Published on MAPNews (https://www.mapnews.ma/am)

Accueil > ⴰⵔⵥⵥⵓⵎ ⵏ ⵓⵙⴼⵙⵔ “ ⵜⵓⵔⵜⵉⵜ ⵏ ⵟⵟⵕⵥ” ⵏ ⵜⵏⴰⵥⵓⵕⵜ ⵜⴰⵡⴽⵔⴰⵏⵉⵜ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ  

ⴰⵔⵥⵥⵓⵎ ⵏ ⵓⵙⴼⵙⵔ “ ⵜⵓⵔⵜⵉⵜ ⵏ ⵟⵟⵕⵥ” ⵏ ⵜⵏⴰⵥⵓⵕⵜ ⵜⴰⵡⴽⵔⴰⵏⵉⵜ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ  

14 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵉⵜⵜⵓⵕⵥⵎ ⴳ ⵓⵙⵖⵎⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵕⵕⴰⴱⵟ ⴰⵙⴼⵙⵔ “ ⵜⵓⵔⵜⵉⵜ ⵏ ⵟⵟⵕⵥ” ⵏ ⵜⵏⴰⵥⵓⵕⵜ ⵜⴰⵡⴽⵔⴰⵏⵉⵜ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ  ⵙ ⵜⵉⵍⵉⵜ ⵏ ⵎⵏⵏⴰⵡ ⵉⵙⵍⵎⴰⴷⵏ ⴷ ⵉⴳⵎⴰⵎⵏ ⵏ ⵙⵉⵍⴽ ⴰⴷⵉⴱⵍⵓⵎⴰⵙⵉ ⴳ ⵍⵎⵖⵔⵉⴱ.

ⵉⵔⴰ ⵓⵙⴼⵙⵔ ⴰⴷ ⵍⵍⵉ ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵜⴰⴷⵔⴰⵡⵜ ⴷ ⵜⴰⵎⵙⵇⴰⴷⵜ ⵏ ⵓⴽⵔⴰⵏⵢⴰ ⴳ ⵍⵎⵖⵔⵉⴱ ⵙⴳ 13 ⴰⵔ 15 ⵏⵓⵡⴰⵏⴱⵉⵔ ⴰⴷⵉⵍⵍⴰⵏ ⵜⵓⵙⵙⵏⴰ ⵙ ⵜⴰⵥⵓⵕⵉ ⵏ ⵟⵟⵕⵥ  ⵅⴼ ⵜⵜⵓⴱ ⵙ ⵎⵏⵏⴰⵡ ⵏ ⵍⴰⵛⴽⴰⵍ ⴷ ⵉⵏⵉⵜⵏ ⵉⴼⵓⵍⴽⵉⵏ.

 ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵢⴰⵜ ⵜⴰⵙⴳⵓⵔⵉ ⵙ ⵓⵣⵎⵣⵣⵓ ⵢⴰⴷ ⵎⴰⵙ ⵉⴽⵛⵎ ⵓⵙⴼⵙⵔ ⴰⴷ ⴳ ⵓⵙⴰⵜⵉ ⵏ ⵉⵎⵓⵙⵙⵓⵜⵏ ⵏ ⵓⵙⵉⵏⴰⴳ ⴷ ⵓⵙⴳⵓⴳⵍⴰ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵜⴰⵎⵖⵔⵉⴱⵉⵢⵜ.

ⵉⵔⵏⵓ ⵉⵏⵏⴰ ⵎⴰⵙ ⵉⵔⴰ ⵓⵎⵊⵔⵉ ⵢⴰⴷ ⵓⵍⴰ ⵜⵓⵙⵙⵏⴰ ⵙ ⵜⴰⵥⵓⵕⵉ ⵜⴰⵎⵖⵔⵉⴱⵉⵢⵜ ⴷ ⵉⵎⵢⴰⵙⵙⴰⵏ ⵏⵏⵙ ⵙ ⵜⴰⵥⵕⵉ ⵜⵓⴽⵔⴰⵏⵉⵜ , ⵉⵙⴷⴷⵉⴷ ⵎⴰⵙ ⵉⵏⵏⴰⵍ ⵓⵙⵉⵏⴰⴳ ⵜⴰⴷⵔⴰⵡⵉⵏ ⵏ ⵟⵥⵓⵕⵉ ⴷ ⵜⴰⴷⵍⵙⴰ ⴷ ⵓⴽⵔⴰⵏⵢⴰ.

 ⴳ ⵜⴰⵙⴳⴰ ⵏⵏⵙ , ⵉⵏⵏⴰ ⵓⵎⵙⵇⴰⴷ ⵏ ⵓⴽⵔⴰⵏⵢⴰ ⴳ ⵍⵎⵖⵔⵉⴱ ⵙⵉⵔⵊⵉ ⵙⴰⵢⵏⴽⵓ ⵎⴰⵙ ⵉⵙⵏⵉⵎⵎⵔ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵅⴼ ⵓⵙⵏⵎⴰⵍⴰ ⵏ ⵓⵏⵎⵓⵇⴰⵔ ⴰⴷ ⵏ ⵜⵥⵓⵕⵉ , ⵉⵔⵏⵓ ⵉⵏⵏⴰ ⵎⴰⵙ ⴰⵔ ⵜⵎⵎⴰⵍ  ⵜⴰⵏⴰⵥⵓⵕⵟ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ  ⴳ ⵜⵉⵡⵓⵔⵉⵡⵉⵏ ⵏⵏⵙ ⵉⵏⵙⴰⵢⵏ ⴷ ⵜⴰⵥⵓⵕⵉ ⵜⵓⴽⵔⴰⵏⵉⵜ.

 ⵜⵏⵏⴰ  ⵜⵏⴰⵥⵓⵕⵜ ⵜⴰⵡⴽⵔⴰⵏⵉⵜ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ   ⴳ ⵜⴰⵙⴳⴰ ⵏⵏⵙ ⵎⴰⵙ ⴰⵔ ⵜⵎⵎⴰⵍ ⵜⵥⵓⵕⵉ ⵏⵏⵙ ⴰⵢⴷⴰ ⵏ ⵓⴽⵔⴰⵏⵢⴰ ⵍⵍⵉ ⴳ ⵜⵍⵍⴰ ⵜⵓⴳⵜ ⵏ ⵜⵉⵎⴰⵜⴰⵔⵉⵏ  ⴷ ⵉⵍⵉⵜⵏ ⴷ ⵓⵎⵣⵔⵓⵢ ⴷ ⵜⴰⴷⵍⵙⴰ.

ⵜⴳⴰ ⵜⵏⴰⵥⵓⵕⵜ ⵜⴰⵡⴽⵔⴰⵏⵉⵜ ⵓⵍⵉⴽⵙⴰⵏⴷⵔⴰ ⵜⵉⵍⵉⵣⵉⵏⴽⵓ ⵜⴰⵙⵍⵎⴰⴷ ⴳ ⵜⴰⵙⴷⵡⵉⵜ ⵏ ⵜⵎⴳⵓⵔⵉ ⵏ ⵍⴰⴱⵏⴰⴽ  ⵏ ⵍⴱⴰⵏⴽ ⴰⵏⴰⵎⵓⵔ ⴰⵡⴽⵔⴰⵏⵉ  ⴷⵜⴰⵙⴷⵡⵉⵜ ⵏ ⵓⵕⵓⴱⴱⴰ ⵏ ⵍⵇⴱⵍⵜ ⵜⴳⴰ ⵓⵎⴰ ⴰⴳⵎⴰⵎ ⵏ ⵜⴰⵎⵓⵏⵜ ⵜⴰⵏⵎⵓⵔⵜ ⵏ ⵉⵏⴰⵥⵓⵕⵏ ⵏ ⵓⴽⵔⴰⵏⵢⴰ ⴷ ⵜⴰⴳⵔⴰⵡⵜ ⵜⴰⵏⵎⵓⵔⵜ ⵜⴰⵡⴽⵔⴰⵏⵉⵜ ⵏ ⵜⴰⵙⵎⵖⵓⵔⵜ

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%94%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%99%E2%B4%BC%E2%B5%99%E2%B5%94-%E2%80%9C-%E2%B5%9C%E2%B5%93%E2%B5%94%E2%B5%9C%E2%B5%89%E2%B5%9C-%E2%B5%8F-%E2%B5%9F%E2%B5%9F%E2%B5%95%E2%B5%A5%E2%80%9D-%E2%B5%8F-%E2%B5%9C%E2%B5%8F%E2%B4%B0%E2%B5%A5%E2%B5%93%E2%B5%95%E2%B5%9C-%E2%B5%9C%E2%B4%B0%E2%B5%A1%E2%B4%BD%E2%B5%94%E2%B4%B0%E2%B5%8F%E2%B5%89%E2%B5%9C-%E2%B5%93%E2%B5%8D%E2%B5%89%E2%B4%BD%E2%B5%99%E2%B4%B0%E2%B5%8F%E2%B4%B7%E2%B5%94%E2%B4%B0-%E2%B5%9C%E2%B5%89%E2%B5%8D%E2%B5%89%E2%B5%A3%E2%B5%89%E2%B5%8F%E2%B4%BD%E2%B5%93-%C2%A0