⴰ ⵀⴰⵏⴳⴰⵔⵢⴰ ⴰⵏⵏⴰⵍ ⵏⵏⵙ ⵉ ⵉ ⵢⵓⵖⴰⵡⴰⵙ ⵏ ⵍⵃⵓⴽⵎ ⴷⴷⴰⵜⵉ ⵉⴳⴰⵏ ⵜⴰⵙⵉⵍⴰ ⵏ ⵍⵎⴰⵄⵇⵓⵍ ⴰⴼⴰⴷ ⴰⴼⵙⴰⵢ ⵏ ⵓⵎⵏⵣⴰⵖ (ⴰⵙⵉⵡⴹ ⵉⵛⵛⴰⵔⵏ)

27 ⵏⵓⵡⴰⵏⴱⵉⵔ 2024 Version Imprimable

ⵕⵕⴱⴰⵟ - ⴳ ⵓⵙⴰⵜⵉ ⵏ ⵜⴰⴷⵉⵏⴰⵎⵉⵜ ⵜⴰⴳⵔⴰⵖⵍⴰⵏⵜ ⵍⵍⵉ ⵉⵜⵜⴰⵓⵙⴽⴰⵔⵏ ⵙ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵡⴰⵏⵏⴰⵍ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵉⵎⵓⵏ ⴷ ⵚⵚⵃⵕⴰⵏⵏⵙ ⴷ ⵓⵖⴰⵡⴰⵙ ⵏ ⵍⵃⵓⴽⵎ ⴷⴷⴰⵜⵉ, ⵜⵎⵍⴰ ⵀⴰⵏⴳⴰⵔⵢⴰ ⴰⵏⵏⴰⵍ ⵏⵏⵙ ⵉ ⵜⵓⴳⴳⴰⵙ ⵍⵍⵉ ⵜⵙⴽⴰⵔ ⵜⵉⴳⵍⴷⵉⵜ ⴰⴼⴰⴷ ⵜⴰⵢⴼⵓⵜ ⵏ ⵢⴰⵏ ⵓⴼⵙⴰⵢ ⵏ ⵜⴰⵎⵙⴰⵔⵜ ⵏ ⵚⵚⵃⵕⴰ ⴷ ⴰⵏⵏⴰⵍ ⵏⵏⴰ ⵉ ⵓⵖⴰⵡⴰⵙ ⵏ ⵍⵃⵓⴽⵎ ⴷⴷⴰⵜⵉ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴳ 2007 , ⵜⵏⵏⴰ ⵎⴰⵙ ⵉⴳⴰ ⵜⴰⵙⵉⵍⴰ ⵏ ⵍⵎⴰⵄⵇⵓⵍ ⴰⴼⴰⴷ ⴰⴼⵙⴰⵢ ⵏ ⵓⵎⵏⵣⴰⵖ ⴰⴷ.

ⵜⴰⵏⵏⴰⵢⵜ ⴰⴷ ⵜⵎⵍⴰⵜ ⵀⴰⵏⴳⴰⵔⵢⴰ ⴳ ⵓⵙⵉⵡⴹ ⵉⵛⵛⴰⵔⵏ ⵉⵜⵜⵓⵙⴳⵎⴰⴹⵏ ⴳ ⵜⵉⴳⵉⵔⴰ ⵏ ⵓⵏⵎⵓⵇⵇⴰⵔ ⴰⵙⵙ ⵏ ⵓⴽⵔⴰⵙ ⴳⵔ ⵓⵎⴰⵡⴰⵙ ⵏ ⵜⵉⵖⴰⵡⵙⵉⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⵇⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵓⵎⴰⵡⴰⵙ ⵏ ⵀⴰⵏⴳⴰⵔⵢⴰ ⵎⴰⵙⵙ ⴱⵉⵜⵉⵔ ⵙⵣⵉⵊⴰⵔⵜⵓ.

ⵙⴷⴷⵉⴷⵏ ⵉⵎⴰⵡⵙⵏ ⵙⵉⵏ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏⵏⵙⵏ ⵉ ⵜⴰⵡⵓⵔⵉ ⵜⴰⵙⵔⵜⴰⵏⵜ ⵍⵍⵉ ⵎⵉ ⵜⵣⵡⴰⵔ ⵜⵉⵎⵜⵜⴰ ⵉⵎⵓⵏⵏ ⴷ ⵜⵓⴳⴳⴰⵙ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⵜⴰⵢⴰⴼⵓⵜ ⵏ ⵓⴼⵔⴰ ⵏ ⵜⴰⵎⵙⴰⵔⵜ ⵏ ⵚⵚⵃⵕⴰ ⵉⵎⵙⴰⵙⴰⵏ ⴷ ⵜⵉⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⴰⵏⴼⵔⵓⵜ.

ⵉⵎⵍⴰ ⵍⵎⵖⵔⵉⴱ ⴷ ⵀⴰⵏⴳⴰⵔⵢⴰ “ ⵜⵉⵍⴰⵍⵜ ⵏⵏⵙⵏ ⵉⵖⵓⴷⴰⵏ ⴳ ⵓⵃⵟⵟⵓ ⵏ ⵍⵉⵙⵜⵇⵔⴰⵔ ⴷ ⵜⴰⵏⴼⵔⵓⵜ ⴷ ⵜⴰⵏⴳⵔⵉ ⴳ ⵜⵉⵙⴳⴳⵉⵡⵉⵏ ⵏⵏⵙⵏ , ⵣⵎⵎⴻⵎⵏ ⵓⵍⴰ ⵎⴰⵙ ⵓⵎⵥⵏ ⴳ ⵉⵎⵏⵣⴰⵢⵏ ⵏⵏⵙⵏ ⴷ ⵓⵍⴰ ⴰⴼⵔⴰ ⴰⵏⴰⴳⵔⴰⵢ ⵏ ⵉⵎⵏⵣⴰⵖⵏ ⴷ ⵍⵉⵃⵜⵉⵔⴰⵎ ⵏ ⵡⴰⴽⴰⵍ ⵏ ⵉⵡⴰⵏⴽⵏ ⵎⴰⵢⴰⴷ ⴰⴷ ⵉⵍⵍⴰⵏ ⴳ ⵓⵙⵉⵡⴹ ⵉⵛⵛⴰⵔⵏ.

ⵙ ⵜⴰⵏⵏⵢⵜ ⵏⵏⵙ ⵜⴰⵎⵢⵏⵓⵜ ⵉⴷⵓⵙⵏ, ⵜⵎⵙⴰⵙⴰ ⵀⴰⵏⴳⴰⵔⵢⴰ ⴷ ⵓⵣⵎⵣ ⴰⵎⴰⵢⵏⵓ ⵏ ⵜⵉⴳⵉⵔⴰ ⵍⵍⵉ ⵜⵙⵙⴼⵓⵍⴽⵉ ⵜⴰⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⴰⵏⴼⵔⵓⵜ ⵏ ⵜ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C-%E2%B5%9C%E2%B5%8E%E2%B5%8D%E2%B4%B0-%E2%B5%80%E2%B4%B0%E2%B5%8F%E2%B4%B3%E2%B4%B0%E2%B5%94%E2%B5%A2%E2%B4%B0-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%89-%E2%B5%A2%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%C2%A0%E2%B5%8F-%E2%B5%8D%E2%B5%83%E2%B5%93%E2%B4%BD%E2%B5%8E-%E2%B4%B7%E2%B4%B7%E2%B4%B0%E2%B5%9C%E2%B5%89-%E2%B5%89%E2%B4%B3%E2%B4%B0%E2%B5%8F-%E2%B5%9C%E2%B4%B0%E2%B5%99%E2%B5%89%E2%B5%8D%E2%B4%B0-%E2%B5%8F