Published on MAPNews (https://www.mapnews.ma/am)

Accueil > ⵉⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴷⵓⵏⴰⵍⴷ ⵜⵔⴰⵎⴱ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏⵏⵙ ⵜⵉⴽⵍⵉⵜ ⵢⴰⴹⵏ ⴰⵏⵙⵙⵉⵅⴼ ⵏ ⵎⵉⵔⵉⴽⴰⵏ
  1. Accueil
  2. Activités royales

ⵉⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴷⵓⵏⴰⵍⴷ ⵜⵔⴰⵎⴱ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏⵏⵙ ⵜⵉⴽⵍⵉⵜ ⵢⴰⴹⵏ ⴰⵏⵙⵙⵉⵅⴼ ⵏ ⵎⵉⵔⵉⴽⴰⵏ

06 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵢⵓⵣⵏ  ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴱⵔⴰⵜ ⵏ ⵓⵙⵔⵖⵓⴷ ⵉ  ⵎⴰⵙⵙ ⴷⵓⵏⴰⵍⴷ ⵜⵔⴰⵎⴱ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏⵏⵙ ⵜⵉⴽⵍⵉⵜ ⵢⴰⴹⵏ ⴰⵏⵙⵙⵉⵅⴼ ⵏ ⵎⵉⵔⵉⴽⴰⵏ .

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴰⴱⵔⴰⵜ ⴰⴷ “ ⵉⵙⵙⵓⵙⵎⵉ ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏⵏⵓⵏ ⵜⵉⴽⵍⵉⵜ ⵢⴰⴹⵏ ⴰⵏⵙⵙⵉⵅⴼ ⵏ ⵎⵉⵔⵉⴽⴰⵏ ⴰⴷ ⴰⵡⵏ ⴰⵣⵏⵖ ⴰⵙⵔⵖⵓⴷ ⵉⵏⵓ ⴰⵎⵇⵔⴰⵏ ⵉⵎⵓⵏ ⴷ ⵔⵊⴰ ⴰⴼⴰⴷ ⴰⵎⵓⵔⵙ ⴳ ⵜⵉⵡⵓⵔⵉⵡⵉⵏ ⵏⵏⵓⵏ ⵜⵉⵅⴰⵜⴰⵔⵉⵏ ⴷ ⵜⵓⴳⴳⴰⵙ ⵏⵏⵓⵏ ⴳ ⵜⴰⵢⴰⴼⵓⵜ ⵏ ⵓⴳⴷⵓⴷ ⴰⵎⵉⵔⵉⴽⴰⵏⵉ”.

 ⵉⵔⵏⵓ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ “ ⵜⴰⵔⵏⵏⴰⵡⵜ ⵏⵏⵓⵏ ⵜⴰⵅⴰⵜⵔⵜ ⴳ ⵉⵙⵜⴰⵢⵏ  ⴰⴷ ⵉⴳⴰ ⵜⴰⵎⴰⵜⴰⵔⵜ ⵎⴰⵙ ⴷⴰⵔⵓⵏ ⴰⵙⵉⵎⴰⵏ ⴰⵏⴰⵎⵓⵔ ⵉⴳⴳⵓⵜⵏ ⴷ ⵍⵉⵍⵜⵉⵣⴰⵎ ⵏⵏⵓⵏ ⵅⴼ ⵉⵎⵣⴰⵖ ⵅⴼ ⵜⵉⵢⴰⴼⵓⵜⵉⵏ ⵏ ⵎⵉⵔⵉⴽⴰⵏ ⵜⴰⵎⴷⴷⴰⴳⵍⵜ ⵏⵏⵖ ⴷ ⵓⵎⵓⵍⵍⵉ ⵏⵏⵖ ⴰⵇⴱⵓⵔ”.

 ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵜⵎⵓⵔⵙ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⴷ ⵓⵙⵔⵙ ⵏ ⵓⵎⵢⴰⵡⴰⵙ ⵙ ⵜⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉⵖⵓⴷⴰⵏ ⴳ ⵎⵏⵏⴰⵡ ⵉⴳⵔⴰⵏ ⴰⴼⴰⴷ ⵉⵎⴰⵍ ⵉⵃⵍⴰⵏ ⵉ ⵉⴳⴷⵓⴷⵏ ⵏⵏⵖ ⴷ ⵜⵏⴽⵔⴰ ⵙ ⵉⵎⵢⴰⵙⵙⴰⵏ ⵏⵏⵖ ⴷ ⵜⵉⵍⴰⵍⵜ  ⵏⵏⵙⵏ ⴳ ⵡⴰⵏⵏⵍ ⵏ ⵙⵙⵍⴰⵎⵜ ⴷ ⵜⵏⴼⵔⵓⵜ ⴷ ⵜⵓⵎⵔⵜ ⴳ ⵜⴰⵙⴳⴰ ⵏ ⵍⴰⴱⵍⵜ ⵏ ⵜⵓⵥⵥⵓⵎⵜ ⴷ ⴱⵕⵕⴰⵏ ⵏⵏⵙ”.

 ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵜ ⵓⵍⴰ ⴳ ⵜⴰⴱⵔⴰⵜ ⴰⴷ “ ⵎⴰⵙ ⴰⵔ ⵜ ⵙⵙⴽⵜⵉⵖ ⴰⵣⵎⵣ ⵏ ⵜⴰⵏⴱⴹⵜ ⵏⵏⵓⵏ ⵉⵣⵔⵉⵏ ⵍⵍⵉⵖ ⵍⴽⵎⵏ ⵉⵎⵢⴰⵙⵙⴰⵏ ⵏⵏⵖ ⵉⵙⵡⵉⵔⵏ ⵉⵅⴰⵜⴰⵔⵏ ⵉⵜⵜⵢⴰⵡⵙⵙⴰⵏ ⵙ ⵜⵓⵙⵙⵏⴰ ⵏ ⵎⵉⵔⵉⴽⴰⵏ ⵙ ⵡⴰⴽⴰⵍ ⴰⴽⴽⵯ ⵏ ⵜⵉⴳⵍⴷⵉⵜ ⵏ ⴽⵍⵖⵔⵉⴱ ⵅⴼ ⴰⴽⴽⵯ ⴰⴽⴰⵍ ⵏⵏⵙ ⴳ ⵚⵚⵃⵕⴰ .ⵜⴰⵏⵏⴰⵢⵜ ⴰⴷ ⵍⵍⵉ ⵉⴽⵛⵎⵏ ⴳ ⵓⵎⵣⵔⵓⵢ ⵔⴰⴷ ⴱⴷⴷⴰ ⵢⴰⵊⵊ ⴰⴳⴷⵓⴷ ⵏ ⵍ,ⵖⵔⵉⴱ ⴰⵔⴽⵏ ⵉⵙⵏⵉⵎⵎⵔ ⴰⵛⴽⵓ ⵉⴳⴰ ⵢⴰⵏ ⵓⵎⵊⵔⵉ ⴰⵅⴰⵜⴰⵔ ⴷ ⵢⴰⵏ ⵓⵣⵎⵣ ⵉⵃⵍⴰⵏ ⴰⵔ ⵉⵎⵎⴰⵍ ⴰⴷⵓⴷⵉ ⵏ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵇⴱⵓⵔⵏ ⴳⵔ ⵜⵉⵎⵉⵣⴰⵔ ⵙⵏⴰⵜ”.

ⵢⵓⵛⴽⴰⴷ ⴳ ⵜⴰⴱⵔⴰⵜ ⴰⴷ ⵓⵍⴰ ⵏ ⴱⴰⴱ ⵏ ⵡⴰⴷⴷⵓⵔ “ ⵎⴰⵙ ⵔⴰⴷ ⵉⵖⴰⵎⴰ ⵍⵎⵖⵔⵉⴱ ⴰⵎⴷⴷⴽⵍ ⴷ ⵓⵏⴱⴷⴰⴷ ⵉⵅⵍⵚⵏ ⵏ ⵎⵉⵔⵉⴽⴰⵏ.ⴳ ⵓⵙⴰⵜⵉ ⵢⴰⴷ ⵉⵙⵙⵉⵙⵎⵉ ⴰⴷ ⴰⵡⵏ ⵎⵍⵖ ⵔⵊⴰ ⵉⵏⵓ ⴰⴼⴰⴷ ⴰⵣⴷⴰⵢ ⵏ ⵜⵡⵓⵔⵉ ⴷⵉⴷⵓⵏ ⴰⴼⴰⴷ ⵜⴰⵏⴽⵔⴰ ⵙ ⵜⵉⵢⴰⴼⵓⵜⵉⵏ ⵉⵛⵛⴰⵔⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴳⴰⵏ ⵢⴰⵏ ⴳ ⵎⵏⵏⴰⵡ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ”.

Dernière modification : 06 ⵏⵓⵡⴰⵏⴱⵉⵔ 2024
Source URL: https://www.mapnews.ma/am/activites-royales/%E2%B5%89%E2%B5%99%E2%B5%94%E2%B5%96%E2%B5%93%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8E%E2%B4%B0%E2%B5%99%E2%B5%99-%E2%B4%B7%E2%B5%93%E2%B5%8F%E2%B4%B0%E2%B5%8D%E2%B4%B7-%E2%B5%9C%E2%B5%94%E2%B4%B0%E2%B5%8E%E2%B4%B1-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8F%E2%B5%8F%E2%B5%99-%E2%B5%9C%E2%B5%89%E2%B4%BD%E2%B5%8D%E2%B5%89%E2%B5%9C-%E2%B5%A2%E2%B4%B0%E2%B4%B9%E2%B5%8F-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F