Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

28 ⴽⵟⵓⴱⵕ 2024 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵡⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴷⵉ ⵕⵕⴱⴰⵟ ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⵏⵏⴰ ⵉⵍⵍⴰⵏ ⴳ ⵢⴰⵏ ⵓⵔⵣⴰⴼ ⵏ ⵓⵡⴰⵏⴽ ⴷⵉ ⵍⵎⵖⵔⵉⴱ ⵙⴳ 28 ⴰⵔ 30 ⴽⵟⵓⴱⵕ ⵙ ⵜⵖⵓⵔⵉ ⵏ ⵓⴳⵍⵍⵉⴷ .

ⵉⵎⴹⴰⴽⴰⵔⵏ ⵏⴳⵔ ⵙⵉⵏ ⵉⵏⵙⵙⵉⵅⴼⵏ ⵉⵣⴷⵉⵏ ⵙ ⵉⵣⵔⵉ ⵏ ⵢⴰⵏ ⵜⵉⴽⵍⵉⵜ ⵜⴰⵎⴰⵢⵏⵓⵜ ⵏ ⵉⵎⵢⴰⵙⵙⴰⵏ ⵉⴷⴷⵓⵙⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵜⵓⵙⵍⵉⴳⵜ ⵉⵙⵎⴰⵢⵏⵓⵏ ⴷ ⵜⵙⵏⴰ ⵏ ⵓⴱⵔⵉⴷ ⴳ ⵉⵙⴳⴳⵯⴰⵙⵏ ⵉⴷⴷⴰⵏ 

ⴳ ⵓⵙⴰⵜⵉ ⴷⵖ ⵔⴰⵏ ⵙⵉⵏ ⵉⵏⵙⵙⵉⵅⴼⵏ ⴳ ⵓⵎⵎⴰⵙ ⵏ ⵜⴷⵔⴰⵡⵜ ⵜⴰⵎⴰⵢⵏⵓⵜ ⵉⵜⵜⵓⵙⴽⴰⵔ ⵏ ⵓⴷⵃⵉ ⴰⴷⴷⴷⵓⵙ ⵉ ⵉⵎⵢⴰⵙⵙⴰⵏ ⵎⵏⵏⴰⵡⵏ ⵏ ⵢⵉⴳⵔⵏ ⵉⵖⵓⴷⴰⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ ⵎⴰⵔⴰ ⴰⴷ ⵢⵉⵍⵉ ⴳⵔ ⵙⵉⵏ ⵜⵉⵎⵉⵣⴰⵔ ⴷⴰⵜ ⵏ ⵜⵉⵏⵥⵉⵕⵉⵏ 

ⵉⵎⴹⴰⴽⴰⵕⵏ ⵉⵣⴷⵉⵏ ⵓⵍⴰ ⴼ ⵉⵙⵇⵙⵉⵜⵉⵏ ⵉⵏⵎⵏⴰⴹⵏ ⴷ ⵉⵎⴰⴷⴰⵍⵏ ⴼ ⵖⵉⴽⴰⵏ ⵙⵉⵏ ⵉⵏⵙⵙⵉⵅⴼⵏ ⵉⵎⵙⴰⵙⴰⵏ ⴰⴷ ⵉⵎⵓⵙⵙⵓⵏ ⴰⴷ ⵓⵖⵓⴷⴰⵏ ⵏ ⵓⵔⵓ-ⴰⵟⵕⵍⴰⵚⵉ ⴰⴼⵔⵉⵇⵉ ⴷ ⵓⵎⵓⵙⵙⵓ ⵉⵜⵜⵓⴷⵔⴰⵏ ⵏ ⴰⴼⴰⴷ ⵏ ⵓⵍⴰⵓⵢ ⴷ ⵜⵙⵏⴽⵔⴰⵙ ⵏ ⵓⴼⴳⴰⵏ ⴷ ⵓⵙⵍⴰⵏ 

ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵙⴰ ⵉⴼⴽⴰ ⵜⵖⵓⵔⵉ ⵜⴰⵎⴰⴷⴷⵓⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⴰⴼⴰⴷ ⵉⵙⴽⵔ ⴰⵔⵣⴰⴼ ⵏ ⵓⵡⴰⵏⴽ ⵉ ⵓⵡⴰⵏⴽ ⵏ ⴼⵕⴰⵏⵚⴰ ⵎⴰⵢⴰⴷ ⵉⵇⴱⵍ ⵓⴳⵍⵍⵉⴷ ⵏⵏⴰ ⵔⴰⴷ ⵉⵜⵜⵓⴼⴽⴰ ⵓⵎⵣⵔⵓⵢ ⴳ ⵢⵉⴳⵔ ⴰⴷⵉⴱⵍⵓⵎⴰⴷⵉ ".

Dernière modification : 29 ⴽⵟⵓⴱⵕ 2024
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%C2%A0-17