Published on MAPNews (https://www.mapnews.ma/am)

Accueil > ⵜⴰⵙⵙⵓⵜⵍⵜ ⵜⵉⵙⵙ 11  ⵏ ⵓⵏⵎⵓⴳⴳⴰⵔ “ ⴼⵉⵣⴰ ⴼⵓⵔ ⵎⵢⵓⵣⵉⴽ” ⵙⴳ 20 ⴰⵔ 23 ⵏⵓⵡⴰⵏⴱⵉⵔ ⴳ ⵕⵕⴱⴰⵟ

ⵜⴰⵙⵙⵓⵜⵍⵜ ⵜⵉⵙⵙ 11  ⵏ ⵓⵏⵎⵓⴳⴳⴰⵔ “ ⴼⵉⵣⴰ ⴼⵓⵔ ⵎⵢⵓⵣⵉⴽ” ⵙⴳ 20 ⴰⵔ 23 ⵏⵓⵡⴰⵏⴱⵉⵔ ⴳ ⵕⵕⴱⴰⵟ

18 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵔⴰⴷ ⵜⵙⵏⵓⴱⴳ ⵜⴰⵎⴷⵉⵏⵜ ⵏ ⵕⵕⴱⴰⵟ ⵙⴳ 20 ⴰⵔ 23 ⵏⵓⵡⴰⵏⴱⵉⵔ ⵉⵍⵍⴰⵏ ⵜⴰⵙⵙⵓⵜⵍⵜ ⵜⵉⵙⵙ 11  ⵏ ⵓⵏⵎⵓⴳⴳⴰⵔ “ ⴼⵉⵣⴰ ⴼⵓⵔ ⵎⵢⵓⵣⵉⴽ” ⵉⵥⵍⵉⵏ ⵙ ⵓⵥⴰⵡⴰⵏ ⵏ ⵉⴼⵔⵉⵇⵢⴰ ⴷ ⵛⵛⵔⵇ ⵏ ⵜⵓⵥⵥⵓⵎⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵙⵏⵎⴰⵍⴰⵜⵏ ⵎⴰⵙ ⵔⴰⴷ ⵉⵃⴹⵕ ⵉⵎⵊⵕⵉ ⵢⴰⴷ 3000 ⵓⵎⵙⴽⴰⵔ ⴳ ⵉⴳⵔ ⵏ ⵜⴰⵎⴳⵓⵔⵉ ⵏ ⵓⵥⴰⵡⴰⵏ ⴷ ⵓⴳⴳⴰⵔ ⵏ 500 ⵏ ⵓⵏⴰⵥⵓⵕ ⵙⴳ ⵜⵉⵙⴳⴳⵉⵡⵉⵏ ⵏ ⵓⵎⴰⴹⴰⵍ.

 ⵉⵔⵏⵓ ⵉⵏⵏⴰ ⵓⵙⴰⴳⵎⴰ ⴷ ⵎⴰⵙ ⵉⴳⴰ ⵓⵏⵎⵓⴳⴳⴰⵔ ⴰⴷ ⵢⴰⵏ ⵓⵏⵎⵓⵇⵇⴰⵔ ⵉ ⵉⵎⵙⴽⴰⵔⵏ ⵏ ⵓⵥⴰⵡⴰⵏ ⵢⵉⵍⵉ ⴷⴰⵔⵙ ⵢⴰⵏ ⵓⵖⴰⵡⴰⵙ ⴳ ⵍⵍⴰⵏ ⵉⵏⵎⵓⵇⵇⴰⵔⵏ ⴷ ⵉⵙⴼⵙⵔⵏ ⵏ ⵓⵥⴰⵡⴰⵏ ⴷ ⵜⵉⵏⴰⵡⵉⵏ ⵏ ⵜⵡⵓⵔⵉ ⵉⵜⵜⵓⵙⵏⵎⴰⵍⴰⵏ ⴳ ⵎⵏⵏⴰⵡ ⵏ ⵉⵏⵙⴰⵜⵏ ⵏ ⵓⵎⵣⵔⵓⵢ ⴰⵇⴱⵓⵔ ⴳ ⵜⴰⵎⴷⵉⴷⵏⵜ ⵏ ⵕⵕⴱⴰⵟ ⵉⵍⵍⴰⵏ ⴳ ⵓⵍ ⵏ ⵜⴰⵎⴷⵉⵏⵜ .

ⵔⴰⴷ ⵉⵜⵜⵕⵣⵎ ⵓⵏⵎⵓⴳⴳⴰⵔ ⴳ ⵓⵎⵣⴳⵓⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ  ⵙ ⵢⴰⵜ ⵜⵉⵎⴷⴷⵉⵜ ⴳⵉⵙ ⵜⴰⵙⵎⵖⵓⵔⵉⵏ ⴷ ⵉⵙⵎⵏⵉⴷⵏ ⵏ ⵎⵏⵏⴰⵡ ⵉⵏⴰⵥⵓⵕⵏ ⴳ ⵉⵍⵍⴰ ⵜⴰⵙⵓⵜⴰ ⵏ ⵉⵎⴰⵍ  ⴷ ⴼⵉⵔⵓ ⵖⴰⵢⵜⴰ ⴷ ⴼⴰⵍⵉⵔⵉ ⵉⴳⵓⵎⵉ ⴳ ⵢⴰⵜ ⵜⴰⴼⵓⴳⵍⴰ ⵉⵥⵍⵉⵏ  ⵙ ⵓⵢⴷⴰ ⴰⵥⴰⵡⴰⵏ ⴷ ⵓⵜⵔⴰⵔ.

 ⵔⴰⴷ ⵉⵜⵜⵢⴰⵡⵙⵙⴰⵏ ⵓⵏⵎⵓⴳⴳⴰⵔ ⵓⵍⴰ ⵙ ⵜⵉⵎⵉⴷⴷⵉⵜⵉⵏ ⵏ ⵢⵉⴹ ⴳ ⵓⵙⵖⵉⵎ ⵏ ⵛⴰⵍⵍⴰ ⵙ ⵜⴰⴷⵔⴰⵡⵜ ⵏ ⵓⵎⴰⵔⵉ ⴰⵔ ⵊⵉ ⴽⴰⵏⵉⵢⵉⵔⴰ ⴷ ⵎⵓⵏⵉⵍⵉ.

 ⵔⴰⴷ ⵜⵉⵙⵙⴰⵏ ⵜⴰⵙⵙⵓⵜⵍⵜ ⴰⴷ ⵓⵍⴰ ⴰⵙⵏⵎⴰⵍⴰ ⵏ ⵢⴰⵏ ⵓⵙⴼⵙⵔ ⵏ ⵓⵥⴰⵡⴰⵏ “ ⴼⵉⵣⴰ ⴼⵓⵔ ⵎⵢⵓⵣⵉⴽ” ⵍⵍⵉ ⵔⴰⴷ ⵉⵜⵜⵕⵥⵎ ⴰⵙⵙ ⵏ ⵓⴽⵡⴰⵙ 21 ⴰⵔ ⴰⵙⵉⴹⵢⴰⵙ 23 ⵏ ⵓⴰⵡⵏⴱⵉⵔ ⴳ ⵓⵎⵣⴳⵓⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵙ ⵜⴰⴷⵔⴰⵡⵜ ⵏ 50 ⵏ ⵓⵎⵙⴼⵙⵔ ⵏ ⵜⵎⴳⵓⵔⵉ ⵏ ⵓⵥⴰⵡⴰⵏ .

“ ⴼⵉⵣⴰ ⴼⵓⵔ ⵎⵢⵓⵣⵉⴽ” ⵉⴽⴽⴰⵜⵏ ⵉⴱⴷⴰ ⴳ 2014 ⵉⴳⴰ ⵢⴰⵏ ⵓⵏⵎⴳⴳⴰⵔ ⵉⵥⵍⵉⵏ ⵙ ⵓⵎⵢⴰⵏⴰⵡ ⵏ ⵓⵥⵡⴰⵏ ⴳ ⵓⵎⴰⴹⴰⵍ ⵉⴼⴽⴰ ⴰⴷⴷⵓⵔ ⴰⵅⴰⵜⴰⵔ ⵉ ⵉⴼⵔⵉⵇⵢⴰ ⴷ ⵛⵛⵔⵇ ⵏ ⵜⵓⵥⵥⵓⵎⵜ . ⴰⵔ ⵉⵙⵎⵓⵏ ⵎⵏⵏⴰⵡ ⵏ ⵉⴳⵔⴰⵡⵏ ⵏ ⵓⵥⴰⵡⴰⵏ ⴳⵉⵙ ⵍⴼⵓⵍⴽ ⴰⴳⵔⴰⵖⵍⴰⵏ ⴷ ⵍⴼⵉⵣⵢⵓⵏ ⴷ ⵓⵥⴰⵡⴰⵏ ⴰⵎⴰⵜⵔⴰⵔ ⴷ ⵓⵥⴰⵡⴰⵏ ⴰⵍⵉⴽⵜⵔⵓⵏⵉⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-11-%C2%A0%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%80%9C-%E2%B4%BC%E2%B5%89%E2%B5%A3%E2%B4%B0-%E2%B4%BC%E2%B5%93%E2%B5%94-%E2%B5%8E%E2%B5%A2%E2%B5%93%E2%B5%A3%E2%B5%89%E2%B4%BD%E2%80%9D-%E2%B5%99%E2%B4%B3-20-%E2%B4%B0%E2%B5%94-23-%E2%B5%8F%E2%B5%93%E2%B5%A1%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F