Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵡⵏⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵡⵏⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ

26 ⵏⵓⵡⴰⵏⴱⵉⵔ 2024 Version Imprimable
ⵏⵢⵓⵢⵓⵔⴽ -  ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⵢⴰⵜ ⵜⴱⵔⴰⵜ ⵉ ⵡⵏⵙⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ ⵎⴰⵙⵙ ⵛⵛⵉⵅ ⵏⵢⴰⵏⴳ ⵙ ⵓⵣⵎⵎⵣⵓ ⵏ ⵡⴰⵙⵙ ⴰⴳⵔⴰⵖⵍⴰⵏ  ⵏ ⵜⴱⴷⴰⴷⵜ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵍⵍⵉ ⵢⵙⵙⴽⵜⵉ ⴳ 26 ⵏⵓⵡⴰⵏⴱⵉⵔ ⴳ  ⵓⵙⴳⴳⵯⴰⵙ ⴰⴷ.

ⴰⵎⵎⴰⵙ ⵏ ⵜⴱⵔⴰⵜ ⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ  ⵉⵙ ⵉⵙⵎⴰⵢⵏⴰ ⵜⴰⴱⴷⴰⴷⵜ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴷ ⵉⵙ ⵉⵙⴷⴷⵉⴷ ⴰⴷⴷⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵉⵙⵉ ⵎⵔⴰ ⴰⴷ ⵢⴰⵎⵣ ⵉⵣⵔⴼⴰⵏ ⵏⵙ ⵉⵙⵍⴳⴰⵏ ⴷ ⵜⵜⵓⵙⴽⴰⵔ ⵏ ⵉⵡⵏⴽ ⵓⵙⵉⵎⴰⵏ ⴳ ⵉⵡⵜⵜⵓ ⵏ ⴽⴽⵓⵣ ⵢⵓⵏⵢⵓ 1967 ⴷ ⵜⴰⵎⴰⵣⵓⵏⵜ ⵏⵙ ⵍⵇⵓⴷⵙ ⵍⵇⴱⵍⵜ ⵎⴰⵢⴰⴷ ⵉⴳⴰⵏ ⵉⵣⵔⴼⴰⵏ ⵍⵍⵉ ⵜⵖⵜⴰⵙ ⵜⴰⵣⵔⴼⵜ ⵜⴰⵎⴰⴹⵍⴰⵏⵜ  ⴷ ⵜⵖⵜⴰⵙⵉⵏ ⵏ ⵜⵎⵎⵜⴰ ⵖⵓⵔⵙⵏ ⵜⵓⵇⵇⵏⵉⵏ.

ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴰⴱⵔⴰⵜ ⴰⴷ ⵎⴰⵙ ⵉⵎⵙⴰⵙ ⵓⵎⵓⵏ ⴰⵎⴰⴹⵍⴰⵏ ⵎⴰⵙ ⵓⵎⵙⴰⵙ ⵉⵣⵔⴼⴰⵏ ⴷ ⵓⵙⵎⴷ ⴷ ⵉⵇⵇⵏ ⵏ ⵓⵎⵏⵣⴰⵖ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⴰⵙⵜ ⵉⵡⵜⵜⴰⵙ ⵍⵍⵉ ⵔⴰⴷ ⴰⴷ ⵉⵜⵜⵓⵍⴽⴰⵎ ⴳ ⵓⵎⵎⴰⵙ ⵏ ⵓⴼⵙⵙⴰⵢ ⵏ ⵙⵉⵏ ⵉⵡⵏⴽⵏ , ⵖⵉⴽ ⵍⵍⵉ ⵢⵏⴰⵏ ⵜⵖⵜⴰⵙⵉⵏ ⵏ  ⵜⵣⵔⴼⴰⵜ ⵜⴰⵎⴰⴹⵍⴰⵏⵜ  ⴷ ⵜⴰⵙⵏⵜⴰⵢⵜ ⵏ ⵙⵙⵍⴰⵎⵜ ⵜⴰⵄⵕⴰⴱⵜ .

ⴳ ⵡⴰⵙⵙⵏ ⴰⴷ , ⵉⵔⵏⵓ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴰⴱⵔⴰⵜ ⴰⴷ, ⴷⴰⵜ ⵏ ⵜⵉⵎⵓⴽⵔⵉⵙⵉⵏ ⴷⴰⵜ ⵏ ⵜⵎⵀⵍⴰ ⵏ ⵙⵙⵍⴰⵎⵜ ⴷ ⵉⴱⴷⴷⵉ ⵉⵎⵀⴰⵡⴰⴹⵏ ⵏⴳⵔ ⵜⴼⵓⵍⵉⵏ ⴰⴼⵉⵍⵉⵚⵟⵉⵏⵉ ⴷ ⵉⵙⵔⵉⵍⵉ ⴷ ⵜⵜⵓⵙⴽⴰⵔ ⵏ ⵉⵎⴰⴽⵏ  ⵓⵔ ⵉⵣⵔⴼⴰⵏ ⴷ ⵢⴰⵏ ⵜⴼⵓⵍⵜ ⴳ ⵡⴰⴽⴰⵍ ⴰⴼⵉⵍⵉⵚⵟⵉⵏⵉ ⴰⵙⴷⵓⵔⵔⵉ ⴷ ⵉⴳⴰ ⵡⵔⵣⴰⴼ, ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ  ⴰⴷ "ⵏⵙⵇⵙⴰ ⵅⴼ ⴰⴷⴷⴰⴷ ⵏ ⵓⴼⵙⵙⴰⵢ ⵏ ⵙⵉⵏ ⵉⵡⵏⴽⵏ  ⵎⴰⵢⴰⴷ ⵉⴳⴰ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵉⴼⵓⵍⴽⵉⵏ ⵍⵍⵉ ⵢⵖⵜⵙ ⵓⵎⵓⵏ ⴰⵎⴰⴹⵍⴰⵏ ⴰⵎⵎ ⵓⴼⵙⵙⴰⵢ ⴰⵎⵖⵍⴰⵍ ⴷ ⵉⵣⵔⴼⴰⵏ ⵏ ⵓⵎⵏⵖⵉ ⴰⴷ" .

ⴳ ⵓⵙⴰⵜⵉ ⴷⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⵙⵎⴰⵢⴰⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⴰⵎⵎⴰ ⵜⵓⴳⴳⴰⵣ ⵏⵏⵙ ⵙ ⵓⵎⵖⵍⴰⵍ ⵎⵔⴰ ⴰⴷ ⵜⵜⵓⵎⵏⵣⴰⵖ ⴼ ⵜⵉⵖⵔⵎⵜ ⵜⴰⵎⵓⵇⴷⴰⵙⵜ ⴳ ⵡⴰⵎⴰⵎⵙ ⵏ ⵓⵙⴽⵔ ⴰⵙⵔⵜⴰⵏ ⴷ ⴰⴷⵉⵖⵍⵓⵎⴰⵙⵉ .

ⵜⴰⵙⵏⵓⵔⴰⵢⵜ ⵏ ⴱⴰⵢⵜ ⵎⴰⵍⵍ ⵍⵇⵓⴷⵙ ⵔⴰⴷ ⵜⵔⵏⵓⵏ ⵏ ⵜⵜⵓⵙⴽⴰⵔ ⵏ ⵉⵖⴰⵡⴰⵙⵏ ⴷ ⵉⵙⵏⵜⵉⵏ ⵏ ⵜⵉⴷⴷⵜ ⵉⵎⵏⵣⴰⵖⵏ ⴳ ⵉⴱⵉⴷⴷⵏ ⵓⴼⵔⴰⴳ ⵏ ⵜⵎⴰⴳⵉⵜ ⵜⴰⴷⵍⵙⴰⵏⵜ ⴷ ⵜⵖⵔⵎⵜ ⵜⴰⵎⵓⵇⴷⴰⵙⵜ ⴷ ⴰⵙⵖⵓⴷⵓ ⵏ ⵡⴰⴷⴷⴰⴷ ⴰⵏⴰⵎⵓⵏ ⴷ ⵜⵓⴷⵔⵜ ⵏ ⵉⵎⴰⵇⴷⵉⵙⵢⵉⵏ ⴷ ⵓⵎⵏⵣⴰⵖ ⵏⵙⵏⵏ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⵔ ⵏⴱⴰⵕⴽ ⵏ ⵜⵓⴳⴳⴰⵣ ⵏⵓⵏⵏ ⵉⵔⵏⵓⵏ ⴷ ⵏⵙⵎⴰⵢⵏⴰ ⵏ ⵡⴰⵏⴰⵏⵍ ⴽⵓⵍⵓⵜ ⵏ ⵜⵓⴳⴳⴰⵣ ⵉⵖⵓⴷⴰⵏ ⵏ ⵡⴰⵏⵏⴰⵍ ⵏ ⵉⵣⵔⴼⴰⵏ ⵏ ⵉⴼⴰⵍⴰⵚⵟⵉⵏⵢⵉⵏ ⵉⵣⵔⴼⴰⵏ ⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ ⵓⵍⴰ ⵜⴰⴷⵔⴰⵡⵜ ⵏ ⵜⵓⴳⴳⴰⵣ ⵉⵎⴰⴹⵍⴰⵏⵏ ⵉⵡⵜⵜⴰⵙⵏ ⵏ ⵓⵙⴽⵔ ⵏⵙⵙⵍⴰⵎⵜ ⴷ ⵜⵓⴷⴷⵔⵜ ⴷ ⵓⵍⴰⵢ ⵉ ⵉⵎⴰⴷⴰⵏ ⴳ ⵜⵙⴳⴰ .

 

Dernière modification : 26 ⵏⵓⵡⴰⵏⴱⵉⵔ 2024
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A1%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%85%E2%B5%9A%E2%B5%9A%E2%B4%B0%E2%B5%8F-%E2%B4%B3-%E2%B5%9C%E2%B5%9C%E2%B5%93%E2%B5%99%E2%B4%BD%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B4%B0%E2%B4%B7%E2%B4%B0%E2%B5%8F-1