Published on MAPNews (https://www.mapnews.ma/am)

Accueil > ⵜⵉⵎⵜⵜⴰ ⵉⵎⵓⵏⵏ .. ⵉⵜⵜⵓⵙⵜⴰⵢ ⵎⴰⵙⵙ ⵀⵉⵍⴰⵍ ⴰⵏⵙⵙⵉⵅⴼ ⵏ ⵓⴳⵔⴰⵡⴰ ⵡⵉⵙⵙ ⵚⴹⵉⵚ ⵏ ⵓⵙⵔⵓⵙ ⵏ ⵜⴰⵙⴳⴰ ⴳ ⵓⵔ ⵍⵍⴰⵏ ⵉⵍⴰⴼⵏ ⵉⵖⵢⴰⵢⴰⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ  

ⵜⵉⵎⵜⵜⴰ ⵉⵎⵓⵏⵏ .. ⵉⵜⵜⵓⵙⵜⴰⵢ ⵎⴰⵙⵙ ⵀⵉⵍⴰⵍ ⴰⵏⵙⵙⵉⵅⴼ ⵏ ⵓⴳⵔⴰⵡⴰ ⵡⵉⵙⵙ ⵚⴹⵉⵚ ⵏ ⵓⵙⵔⵓⵙ ⵏ ⵜⴰⵙⴳⴰ ⴳ ⵓⵔ ⵍⵍⴰⵏ ⵉⵍⴰⴼⵏ ⵉⵖⵢⴰⵢⴰⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ  

26 ⵏⵓⵡⴰⵏⴱⵉⵔ 2024 Version Imprimable
ⵜⵉⵎⵜⵜⴰ ⵉⵎⵓⵏⵏ/ ⵏⵢⵓⵢⵓⵔⴽ/ - ⵉⵙⵜⵉ ⵓⴳⵔⴰⵡ ⵏ ⵓⵙⵔⵓⵙ ⵏ ⵜⴰⵙⴳⴰ ⴳ ⵓⵔ ⵍⵍⴰⵏ ⵉⵍⴰⴼⵏ ⵉⵖⵢⴰⵢⴰⵏ  ⵏⵖ ⵉⵍⴰⴼⵏ ⴷⴷⴰⵎⴰⵕ ⵉⴳⴳⵓⵜⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ ⴰⵎⵙⵇⴰⴷ ⴰⵙⵎⴷⵢⴰ ⴰⵙⵓⵍⴰⵏ ⵏ ⵍⵎⵖⵔⵉⴱ ⴷⴰⵔ ⵜⵉⵎⵜⵜⴰ ⵉⵎⵓⵏⵏ ⴰⵏⵙⵙⵉⵅⴼ ⵏ ⵓⴳⵔⴰⵡⴰ ⵡⵉⵙⵙ ⵚⴹⵉⵚ ⵉⵥⵍⵉⵏ ⵙ ⵓⵙⵔⵙ ⵏ ⵜⴰⵙⴳⴰ ⵖ ⵓⵔ ⵍⵍⴰⵏ ⵉⵍⴰⴼⵏ ⵉⵖⵢⴰⵢⴰⵏ  ⵏⵖ ⵉⵍⴰⴼⵏ ⴷⴷⴰⵎⴰⵕ ⵉⴳⴳⵓⵜⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ ⴳ ⵓⵙⴳⴳⵯⴰⵙ 2025.

ⵢⵓⵛⴽⴰⴷ ⵓⵙⵜⴰⵢ ⵏ ⵎⴰⵙⵙ ⵀⵉⵍⴰⵍ ⴳ ⵢⴰⵏ ⵓⵣⵎⵣ ⵉⵜⵜⵢⵡⵙⵙⴰⵏ ⵙ ⵉⵎⵏⵣⴰⵖⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ ⴷ ⵜⵉⵍⵉⵜ ⵏ ⵜⵓⴳⵜ ⵏ ⵜⴰⵙⵙⴰⵉⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ ⴷ  ⵜⵉⵎⵓⴽⵔⵉⵙⵏ ⵏ ⵜⵉⵍⵉⵜ ⵏ ⵉⵎⵏⵖⵉ ⴰⵖⵢⴰⵢ ⴷ ⵓⵎⵃⵉⵣⵡⵔ ⵏ ⵜⴰⴱⵔⵣⴰ ⵏ ⵓⵙⵍⴼ .

 ⵉⵜⵜⵓⵙⵏⵎⴰⵍⴰ ⵓⴳⵔⴰⵡⴰ ⴰⴷ ⵓⵙⴰⵎⵎⵔ ⵏ ⵜⵓⵥⵥⵓⵎⵜ ⵙ ⵜⴰⵖⵔⴰⵙⵜ ⵏ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⴳ 2018 ⵉⵜⵜⵔⵙ ⵅⴼ ⵜⴰⵖⵜⴰⵙⵜ ⵉⵥⵍⵉⵏ ⵙ ⴰⵙⴰⵎⵎⵔ ⵏ  ⵜⵓⵥⵥⵓⵎⵜ ⵍⵍⵉ ⴼ ⵉⵎⵙⴰⵙⴰ  ⵓⴳⵔⴰⵡ ⵏ ⵉⴳⵎⴰⵎⵏ ⵏ ⵜⴰⵎⵢⴰⵇⵇⴰⵏⵜ ⵏ ⵓⵔ ⵜⵉⵍⵉⵜ ⵏ ⵉⵍⴰⴼⵏ ⵉⵖⵢⴰⵢⴰⵏ ⵏ 1995 .

 ⴰⵔ ⵉⵎⵎⴰⵍ ⵓⵙⵜⴰⵢ ⴰⴷ ⵏ ⵎⴰⵙⵙ ⵀⵉⵍⴰⵍ ⵜⵉⵇⴰ ⵍⵍⵉ ⵉⵍⵍⴰⵏ ⴷⴰⵔ ⵍⵎⵖⵔⵉⴱ ⴳ ⵓⴳⵏⵙ ⵏ ⵜⵉⵎⵔⵙⵍⵜ ⵏ ⵜⵉⵎⵜⵜⴰ ⵉⵎⵓⵏⵏ ⴷ ⵜⵉⵎⵉⵣⴰⵔ ⵏ ⵓⵙⴰⵎⵎⵔ ⵏ ⵜⵓⵥⵥⵓⵎⵜ ⵙⵍⴰⵡⴰⵏ ⴰⴽⴽⵯ .ⵉⵍⵍⴰ ⵔⵊⴰ ⵅⴼ ⵜⴰⵏⵙⵙⵉⵅⴼⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⵙⵔⵙ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉⵖⵓⴷⴰⵏ ⵉⵥⴹⴰⵕⵏ ⴰⴷ ⵢⴰⵊⵊ ⴰⴳⵔⴰⵡ ⴰⴷ ⴰⵎⵇⵔⴰⵏ ⴰⴷ ⵉⵙⴽⵔ ⵜⴰⵡⵓⵔⵉ ⵏⵏⵙ ⵙ ⵢⴰⵜ ⵜⴱⵔⵉⴷⵜ ⵉⵖⵓⴷⴰⵏ.

 ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ , ⵉⵏⵏⴰ ⵓⵎⵙⵇⴰⴷ ⵎⴰⵙ ⵜⵉⵙⵙⵓⵜⵍⵜⵉⵏ ⴷ ⵢⵓⵛⴽⴰⵏ ⵏ ⵓⴳⵔⴰⵡ ⵉⵥⵍⵄⵏ ⵙ ⵓⵙⴰⵎⵎⵔ ⵏ ⵜⵓⵥⵥⵓⵎⵜ ⴳⴰⵏⵜ ⴰⵏⴰⵔⵓⵣ ⴷ ⵓⵣⵎⵣⵣⵓ ⵎⴰⵢⵏⵓ ⴼⴰⴷ ⴰⵣⴷⴰⵢ ⵏ ⵉⵎⴹⵉⴽⵉⵕⵏ ⵅⴼ ⵎⵏⵏⴰⵡⵜ ⵏ ⵜⴰⵙⵉⵍⴰⵜⵉⵏ ⵍⵍⵉ ⵔⴰⴷ ⵜⴰⵡⵙ ⴷⵖⵢⴰ ⵏ ⵜⵓⵙⴽⴰ ⵏ ⵜⴰⵙⴳⴰ ⵓⵔ ⵍⵍⴰⵏ ⵉⵍⴰⴼⵏ ⵉⵖⵢⴰⵢⴰⵏ ⵏⵖ ⵉⵍⴰⴼⵏ ⴷⴷⴰⵎⴰⵕ ⵉⴳⴳⵓⵜⵏ ⴳ ⵓⵙⴰⵎⵎⴰⵔ ⵏ ⵜⵓⵥⵥⵓⵎⵜ .

ⵉⵙⵔⵖⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⵙ ⵉⵍⵙ ⵏ ⵓⵙⵎⵉⵡⵍ ⵙ ⵉⵙⵎⵉⵏⵏⵙ ,ⵍⵎⵖⵔⵉⴱ ⵍⵍⵉⵖ ⵉⵜⵜⵓⵙⵜⴰⵢ ⴰⵏⵙⵙⵉⵅⴼ ⵜⴰⵙⵙⵓⵜⵍⵜ ⵜⵉⵙⵙ ⵚⴹⵉⵚⵜ ⵏ ⵓⴳⵔⴰⵡ , ⵉⵎⵍⴰ ⵔⵊⴰ ⵏⵏⵙ ⵙ ⵓⵎⵓⵔⵙ.

ⵉⵙⵡⵓⵔⵔⵉ ⵎⴰⵙⵙ ⵀⵉⵍⴰⵍ ⵓⵔⵔⴰⵏ 30 ⵏ ⵓⵙⴳⴳⵯⴰⵙ ⴳ ⵓⴳⵏⵙ ⵏ ⵜⵉⵎⵜⵜⴰ ⵉⵎⵓⵏⵏ ⵉⵙⵙⵉⵅⴼ ⵜⴰⴳⵔⴰⵡⵜ ⵜⴰⵎⵣⵡⴰⵔⵓⵜ ⵏ ⵜⴰⵎⵙⵎⵓⵏⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉⵜⵜⵓⵙⵎⴳⴰⵍⵏ ⵙ ⵜⵉⴽⴽⴰⵙ ⵏ ⵓⵍⴰⴼ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴳ 2021 ⵖⵎⴽⵍⵍⵉ ⵉⵙⵙⵉⵅⴼ ⴰⴳⵔⴰⵡ ⵏ ⵜⵉⴽⴽⴰⵙ ⵏ ⵓⵍⴰⴼ ⴳ 2004 ⴳ ⵊⵉⵏⵉⴼ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%89%E2%B5%9C%E2%B5%9C%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8E%E2%B4%B0%E2%B5%99%E2%B5%99-%E2%B5%80%E2%B5%89%E2%B5%8D%E2%B4%B0%E2%B5%8D-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1%E2%B4%B0-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%8F-%E2%B5%93%E2%B5%99%E2%B5%94%E2%B5%93%E2%B5%99-%E2%B5%8F-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B4%B3-%E2%B5%93%E2%B5%94