ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⵏ ⵓⵖⴰⵡⴰⵙ ⴰⵎⵇⵔⴰⵏ ⵏ ⵓⵙⵎⵓⵜⵜⴳ “ ⴰⴳⵔⵣⴰⵎ ⴰⴼⵔⵉⵇⵉⵢ” ⴳ ⴰⴳⴰⴷⵉⵔ

20 ⵏⵓⵡⴰⵏⴱⵉⵔ 2024 Version Imprimable

ⵕⵕⴱⴰⵟ - ⵔⴰⴷ ⵜⵙⵏⵓⴱⴳ ⵜⴰⵏⵙⵙⵉⵅⴼⵜ ⵜⴰⵏⴰⴼⵍⵍⴰ ⵏ ⵜⴰⵙⴳⴰ ⵏ ⵉⴼⴼⵓⵙ ⴳ ⴰⴳⴰⴷⵉⵔ ⵙⴳ 18 ⴰⵔ 22 ⵏⵓⵡⴰⵏⴱⵉⵔ ⵉⵍⵍⴰⵏ ⵜⵉⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⵏ ⵓⵖⴰⵡⴰⵙ ⴰⵎⵇⵔⴰⵏ ⵏ ⵓⵙⵎⵓⵜⵜⴳ “ ⴰⴳⵔⵣⴰⵎ ⴰⴼⵔⵉⵇⵉⵢ” ⵖⵎⴽⵍⵍⵉ ⵜⵏⵏⴰ ⵜⴰⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴰⴳⴰⵍⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ .

ⵔⴰⴷ ⵣⵔⵉⵏ ⵉⵎⵙⴽⴰⵔⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵏ ⵓⵖⴰⵡⴰⵙ ⴰⴷ ⴳ ⵓⵏⵎⵓⵇⵇⴰⵔ ⴰⴷ ⵜⵉⴱⵔⵉⴷⵉⵏ ⵏ ⵉⵎⵓⵙⵙⵓⵜⵏ ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵜⴰⵙⵙⵓⵜⵍⵜ ⵜⵉⵙⵙ 21 ⵏ ⵓⵙⵎⵓⵜⵜⴳ “ ⴰⴳⵔⵣⴰⵎ ⴰⴼⵔⵉⵇⵉⵢ”.

ⵥⵍⵉⵏ ⵉⵎⵓⵙⵙⵓⵏⵜ ⵙ ⵓⵙⵎⵓⵜⵜⴳ ⵏ ⵜⴰⵡⵓⵔⵉ ⴷ ⵓⵙⵎⵓⵜⵜⴳ ⵏ ⵓⵖⴰⵡⴰⵙ ⵉ ⵉⵙⴰⵜⵉⵏ ⵏ ⵜⴰⵏⵙⵙⵉⵅⴼⵜ ⵜⴰⵏⴰⴼⵍⵍⴰ ⴷ ⵜⵉⵡⵓⵔⵉⵡⵉⵏ ⵏ ⵜⴰⵔⵉⴷⵙⴰ ⵉⴳⵓⵜⵏ ⴷ ⵉⵛⵛⴰⵔⵏ ⴷ ⵉⵎⵓⵙⵙⵓⵜⵏ ⵓⵖⵔⵉⵎⵏ ⴷ ⵉⵄⵙⴽⵔⵉⵢⵏ ⴷ ⵓⵍⴰ ⴰⵙⵎⵓⵜⵜⴳ ⵎⵏⵉⴷ ⵜⵓⴽⵢⴰ ⵏ ⵉⵍⴰⴼⵏ ⵏ ⴷⴷⴰⵎⴰⵔ ⵛⵛⵇⵎⵉⵍ ) ⴰⵖⵢⴰⵢ ⴷ ⴱⵢⵓⵍⵓⵊⵉ ⴷ ⴽⵉⵎⴰⵡⵉ (.

ⵉⵔⵏⵓ ⵉⵏⵏⴰ ⵓⵙⵉⵡⴹ ⵎⴰⵙ ⵉⵎⵢⴰⵏⴰⵡ ⵓⵙⵎⵓⵜⵜⴳ “ ⴰⴳⵔⵣⴰⵎ ⴰⴼⵔⵉⵇⵉⵢ” ⴳ ⵎⴰⴷ ⵉⵥⵍⵉⵏ ⵙ ⵜⵉⵎⵉⵣⴰⵔ ⵉⴷⵔⴰⵏ ⴷ ⵉⴳⵔⴰⵏ ⵔⴰⴷ ⵢⵉⵍⵉ ⵙⴳ 12 ⴰⵔ 23 ⵎⴰⵢⵢⵓ 2025 ⴳ ⵜⵉⵙⴳⴳⵉⵡⵉⵏ ⵏ ⵓⴳⴰⴷⵉⵔ ⴷ ⵟⴰⵏⵟⴰⵏ ⴷ ⵍⵇⵏⵉⵟⵕⴰ ⴷ ⴱⵏ ⴳⵔⵉⵔ ⴷ ⵜⵉⵣⵏⵉⵜ .

ⵉⴳⴰ ⵓⵡⵜⵜⴰⵙ ⵏ ⵓⵙⵎⵓⵜⵜⴳ ⴰⴷ ⴰⵙⴷⵓⵙ ⵏ ⵜⵉⵥⴹⵕⵉⵏ ⵏ ⵏ ⵓⴽⵛⵛⵓⵎ ⴳ ⵓⵡⵙⵡⵉⵔ ⵏ ⵓⵎⵢⴰⵏⴰⵡ ⵏ ⵜⵉⵎⵉⵣⴰⵔ ⵉⴷⵔⴰⵏ ⴷ ⵜⴰⵎⵔⵏⵉⵡⵜ ⵏ ⵜⴰⵡⵓⵔⵉ ⵉⵛⵛⴰⵔⵏ ⴷ ⵓⵙⵙⵔⵅⵓ ⵏ ⵉⵙⴱⴼⴰⵍⵏ ⴳⵔ ⵜⴰⴳⴰⵍⵍⵉⵏ ⵜⵉⵍⴰⴼⵉⵏ ⵏ ⵜⵉⵎⵓⵔⵉⵏ ⵉⴷⵔⴰⵏ ⴰⴼⴰⴷ ⴰⵙⴷⵓⵙ ⵏ ⵙⵙⵍⴰⵎⵜ ⴷ ⵜⴰⵏⴼⵔⵓⵜ ⴷ ⵍⵉⵙⵜⵉⵇⵔⴰⵔ ⴳ ⵜⴰⵙⴳⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%9C%E2%B5%9C%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%80%9C-%E2%B4%B0%E2%B4%B3%E2%B5%94%E2%B5%A3%E2%B4%B0%E2%B5%8E-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%A2%E2%80%9D-%E2%B4%B3-%E2%B4%B0%E2%B4%B3%E2%B4%B0%E2%B4%B7%E2%B5%89%E2%B5%94