ⵜⴰⴽⴰⴷⵉⵎⵉⵜ ⵜⵉⴼⵔⵉⵇⵉⵜ ⵜⵉⵎⴰⵙⵙⴰⵏⵉⵏ ⵏ ⵜⴷⵓⵙⵉ ⴰⵙⵏⵜⵉ " ⴱⴰⵀⵔⴰ ⴰⵏⴳⵔⴰⵡ" (ⴰⵎⴰⵡⵙⴰⵙ)

23 ⵏⵓⵡⴰⵏⴱⵉⵔ 2024 Version Imprimable

ⴷⴷⴰⵅⵍⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴰⵎⵉⵏ ⵜⵓⵀⵔⴰⵡⵉ ⵎⴰⵙ ⵜⴰⴽⴰⴷⵉⵎⵉⵜ ⵜⵉⴼⵔⵉⵇⵉⵜ ⵏ ⵜⵉⵎⴰⵙⵙⴰⵏⵉⵏ ⵏ ⵜⴷⵓⵙⵉ ⵏⵏⴰ ⵉⵜⵜⵓⵕⵥⵎⵏ ⵡⴰⵙⵙ ⵏ ⵓⵙⵉⴹⵢⴰⵙ ⴷⵉ ⴷⴷⴰⵅⵍⴰ ⵜⴳⴰ ⴰⵙⵏⵜⵉ " ⴰⵏⴳⵔⴰⵡ ⴱⴰⵀⵔⴰ " ⵢⵓⵔⴰⵏ ⵜⵙⵏⴰ ⵜⴰⵎⴰⵢⵏⵓⵜ ⴳ ⵓⵎⵣⵔⵓⵢ ⵏ ⵜⴷⵓⵙⵉ ⴷⵉ ⴰⴼⵔⵉⵇⵢⴰ .

ⵉⵏⵏⴰ ⵙⵓⵍ ⵎⴰⵙⵙ ⵜⵓⵀⵔⴰⵡⵉ ⴳ ⵜⴳⵓⵔⵉ ⵏ ⵓⵕⵥⵓⵎ ⵏ ⵜⴽⴰⴷⵉⵎⵉⵜ ⴰⴷ ⵎⴰⵙ ⵜⴰⴽⴰⴷⵉⵎⵉⵜ ⵜⵉⴼⵔⵉⵇⵉⵜ ⵏ ⵜⵉⵎⴰⵙⵙⴰⵏⵉⵏ ⵏ ⵜⴷⵓⵙⵉ ⵓⵔ ⵜⴳⴰ ⵖⴰⵙ ⴰⵙⵏⵜⵉ ⵎⴰⵛⵛⴰ ⵓⵍⴰ " ⵜⴰⵏⴰⵢⵜ ⴷⴰⵜ ⵏ ⴰⴼⵔⵉⵇⵢⴰ ⵏⵏⴰ ⵎⵉ ⵏⵔⴰ ⴰⴷ ⵏⵓⵚⴽⴰ : ⵉⴼⵔⵉⵇⵢⴰ ⵖⵓⵔⵙ ⴰⵏⴱⴰⴹ ⵉⵎⵓⵙⵙⵓⵏ ⵏ ⵜⵓⵙⵙⵏⴰ ⵏⵏⵙ ⴷⴰⵜ ⵏ ⵜⵉⵏⵥⵕⵉⵏ ⵉⵙⵍⴳⴰⵏ .

ⵉⵏⵏⴰ ⵙⵓⵍ ⵓⵎⴰⵡⵙⴰⵙ ⵎⴰⵙ ⵜⴰⴽⴰⴷⵉⵎⵉⵜ ⵓⵍⴰ "ⵜⵉⵔⴰⵜ ⵏ ⵜⵙⵓⵜⵉⵏ ⵉⵔⵉⵏ ⵉⵎⴰⵍ ⴷ ⵜⵙⵓⵖⵍ ⵏ ⵜⵉⵥⴹⵕⴰ ⵏ ⵓⵎⵏⵣⴰⵡ ⴳ ⵜⵉⴷⴷⵜ ⵜⴰⵎⵙⴳⴳⵓⵔⵜ ⵉⵜⵜⵓⴷⵔⴰⵏ ⴳⵔⴰⵜⵏⵖ ⴷ ⵉⵎⵙⵜⴳⴳⴰⵔⵏ ⵉⴳⴷⵓⴷⴰⵏ ⴷ ⵜⵉⵎⵔⵙⴰⵍ ⵜⵉⴽⴰⴷⵉⵎⵉⵏ ⴷ ⵉⵣⵣⵓⵍⴰⵏⵉⵏ ⴷ ⵉⵏⵎⵓⵔⵉⵏ ⵏ ⵡⴰⴷⴷⴰⴷ ⵏ ⵜⴷⵓⵙⵉ ⴷⵉ ⵡⵓⵍ ⵏ ⵜⵉⴳⵎⵉ ⵜⴰⵏⴼⵔⴰⴳⵏⵜ .

ⵉⵣⵓⵍ ⵎⴰⵙⵙ ⵜⵓⵀⵔⴰⵡⵉ ⴰⵙⵜⵉ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⵏ ⵜⵉⵎⴰⵙⵙⴰⵏⵉⵏ ⴷ ⵜⴰⴷⵓⵙⵉ ⵜⵖⵔⵎⵜ ⵏ ⴷⴷⴰⵅⵍⴰ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴰⴷ ⵜⵙⵏⵓⴱⴳ ⵜⴰⴽⴰⴷⵉⵎⵉⵜ ⵉⵙⵓⵍ ⵉⵏⵏⴰ ⵎⴰⵙ ⵜⴳⴰ ⴷⴷⴰⵅⵍⴰ ⴰⴱⵔⵉⴷ ⴳⵔ ⵍⵎⵖⵔⵉⴱ ⴷ ⴰⴼⵔⵉⵇⵢⴰ ⴷ "ⵡⵏⵙⴰ ⵏ ⵓⵙⵏⵓⴱⴳ ⵏ ⵜⵉⵔⴰⵜⵉⵏ ⵉⵏⴰⵎⵓⵔⵉⵏ ⴷ ⵓⵎⵏⵣⴰⵡ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B4%BD%E2%B4%B0%E2%B4%B7%E2%B5%89%E2%B5%8E%E2%B5%89%E2%B5%9C-%E2%B5%9C%E2%B5%89%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%9C%E2%B5%89%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%8F%E2%B5%89%E2%B5%8F-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B4%B0%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99