Published on MAPNews (https://www.mapnews.ma/am)

Accueil > ⵜⴰⵎⵙⵎⵓⵏⵜ ⵜⴰⵙⵔⴰⵜⵏⵜ ⵏ ⵓⴽⴰⴱⴰⵔ ⵏ ⵓⴳⴷⵓⴷ ⵏ ⵓⵕⵓⴱⴱⴰ ..ⴰⵙⵎⵏⵉⴷ ⵏ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⴰⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⴰⵥⴹⴰⵕⵜ ⵜⴰⵙⵓⵍⴰⵏⵜ

ⵜⴰⵎⵙⵎⵓⵏⵜ ⵜⴰⵙⵔⴰⵜⵏⵜ ⵏ ⵓⴽⴰⴱⴰⵔ ⵏ ⵓⴳⴷⵓⴷ ⵏ ⵓⵕⵓⴱⴱⴰ ..ⴰⵙⵎⵏⵉⴷ ⵏ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⴰⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⴰⵥⴹⴰⵕⵜ ⵜⴰⵙⵓⵍⴰⵏⵜ

26 ⵏⵓⵡⴰⵏⴱⵉⵔ 2024 Version Imprimable
ⴼⴰⵍⵉⵜⴰ - ⵉⵎⵍⴰ ⵓⴽⴰⴱⴰⵔ ⴰⵎⵖⵔⵉⴱⵉ ⵉⴷⵔⴰⵏ ⴳ ⵉⵎⵓⵙⵙⵓⵜⵏ ⵏ ⵜⴰⵎⵙⵎⵓⵏⵜ ⵜⴰⵙⵔⴰⵜⵏⵜ ⵏ ⵓⴽⴰⴱⴰⵔ ⵏ ⵓⴳⴷⵓⴷ ⵏ ⵓⵕⵓⴱⴱⴰ ⵍⵍⵉ ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ  21 ⴷ 22 ⵏ ⵏⵓⵡⴰⵏⴱⵉⵔ ⴳ ⴼⴰⵍⵉⵜⴰ /ⵎⴰⵍⵟⴰ/ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⴰⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⴰⵥⴹⴰⵕⵜ ⵜⴰⵙⵓⵍⴰⵏⵜ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ.

ⴳ ⵜⴰⵎⵙⵎⵓⴱⵜⴰ ⴷ ⵍⵍⵉⵖ ⴷⵔⴰⵏ ⵉⵎⵙⴽⴰⵔⵏ ⵉⵙⵔⴰⵜⵏⵏ ⵏ ⵓⵕⵓⴱⴱⴰ ⴷ ⵜⴰⵙⴳⴰ ⵏ ⵉⵍⵍⴰ ⵓⵎⵍⵉⵍ ⴰⵏⴰⵎⵎⴰⵙ ⴰⴼⴰⴷ ⴰⵎⴹⵉⴽⵉⵕ ⵅⴼ ⵜⴰⵙⵙⴰⵙⵉⵏ ⵜⵉⵙⵜⵔⴰⵜⵉⵊⵉⵢⵏ ⵜⵉⵅⴰⵜⴰⵔⵉⵏ ⵍⵍⵉ ⵉⵍⵍⴰⵏ ⵎⵏⵉⴷ ⵏ ⵜⴰⵙⴳⴰ , ⵉⵙⴷⴷⵉⴷ ⵎⴰⵙⵙ ⵍⵃⵙⵏ ⵃⴷⴷⴰⴷ ⴰⵎⴰⵔⵉ ⵏ ⵓⴽⴰⴱⴰⵔ ⵏ ⵍⵉⵙⵜⵉⵇⵍⴰⵍ ⵎⴰⵔ ⴰⵔ ⵎⴰⵍⵏⵜ ⵜⵉⵙⵏⵜⴰⵢⵉⵏ  ⵜⵉⵙⵜⵔⴰⵜⵉⵊⵉⵢⵉⵏ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⵍⵉⵍⵜⵉⵣⴰⵎ ⵏⵏⵙ ⵙ ⵉⵎⴰⵍ ⴰⵙⵓⵍⴰⵏ ⵉⵖⵓⴷⴰⵏ ⵉ ⵜⴰⵙⴳⴰ ⵏ ⵓⵕⵓⴱⴱⴰ ⴷ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ.

ⴳ ⵓⵙⴰⵜⵉ ⵢⴰⴷ, ⵉⵎⵍⴰ ⵎⴰⵙⵙ ⵃⴷⴷⴰⴷ ⵜⴰⵙⵏⵜⴰⵢⵜ ⵏ ⵓⵎⵙⴰⵙⴰ ⵏ ⵜⴰⴼⵍⵍⵃⵜ ⵏ ⵉⴼⵔⵉⵇⵢⴰ  (AAA) ⵍⵍⵉ ⵉⵜⵜⵓⵕⵥⵎⵏ ⴳ ⵓⵙⴳⴳⴰⵙ 2016 ⵉⴳⴰⵏ ⴰⴼⵙⴰⵢ ⴰⵎⴰⵢⵏⵓ ⵎⵏⵉⴷ ⵜⵉⵖⴰⵡⵙⵉⵡⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ , ⵉⵣⵎⵎⴻⵎⴻ ⵎⴰⵙ ⵔⴰⵏⵜ ⵜⵉⵙⵏⵜⴰⵢⵉⵏ ⴰⴷ ⴰⵙⴷⵓⵙ ⵏ ⵜⴰⴼⵍⵍⴰⵃⵜ ⵏ ⵉⴼⵔⵉⵇⵢⴰ ⵙ ⵜⵉⵡⵓⵔⵉⵡⵉⵏ ⵜⵉⵙⵓⵍⴰⵏⵉⵏ ⴷ ⴰⵏⵏⴰⵍ ⴰⵜⵉⵇⵏⵉ ⵉⴷⵓⵙⵏ ⵎⴰⵢⴰⴷ ⵔⴰⴷ ⵢⴰⵡⵙ ⴳ ⵍⵉⵙⵜⵉⵇⵔⴰⵔ ⵏ ⵉⵏⴰⵎⵓⵏⵏ ⵉⵏⴼⵔⴰⵏⵏ ⴷ ⵓⵙⴱⴷ ⵏ ⵓⵣⵡⴰⴳ ⵏ ⴱⵣⵣⴻⵣ.

ⵖⵎⴽⵍⵍⵉ ⵉⵙⴰⵡⵍ ⵅⴼ ⵜⵉⵍⴰⵍⵜ ⴰⵎⵣⵡⴰⵔⵓⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⴰⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵉⵙⴰⴳⵎⵏ ⵏ ⵜⵉⴳⵍⴷⵉⵜ ⴳ ⵜⴰⵎⵔⵏⵉⵡⵜ ⵏ ⵍⵀⵉⴷⵔⵓⵊⵉⵏ ⴰⵣⴳⵣⴰⵡ ⵙ ⵜⴰⵡⵓⵔⵉ ⵏ ⵜⴰⴷⵔⴰⵡⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⴷ  ⵜⵉⵎⵙⵙⵏⵜⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⵣⵓⵏⴷ “ⵟⵓⵟⴰⵍ ⵉⵏⵉⵔⵊⵉ”.

 ⴳ ⵜⴰⵙⴳⴰ ⵏⵏⵙ, ⵉⵖⵔⴰ ⵎⴰⵙⵙ ⵎⵚⵟⴰⴼⴰ ⴱⴰⵢⵜⴰⵙ ⴰⵎⴰⵔⵉ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴰⵙⵎⴰⵢⵏⵓ ⵏ ⵉⵎⵢⴰⵙⵙⴰⵏ ⴳⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⴰⵔⵊⴰⵍⵏ ⵏⵏⵙ ⴳ ⵉⴼⴼⵓⵙ ⵉⵍⵍⴰⵏ ⵅⴼ ⵜⴰⵣⵔⴼⵜ ⴷ ⵓⵎⵢⴰⵡⴰⵙ ⴰⵙⵜⴰⵔⵜⵉⵊⵉ.

ⴳ ⵓⴷⵖⴰⵍ ⵍⵍⵉⵖ ⵉⵙⴰⵡⵍ ⵅⴼ ⵜⴰⵣⵡⴰⴳⵜ ⵏ ⵉⵍⵍⵏⵉⵜⵏ ⵉⵙⴷⵉⴷ ⵎⴰⵙⵙ ⴱⴰⵢⵜⴰⵙ ⵅⴼ ⵎⴰⵙⴷ ⵉⵇⵇⴰⵏ ⵜⴰⵢⴰⴼⵓⵜ ⵏ ⵉⴼⵙⴰⵢⵏ ⵉⵙⵓⵍⴰⵏⵏ ⵏ ⵓⵙⴱⴷⴷ ⵏ ⵜⴰⵣⵡⴰⴳⵜ ⴰⴷ ⵙ ⵓⵙⵙⴰⵔⵓ ⴳ ⵜⵉⴳⵔⴰⵡⵉⵏ ⵜⵏⵎⵏⴰⴹⵉⵏ ⴷ ⵓⵙⵔⴰ ⵏ ⵜⴰⴷⵔⴰⵡⵉⵏ ⵍⵍⵉ ⵢⴰⴽⴽⴰⵏ ⵜⴰⵢⴼⵓⵜⵉⵏ ⵉ ⵉⴷⵖⴰⵔⵏ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ .

  ⴳ ⵎⴰⴷ ⵉⵥⵍⵉⵏ ⵙ ⵓⵎⵓⵜⵜⵉ ⵏ ⵜⴰⵥⴹⴰⵕⵜ , ⵉⵙⵙⴽⵜⵉⴷ ⵎⴰⵙⵙ ⴱⴰⵢⵜⴰⵙ ⵎⴰⵙ ⵜⵍⵍⴰ ⴷⴰⵔ ⵍⵎⵖⵔⵉⴱ ⵜⵉⵍⴰⵍⵜ ⵜⴰⵎⵇⵔⴰⵏⵜ ⴳ ⵓⵎⵓⵜⵜⵉ ⵏ ⵜⴰⵥⴹⴰⵕⵜ ⵜⴰⴳⵔⴰⵖⵍⴰⵏⵜ ⵙ ⵉⵙⴰⴳⵎⵏ ⵏⵏⵙ ⵉⵎⴰⵢⵏⵓⵜⵏ ⴷ ⵉⵎⵉⵙⵏ ⵏⵏⵙ ⵉⵖⵓⴷⴰⵏ ⴰⴼⴰⴷ ⵜⴰⵎⵔⵏⵉⵡⵜ ⵏ ⵍⵀⵉⴷⵔⵓⵊⵉⵏ ⴰⵣⴳⵣⴰⵡ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%99%E2%B5%94%E2%B4%B0%E2%B5%9C%E2%B5%8F%E2%B5%9C-%E2%B5%8F-%E2%B5%93%E2%B4%BD%E2%B4%B0%E2%B4%B1%E2%B4%B0%E2%B5%94-%E2%B5%8F-%E2%B5%93%E2%B4%B3%E2%B4%B7%E2%B5%93%E2%B4%B7-%E2%B5%8F-%E2%B5%93%E2%B5%95%E2%B5%93%E2%B4%B1%E2%B4%B1%E2%B4%B0-%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%9C%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3