Published on MAPNews (https://www.mapnews.ma/am)

Accueil > ⴰⵕⵥⵥⵓⵎ ⵏ ⵓⵎⵣⵉⵣⵣⵍ ⴰⵏⵎⵓⵔ ⵏ ⵓⴳⵣⴰⵢ ⵎⵏⵉⴷ ⵍⴰⵏⴼⵍⵡⴰⵏⵣⴰ ⵏ ⵓⵣⵎⵣ

ⴰⵕⵥⵥⵓⵎ ⵏ ⵓⵎⵣⵉⵣⵣⵍ ⴰⵏⵎⵓⵔ ⵏ ⵓⴳⵣⴰⵢ ⵎⵏⵉⴷ ⵍⴰⵏⴼⵍⵡⴰⵏⵣⴰ ⵏ ⵓⵣⵎⵣ

07 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ -  ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴰⵙⵙ ⵏ ⵓⴽⵡⴰⵙ ⵎⴰⵙ ⵉⵕⵥⵎ ⵓⵎⵣⵉⵣⵣⵍ ⴰⵏⵎⵓⵔ ⵏ ⵓⴳⵣⴰⵢ ⵎⵏⵉⴷ ⵍⴰⵏⴼⵍⵡⴰⵏⵣⴰ ⵏ ⵓⵣⵎⵣ ⴷ ⵍⵉⵍⵉⵀⴰⴱⴰⵜ ⵏ ⵢⴰⴹⵓ ⵔⴰⴷ ⵜⵣⴷⵉ ⴳ ⵉⵢⵉⵔⵏ ⵏ ⵓⵎⵡⴰⵏ ⴷ ⵜⴰⴳⵔⵙⵜ ⵍⵍⵉⵖ ⵉⵜⵜⵓⴳⵓⵜⵏ ⵍⴼⵉⵔⵓⵙⴰⵜ ⵏ ⵡⴰⴹⵓ ⵙⵍⴰⵡⴰⵏ ⴰⴽⴽⵯ ⵍⴰⵏⴼⵍⵡⴰⵏⵣⴰ ⵏ ⵓⵣⵎⵣ ⴷ ⴽⵓⴼⵉⴷ-19.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵎⴰⵙ ⵉⵔⴰ ⵓⵎⵣⵉⵣⵣⵍ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴰⴼⴰⴷ ⴰⵙⴼⵔⴽ ⵏ ⵉⴼⴳⴰⵏⵏ ⵅⴼ ⵜⵉⵖⴰⵡⵙⵉⵡⵉⵏ ⵏ ⵓⵃⵟⵟⵓ ⵙⴳ ⵍⴼⵉⵔⵓⵙ ⵏ ⵍⴰⵏⴼⵍⵓⵡⴰⵏⵣⴰ ⴷ ⵎⴰⵙ ⵉⵖⵓⴷⴰ ⵓⴳⵣⴰⵢ ⵎⵏⵉⴷ ⵏ ⵍⴼⵉⵔⵓⵙ ⴰⴷ ⵙⵍⴰⵡⴰⵏ ⴰⴽⴽⵯ ⵜⵉⵎⵖⴰⵔⵉⵏ ⵍⵍⵉ ⵔⴰⴷ ⵢⴰⵔⵓ ⴷ ⵉⵎⵥⵢⴰⵏⵏ ⴷⴷⵓ 5 ⵏ ⵉⵙⴳⴳⴰⵙⵏ ⴷ ⵎⵉⴷⵏ ⵉⵛⵉⴱⵏ ⴷ ⵡⵉⵍⵍⵉ ⵉⵀⵔⵛⵏ ⵙ ⵜⵉⵎⵓⴹⵏ ⵏ ⴱⴷⴷⴰ.

ⵉⵔⵏⵓ ⵉⵏⵏⴰ ⵓⵙⴰⴳⵎ ⴰⴷ ⵎⴰⵙ ⴰⵔ ⵉⵜⵜⵉⴳⵓⵜ  ⵍⴰⵏⴼⵍⵡⴰⵏⵣⴰ ⵏ ⵓⵣⵎⵣ ⴳ ⵉⵢⵔⵏ ⵏ ⵓⵎⵡⴰⵏ ⴷ ⵜⴰⴳⵔⵙⵜ ⵉⵥⴹⴰⵕ ⴰⴷ ⵉⵍⴽⵎ ⵜⴰⵎⵜⵜⴰⵏⵜ ⵙⵍⴰⵡⴰⵏ ⴰⴽⴽⵯ ⴷⴰⵔ ⵎⵉⴷⵏ ⵉⴹⴰⵄⴼⵏ ⵍⵍⵉ ⵉⵣⵔⵉⵏ.

 ⴳ ⵜⴰⵙⴳⴰ ⵢⴰⴹⵏ, ⵜⵙⵙⵎⴰⵢⵏⵓ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⵎⴰⵙ ⴰⵔ ⵉⵜⵜⴰⵡⵙ ⵍⵇⴷⵔ ⵉⵖⵓⴷⴰⵏ ⵉ ⵜⵉⵡⵓⵔⵉⵡⵉⵏ ⵏⵓⴼⵔⴰⵔ ⵣⵓⵏⴷ ⴰⵙⵙⵙⵉⵔⴷ ⵏ ⵉⴼⴰⵙⵙⵏ ⴷ ⴰⴷⵍ ⵏ ⵜⵉⵏⵅⴰⵔ ⴷ ⵉⵎⵉ ⴳ ⵜⵉⵏⵣⵉ ⴷ ⵜⵓⵃⵓⵜ ⴷ ⵓⵙⵡⵓⵔⵔⵉ ⵏ ⵣⵣⵉⴼ ⵏ ⵍⴽⵉⵖⴹ ⵢⴰⵜ ⵡⴰⵍ ⴷ ⵓⵙⵎⵓⵜⵜⵉ ⴳⵔ ⵎⵉⴷⵏ ⴷ ⵍⴽⵎⵎⴰⵎⴰ ⵉⵖ ⵉⵀⵔⵛ ⵓⴼⴳⴰⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%8E%E2%B5%A3%E2%B5%89%E2%B5%A3%E2%B5%A3%E2%B5%8D-%E2%B4%B0%E2%B5%8F%E2%B5%8E%E2%B5%93%E2%B5%94-%E2%B5%8F-%E2%B5%93%E2%B4%B3%E2%B5%A3%E2%B4%B0%E2%B5%A2-%E2%B5%8E%E2%B5%8F%E2%B5%89%E2%B4%B7-%E2%B5%8D%E2%B4%B0%E2%B5%8F%E2%B4%BC%E2%B5%8D%E2%B5%A1%E2%B4%B0%E2%B5%8F%E2%B5%A3%E2%B4%B0-%E2%B5%8F-%E2%B5%93%E2%B5%A3%E2%B5%8E%E2%B5%A3