ⵉⵙⵏⵉⵎⵎⵔ ⴷⵓⵏⴰⵍⴷ ⵜⵔⴰⵎⴱ ⵉⵎⵉⵔⵉⴽⴰⵏⵉⵢⵏ ⵍⵍⵉⵖ ⵜ ⵙⵜⵉⵏ ⴰⵏⵙⵙⵉⵅⴼ ⵡⵉⵙⵙ 47 ⵏ ⵎⵉⵔⵉⴽⴰⵏ

06 ⵏⵓⵡⴰⵏⴱⵉⵔ 2024 Version Imprimable

ⵡⴰⵛⵉⵏⵟⵓⵏ - ⵉⵙⵏⵉⵎⵎⵔ ⴷⵓⵏⴰⵍⴷ ⵜⵔⴰⵎⴱ ⴰⵙⵙ ⵏ ⵓⴽⵔⴰⵙ ⵉⵎⵉⵔⵉⴽⴰⵏⵉⵢⵏ ⵍⵍⵉⵖ ⵜ ⵙⵜⵉⵏ ⴰⴷ ⵉⴳ ⴰⵏⵙⵙⵉⵅⴼ ⵏ ⵎⵉⵔⵉⴽⴰⵏ ⵉⵔⵏⵓ ⵉⵏⵏⴰ ⵎⴰⵙ ⵔⴰⴷ ⵉⵕⵥⵎ ⵢⴰⵏ ⵓⵣⵎⵣ ⵏ “ⵡⵓⵔⵖ” ⵉ ⵜⴰⵎⵓⵔⵜ ⵏⵏⵙ.

ⵉⵏⵏⴰ ⵓⴳⵎⴰⵎ ⵏ ⵓⴽⴰⴱⴰⵔ ⴰⴳⴷⵓⴷⴰⵏ ⵎⵏⵉⴷ ⵏ ⵢⴰⵏ ⵓⵏⵎⵓⵇⵇⴰⵔ ⵏ ⵉⵎⴹⴼⴰⵕⵏ ⵏⵏⵙ ⴳ ⵃⴰⵍⵎ ⴱⵉⵜⵛ ⴳ ⴼⵍⵓⵔⵉⴹⴰ ⵎⴰⵙ ⵉⵙⴽⵔ ⵢⴰⵜ ⵜⴰⵔⵏⵏⴰⵡⵜ ⵊⵊⵓⵏ ⵉⵍⵍⴰⵏ ⴳ ⵎⵉⵔⵉⴽⴰⵏ.

ⵉⵙⴷⴷⵉⴷ ⵎⴰⵙ “ⴽⵓⵍ ⴰⵙⵙ ⴰⵔ ⵜⵎⵎⴰⵖ ⴼⵍⵍⴰⵡⵏ” ⵉⵔⵏⵓ ⵉⵏⵏⴰ ⵎⴰⵙ ⵔⴰⴷ ⵉⵙⴽⵔ ⵎⵏⵏⴰⵡⴰ ⵉⵙⵡⵓⴷⴷⵓⵜⵏ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⴰⵙⵔⵜⵉⵜ ⵏ ⵜⴰⵣⵡⴰⴳⵜ.

ⴳ ⵜⴰⴱⵔⵣⴰ ⵉⵎⵓⵏ ⴷⵓⵏⴰⵍⴷ ⵜⵔⴰⵎⴱ ⴷ ⵉⴳⵎⴰⵎⵏ ⵏ ⵜⴰⵡⵊⴰ ⵏⵏⵙ ⴷ ⵉⴳⵎⴰⵎⵏ ⵏ ⵓⴽⴰⴱⴰⵔ ⴳ ⵉⵙⵜⴰⵢⵏ ⵊⴷ ⴱⴰⵏⵙ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵢⴽ ⴷⵊⵓⵏⵙⵓⵏ.

ⵜⵏⵏⴰ ⵜⵉⵍⵉⴼⵉⵣⵢⵓⵏ ⴼⵓⴽⵙ ⵏⵢⵓⵣ ⵎⴰⵙ ⵉⵔⴱⵃ ⵜⵔⴰⵎⴱ ⵖⵎⴽⵍⵍⵉ ⵜⵏⵏⴰ ⵜⴰⵏⵡⵎⴰⵙⵜ “ⴰⵙⵓⵙⵢⵉⵜⴻⴷ ⴱⵔⵉⵙⵙ” ⵎⴰⵙ ⴷⴰⵔ ⵜⵔⴰⵎⴱ 267 ⵏ ⵉⵙⵜⴰⵢⵏ ⵉⵅⴰⵜⴰⵔⵏ ⵙⴳ 270 ⵍⵍⵉ ⴷ ⵉⵇⵇⴰⵏ ⴰⴼⴰⴷ ⴰⴷ ⵉⴽⵛⵎ ⵙ ⵜⴰⴷⴷⴰⵔⵜ ⵜⵓⵎⵍⵉⵍⵜ ⵉⵣⵡⴰⵔ ⴳ ⵉⵡⴰⵏⴽⵏ ⵉⵎⵇⵔⴰⵏ ⵍⵍⵉ ⴷ ⵉⵖⴰⵎⴰⵏ ⵙⵍⴰⵡⴰⵏ ⴰⴽⴽ ⴳ ⵎⵉⵛⵉⴳⴰⵏ ⴷ ⵡⵉⵙⴽⵓⵏⵙⵉⵏ.

ⴰⵔ ⵢⴰⵏ ⵓⵣⵎⵣ ⵉⵣⵔⵣⵉ ⴱ ⵢⵉⴹ ⵏ ⵓⵙⴰⵎⴰⵙ ⴰⴽⵔⴰⵙ ⵓⵎⵥⵏ ⵉⴳⴷⵓⴷⴰⵏⵏ ⵜⵓⴳⴳⵜ ⵏ ⵓⵙⵇⵇⵉⵎ ⵏ ⵉⵎⵛⵉⵡⵔⵏ ⵏ ⵎⵉⵔⵉⴽⴰⵏ ⵍⵍⵉ ⵉⵍⵍⴰ ⴳ ⵉⴼⴼⴰⵙⵏ ⵏ ⵉⴷⵉⵎⵓⵇⵕⴰⵟⵉⵢⵏ ⵍⵍⵉⵖ ⵓⵎⵥⵏ 51 ⵏ ⵓⵏⵙⴰ ⵎⵏⵉⴷ 49 ⵏ ⵉⴷⵉⵎⵓⴰⵕⴰⵟⵉⵢⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%89%E2%B5%8E%E2%B5%8E%E2%B5%94-%E2%B4%B7%E2%B5%93%E2%B5%8F%E2%B4%B0%E2%B5%8D%E2%B4%B7-%E2%B5%9C%E2%B5%94%E2%B4%B0%E2%B5%8E%E2%B4%B1-%E2%B5%89%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F%E2%B5%89%E2%B5%A2%E2%B5%8F-%E2%B5%8D%E2%B5%8D%E2%B5%89%E2%B5%96-%E2%B5%9C-%E2%B5%99%E2%B5%9C%E2%B5%89%E2%B5%8F-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%A1%E2%B5%89%E2%B5%99%E2%B5%99-47-%E2%B5%8F-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F