Published on MAPNews (https://www.mapnews.ma/am)

Accueil > ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.. ⵉⵙⵙⴼⵓⵍⴽⵉ ⵍⵎⵖⵔⵉⴱ ⴰⴼⵔⵏⴰⵡ ⵏ  ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ  ⵜⴰⵖⵜⴰⵙⵜ 2756 (ⵜⴰⵎⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ)

ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.. ⵉⵙⵙⴼⵓⵍⴽⵉ ⵍⵎⵖⵔⵉⴱ ⴰⴼⵔⵏⴰⵡ ⵏ  ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ  ⵜⴰⵖⵜⴰⵙⵜ 2756 (ⵜⴰⵎⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ)

01 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵜⵙⵙⴼⵓⵍⴽⵉ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴰⴼⵔⵏⴰⵡ ⵏ  ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵉ ⵜⵉⵎⵜⵜⴰ ⵉⵎⵓⵏⵏ  ⴰⵙⵙ ⵏ ⵓⴽⵡⴰⵙ ⵜⴰⵖⵜⴰⵙⵜ 2756  ⵍⵍⵉⵖ ⵉⵙⵙⵉⵖⵣⵉⴼ ⴰⵣⵎⵣ ⵏ ⵍⵡⵉⵍⴰⵢⴰ ⵏ ⵍⵎⵉⵏⵓⵔⵙⵓ ⴰⵔ 31 ⴽⵟⵓⴱⵕ 2025 ⵖⵎⴽⵍⵍⵉ ⵜⵏⵏⴰ ⵜⵎⴰⵡⴰⵙⵜ ⵏ ⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ.

 ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⵎⴰⵙ ⵜⵓⵛⴽⴰ ⵜⴰⵖⵜⴰⵙⵜ ⴰ ⴳ ⵢⴰⵏ ⵓⵣⵎⵣ ⵉⵜⵜⵓⵙⴰⵏ ⵙ ⵓⴱⵔⵉⴷ ⵉⴱⴰⵢⵏ ⵍⵍⵉ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⴷⴰⵡ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵜⴳⵍⴷⵉⵜ ⵙ ⵡⴰⵏⵏⵍ ⵉⵣⴷⵉⵏ ⵏ ⵓⴳⵎⴰⵎⵏ ⵉⵙⵓⵍⴰⵏ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵜⵉⵎⵉⵣⴰⵔ ⵜⵉⵅⴰⵜⴰⵔⵉⵏ ⵏ ⵜⴰⵎⵖⵔⵉⴱⵉⵢⵜ ⵏ ⵚⵚⵃⵕⴰ ⴷ ⵜⴰⵙⵏⵜⴰⵢⵜ ⵏ ⵍⵃⵓⴽⵎ ⴷⴷⴰⵜⵉ ⵜⴰⵎⵖⵔⵉⴱⵉⵢⵜ ⴷ ⵓⵣⴷⴰⵢ ⵏ ⵓⵙⴱⴷⴷ ⵏ ⵜⵓⵙⵏⴰ ⵙ “ⵜⴳⴷⵓⴷⴰⵏⵜ ⵜⴰⵙⵃⵕⴰⵡⵉⵜ” ⵓⵔ ⵉⵍⵍⴰⵏ.

 ⵉⵔⵏⵓ ⵉⵏⵏⴰ ⵓⵙⴰⴳⵎ ⴰⴷ ⵎⴰⵙ ⵜⵃⴰⴼⴹ ⵜⵖⵜⴰⵙⵜ ⴰⴷ ⵅⴼ ⴰⴽⴽⵯ ⵉⵎⵓⵔⵙⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵖⵎⴽⵍⵍⵉ ⴷ ⵉⵙⵙⵓⴼⵖ ⵜⵉⵖⴰⵡⵙⵉⵡⵓⵏ ⵜⵉⵎⴰⵢⵏⵓⵜⵉⵏ ⵢⴰⴹⵏ ⵉⵖⵓⴷⴰⵏ ⵉ ⵜⴰⵏⴽⵔⴰ ⵏ ⵉⵎⴰⵍ ⵏ ⵓⵙⴷⴰⵡ ⴳ ⵓⴳⵏⵙ ⵏ ⵜⵉⵎⵜⵜⴰ ⵉⵎⵓⵏⵏ.

 ⵉⵎⵍⴰ ⵓⴹⵕⵉⵙ ⴰⴷ ⴰⵎⴰⵢⵏⵓ ⴰⵙⴰⵜⵉ ⴷ ⵉⴳⵎⴰⵎⵏ ⴷ ⴰⵡⵜⵜⴰⵙ ⵏ ⵜⵡⵓⵔⵉ ⵜⴰⵙⵔⴰⵜⵏⵜ ⵙ ⵖⵎⴽⴰⴷ ⵉⵙⵙⴽⵜⵉⴷ ⵓⵙⵇⵇⵉⵎ ⵏ ⵜⴱⴼⵔⵓⵜ ⵜⵉⴽⵍⵉⴷ ⵢⴰⴹⵏ ⵎⴰⵙ ⴳⴰⵏⵜ ⵜⵉⵖⵉⵎⵉⵜⵉⵏ ⵏ ⵓⵙⵉⵡⵍ ⴰⴱⵔⵉⴷ ⵢⴰⵏ ⴰⴼⴰⴷ ⴰⴼⵙⴰⵢ ⴰⵙⵔⵜⴰⵏ ⵉ ⵉⵎⵏⵖⵉ ⵢⴰⴷ ⴰⵏⵎⵏⴰⴹ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.

ⵜⴰⵖⵜⴰⵙⵜ ⴰⴷ ⵜⵙⴰⵡⵍ ⵅⴼ ⵉⴳⵎⴰⵎⵏ ⵏ ⵉⵎⵏⵖⵉ ⵙⵍⴰⵡⴰⵏ ⴰⴽⴽ ⵍⵊⴰⵣⴰⵢⵔ ⵍⵍⵉ ⵅⴼ ⵜⵙⴰⵡⵍ ⵜⵖⵜⴰⵙⵜ ⵓⴳⴳⴰⵔ ⵏ ⵍⵎⵖⵔⵉⴱ ⵖⵎⴽⵍⵍⵉ ⵉⵙⵙⵎⵢⵏⵓ ⵓⵙⵇⵇⵉⵎ ⵏ ⵜⵏⴼⵔⵓⵜ ⵎⴰⵙ ⵜⴳⴰ ⵜⵙⵏⵜⴰⵢⵜ ⵜⵎⵖⵔⵉⴱⵉⵢⵜ ⵏ ⵍⵃⵓⴽⵎ ⴷⴰⵜⵉ ⵜⴰⵙⵏⵜⴰⵢⵜ ⵉⵖⵓⴷⴰⵏ.

 ⵉⵔⵏⵓ ⵉⵏⵏⴰ ⵓⵙⵉⵡⴹ ⵎⴰⵙ ⵉⵜⵜⵓⵎⵙⴰⵙⴰ ⵅⴼ ⵜⴰⵖⵜⴰⵙⵜ 12 ⵏ ⵓⴳⵕⴹ ⴷ ⵍⵉⵎⵜⵉⵏⴰⵄ ⵏ 2 ⵅⴼ ⵓⵙⵜⴰⵢ ⴷ ⵓⵔ ⵜⴰⴷⵔⴰⵡⵜ ⵏ ⵜⴰⵎⴰⵣⵉⵔⵜ ⵜⴰⴷⵊⴰⵔⵜ ⴰⴳⵎⴰⵎ ⵓⵔ ⴰⵙⵓⵍⴰⵏ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ , ⵉⵙⴷⴷⵉⴷ ⵓⵍⴰ ⵎⴰⵙ ⵜⵎⵍⴰ ⵓⵔ ⵜⴰⴷⵔⴰⵡⵜ ⴰⴷ ⵍⵄⵓⵣⵍⴰ ⵏ ⵜⴰⵏⵏⴰⵢⵜ ⵏ ⵜⴰⵎⴰⵣⵉⵔⵜ ⴰⴷ ⴳ ⵓⴳⵏⵙ ⵏ ⵓⵙⵇⵇⵉⵎ ⴷ ⵜⴰⵔⴱⴱⵓⵜ ⵜⴰⴳⵔⴰⵖⵍⴰⵏⵜ .

ⵉⴽⵎⵍ ⵓⵙⵉⵡⴹ ⴰⴷ ⵉⵙⵙⴽⵜⵉⴷ ⴰⵙⵙⵎⴰⵢⵏⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ ⴳ ⵉⵏⴰⵡ ⵏⵏⵙ ⵢⴰⵜⵜⵢⵢⵏ ⴳ 11 ⴽⵟⴱⵕ ⵉⵣⵔⵉⵏ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵓⴱⵕⵍⴰⵎⴰⵏ ⵎⴰⵙ ⵜⵓⵛⴽⴰ ⵜⴰⵎⵔⵏⵉⵡⵜ ⴰⴷ ⴰⴷ ⵜⴰⵡⴰⵙ ⵉ ⵜⵓⴳⴳⴰⵙ ⵉⵍⵍⴰⵏ ⴳ ⵓⵙⵜⵉ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⵙⵔⴰⵙ ⵏ ⵜⴰⵙⵉⵍⴰ ⵏ ⵓⴱⵔⵉⴷ ⴰⵙⵔⵜⴰⵏ ⵍⵍⵉ ⵉⵜⵜⴰⵡⵉⵏ ⵙ ⵓⴼⵙⴰⵢ ⴰⵎⴳⵔⴰⵏ ⵏ ⵓⵙⴷⴰⵡⴰ ⴰⴷ ⴳ ⵓⵙⴰⵜⵉ ⵏ ⵡⴰⴽⴰⵍ ⴰⵎⵖⵔⵉⴱⵉⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C-%E2%B5%89%E2%B5%99%E2%B5%99%E2%B4%BC%E2%B5%93%E2%B5%8D%E2%B4%BD%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%BC%E2%B5%94%E2%B5%8F%E2%B4%B0%E2%B5%A1-%E2%B5%8F-%C2%A0%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B5%89%E2%B4%B9%E2%B4%BC%E2%B5%95%E2%B5%8F-%E2%B5%89-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-